Jæja loksins skrif hér 
Ætli ég byrji ekki á heyskapnum. Seinni slætti er nánast lokið. Það er spurning hvort Karlskofaspildan og Ysta spildan niður á engi verði slegnar. Fer eftir sprettu þar. Ef við sláum þær ekki, þá er heyskap lokið hjá okkur. Litla frímerkið norðan við skjólbeltið og syðsta stykkið sem er sunnan við fjárhústúnið var slegið 1. ágúst og rúllað 3. ágúst. Það voru 5 rúllur af frímerkinu og 40 af syðsta stykkinu. Fjárhústúnið var slegið 11. ágúst og rúllað seint 12. ágúst. Það voru 46 rúllur af því. Þá erum við komin með 350 rúllur og ættum EKKI að verða heylaus í vetur 
Það er búið að vera mikið stuð hér á bæ. Sumardvöl, helgardvöl og afa og ömmu börn. Það var algengt að þurfa að fara á tveim bílum ef við fórum eitthvað. En þetta gekk allt ótrúlega vel.
Hér er Þórður með fjóra afa og ömmu stráka. Þá Dag Árna, litla Jónsson, Jökul Loga og Einar Breka. Það vantar þrjú afa og ömmu börn, og hér er mynd af þeim. Þau eru búsett í Noregi
Árdís Marín, Kristófer Daði og Ísabella María
Amma Sigga kom og hitti langömmustrákana sína. Takið eftir peysunni sem litli er í, hún prjónaði hana og líka húfu í stíl. Hún er ótrúleg hún Sigga. Svo rosalega flott hjá henni.
Hér eru þeir bræður, Einar Breki og litli Jónssynir. Einar Breki er svo góður við litla bróður.
Einar Breki er líka mjög góður við Huginn. Hér eru þeir að leika sér saman. Huginn líkaði þetta mjög vel
2. ágúst var haldinn, sæludagar í sveitinni. Það var meðal annars skemmtun hér á Möðruvöllum, bændfitness og fl. Við fórum og fengum okkur vöfflur, í tilefni dagsins. Þær voru seldar í Leikhúsinu á Möðruvöllum.
Týri varð eins árs 31. júlí. Alveg ótrúlegt hvað tíminn flýgur áfram.
Hér eru samanburðar myndir af lömbunum hennar Sóleyjar. Fyrri myndin er tekin 14. júní þegar við vorum að sleppa fénu á fjall, og seinni myndin er tekin 9. ágúst. Við förum annaðslagið á kindarúntinn okkar. Það hafa ekki verið margar kindur niður við girðingu, en í gær, þá voru þó nokkrar sem við sáum. Ég læt myndir af þeim inn í albúm.
Falleg fjölskylda. Þessi litli verður skírður hér fyrir norðan, líklegast 6. september. Ég hlakka svo til að fá að heyra nafnið sem hann fær 
Við erum að aðlaga þessa unga, sem komu úr eggjunum ca. 11 maí, við hænurnar. Við prufuðum að setja þá saman og það gekk ekki vel. Ég held að það sé betra að aðlaga þá svo það gangi upp að hafa þau saman.
Þetta eru ungar sem komu úr eggjunum, sem við fengum frá Inga Vigni í Ólafsfirði. Við eigum eftir að sjá betur hvað það eru margir hanar í þessum hóp. Held að það séu uppundir helmingur. Þeir komu úr eggjunum 3. júlí
Þessi síðasta útungun gekk nú ekki alveg eins og hún átti að gera. Hænan ungaði út nokkrum eggjum og hin voru fúl, svo voru nokkur egg ófrjó sem voru í vélinni. Útkoman úr þessum 39 eggjum var, að það komu 22 ungar, en 3 dóu. Ég held að það séu 19 ungar hjá hænunni núna sem dafna vel.
Komnar inn myndir
Molinn kveður
