Þetta er síðan hennar Birgittu Lúðvíks.


Flettingar í dag: 269
Gestir í dag: 7
Flettingar í gær: 2149
Gestir í gær: 23
Samtals flettingar: 865180
Samtals gestir: 46737
Tölur uppfærðar: 19.3.2024 06:32:03

Færslur: 2015 Júní

16.06.2015 22:38

Stuð í sveitinni

Við fórum með ferð númer tvö, 14. júní. 53 fullorðnar og 88 lömb. 
Á morgun 17. júní ætlum við að fara með þriðju ferðina. Þær kindur sem eru farnar, eru allar farnar upp í fjall.


Nú er sumarið loksins skollið á. Hér eru þau Sigrún, Júlli og Tómas að drekka úti á palli. Við erum búin að vera mikið úti í þessu góða veðri emoticon Vonandi verður þetta áfram svona


Við erum búin að fá okkur nýtt hengirúm. Gaman fyrir krakkana að leika sér í því. Hér er Júlli í afslöppun

Nokkrar myndir settar inn í dag



Molinn kveður


13.06.2015 22:02

Fjárflutningar

Þá erum við nú farin að huga að því að sleppa á fjall. Við erum búin að fara með eina ferð í hólfið (Neðstaland) hans Helga á Bægisá. Við fórum með 50 fullorðið og 90 lömb. Við komum til með að opna hliðið á hólfinu, upp í fjall þannig að þær geti farið í rólegheitunum uppeftir.


Það þurfti að snyrta klaufir á nokkrum. Þær voru ekki allar snyrtar áður en þær fóru út í vor. Hér eru þeir bræður Þórður og Simmi að klippa. 
Við gáfum öllu ormalyf, bæði fullorðnu og lömbum

Við förum aðra ferð á morgun.


Kveðjustund. Hér er Helga að gefa Brúsku brauðbita í kveðjuskyni


Við erum búin að láta Rex frá okkur. Hann fór í Húnavatnssýslu. Ég veit að hann mun hafa það gott á nýjum stað, elsku karlinn.

Nokkrar myndir í myndaalbúmi emoticon



Molinn kveður



10.06.2015 10:58

Sauðburðarlok

Þá er nú síðasta kindin borin. Hún bar í gærkvöld, hrút og gimbur. Sauðburður telur nærri tvo mánuði, vantar bara 6 daga uppá. Fyrsta bar 15. apríl og sú síðasta 9. júní. Ég bætti 4 nóttum við í fjárhúsunum og er þá búin að sofa alls 46 nætur þar. Lömbin eru 369 á lífi


Krækja með botnótta gimbur og hvítan hrút


Hrúturinn


Og gimbrin


Það er ekki langt í að þessi gimbur nái mömmu sinni í stærð. Vantar bara smá uppá emoticon


Bjössa líður vel í sveitinni. Hér er hann í góðum félagsskap


Og hér líka


Þessar eru að athuga hvort Flóki litli sé ekki örugglega sofandi ennþá


Stór, stærri, stæðstur


Hrútur undan Æðey


Gimbur undan Æðey


Hrútar undan Brík og gimbur undan Fóstru


Hún er svo flott og tignarleg forystugimbrin undan Súlu. Hún heitir Hexía

Ég var að tala um það um daginn að ég hefði ekki fundið neitt hreiður þetta vor. Svo í gær sá ég þrjú, rjúpu, lóu og skógarþrastar.


Rjúpu hreiður


Lóu hreiður


Og skógarþrastar hreiður og komnir ungar


Ég fór upp í fjallshólf í fyrradag. Úthaginn er aðeins að taka við sér, en ekki er það nú mikið. Vonandi verður hægt að byrja að keyra á fjall um næstu helgi. Þær eru að verða pínu til vandræða sumar. Allavegana fjórar. Tvær skríða undir girðinguna hvar og hvenær sem er og tvær stökkva yfir og koma ekki einusinni við. Það er frekar leiðinlegt að eiga svona girðingafanta. Þær eru komnar á sláturhúslistann fyrir haustið.



Molinn kveður




08.06.2015 08:27

Enn er ein óborin

Enn hangir í einni. Ég er byrjuð að vakta hana. Farin að sofa aftur í fjárhúsunum eftir 10 daga pásu, komnar þrjár nætur. Hún verður líklegast borin innan tveggja daga.


Ekki klikkar Mörk á því að koma til Bjössa. Ég var búin að kalla á hana, en hún lét sem hún heyrði ekki í mér. Um leið og Bjössi kallaði á hana þá kom hún hlaupandi til hans. Hún er mjög sérstök þessi kind.


Bjössi gaf henni brauð. Hann gaf henni enda og tók hann ekki í sundur. Mörk átti erfitt með að innbyrða þennan brauðenda og geiflaði sig í framan við að éta. En henni tókst það á endanum og þakkaði fyrir sig.


Aron fann Tanju og gaf henni brauð


Gimbur og hrútur (forystulömb) undan Eldingu gemling (forystukind). Þau eru frekar flott


Sum lömbin eru orðin svo stór. Þetta er hrútur undan Ófeig


Verið að græja fjárflutningarvagninn. Það verður vonandi hægt að byrja að keyra á fjall næstu helgi. En gróðurinn fer nú rólega af stað. Úff ég veit ekki hvernig þetta sumar verður. Kalt sumar ? Vonandi ekki.


Aron og Bjössi komnir í flotta vinnugalla og eru tilbúnir í girðingarvinnu


Við Flekka erum svo góðar vinkonur. Einu sinni var hún með styggustu kindunum í fjárhúsunum, en er það ekki lengur. Hún kemur til mín út á túni og vill fá klapp og knús


Flottar mæðgur Súla og Drottning

Ég setti nokkrar myndir í albúm.



Molinn kveður





04.06.2015 09:55

TAKMARKINU NÁÐ í myndatökunni

Já góðan daginn emoticon  takmarkinu er náð emoticon emoticon emoticon  Ég er búin að taka myndir af ÖLLUM lömbunum sem eru 367 stk. Ég tók þessar myndir á löngum tíma þannig að sum eru orðin gömul og frekar stór en sum ung. En það skiptir mig ekki máli. Málið er að eiga myndir af þeim og geta séð þau þegar þau eru komin á fjall emoticon
Nú er að vinna úr myndunum, setja þær á spjald og setja þau upp á ELDHÚSVEGGINN.
Það góða við þetta líka er, að ég er búin að labba mikið innanum féð og hef fylgst með lömbunum hvort sé ekki allt í lagi með þau. Ég sá td. að eitt lambið hafði villst undan mömmunni. Við settum hana inn en hún vildi það ekki, var alveg brjáluð. Við bundum hana í smá tíma en ekkert gekk. Það endaði með því að við vöndum það, þá 11 daga gamalt, undir eina einlembu sem bar. Það gekk svona líka vel. Nú hefur það, það mjög gott með fóstur móður sinni. 


Þessi gimbur er rosalega flott á litin. Hún verður áreiðanlega sett á í haust emoticon


Birgir er búinn að vera í sumardvöl hjá okkur í nær viku, fer heim á morgun. Hann er búinn að sýna mikla þolinmæði að skottast með mér í myndatökunum. Alltaf tilbúinn að labba innan um féð. Duglegur og góður strákur. Hér er hann ásamt einum litlum frænda mínum sem er í daggæslu í 4 daga hjá okkur. Já og svo Týra og Rex.


Hér eru tveir verktakar að koma frá því að vinna í garðinum okkar. 


Þessir verktakar eru gimbrar undan Lýsu


Ekki lengi að smella sér í gegn


Og svo hin


Jebb svona á að gera þetta emoticon

Nú fer sumardvölin hjá börnunum að skella á. Það verða nokkur hér í sumar hjá okkur emoticon


Molinn kveður



01.06.2015 23:01

6 myndir eftir :-)

Nú á ég eftir að taka myndir af 6 lömbunum. Spennan eykst með degi hverjum emoticon


Það er skrítið að þurfa að vera í kuldagalla 1. júní, en það er nú bara þannig. Ég er búin að vera í kuldagalla í dag við myndatökur. Úff þvílíkt og annað eins. En ég sé björtu hliðarnar á þessu, því ef það væri sól þá væru myndirnar ekki góðar sem ég er að taka. Vont að taka myndir í sól


Birgir í góðum félagsskap. Þær elska brauð


Já þær vilja meira


Sumar vilja líka bara klapp


Fríð með gemlingslamb undan Hetju og svo sitt lamb. 


Alveg einstaklega flott gimbur þessi mógoltótta. Hún verður áreiðanlega sett á í haust


Molinn kveður




01.06.2015 12:02

16 myndir eftir :-)

Ég á eftir að taka mynd af 16 lömbum, þá er ég komin með myndir af öllum 367 lömbunum emoticon 
Ég verð að fara efst í fjallshólfið og athuga hvort restin haldi sig þar uppfrá. Þetta er alveg að hafast emoticon


Þessi er orðin frekar leið á þessu tíðarfari. Grasið sprettur frekar hægt. 


Þessa dagana eru hundarnir nánast alltaf í bandi, en eru mjög fegnir þegar þeir fá að vera pínu frjálsir. Eiga það þá til að slást í góðu


Rex og Týri í góðum gír


Þessir tveir stóðu sig vel í girðingarvinnu í gær. Birgir er góður vinnumaður. Hann er í viku sumardvöl hjá okkur og hjálpar okkur mikið. Duglegur strákur


Þórður tætir um allt á þessu góða hjóli. Þvílíkt töfratæki sem þetta hjól er


Hér þarf ég ekki að snyrta blómabeðin, ég er með verktaka í því 



Molinn kveður


  • 1


clockhere

Nafn:

Birgitta Lúðvíksdóttir

Farsími:

820-7756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgársveit

Um:

Áhugamanneskja um sauðfjárrækt. Er með kindur á Möðruvöllum í Hörgársveit

Einar Breki, kom í heiminn

atburður liðinn í

12 ár

6 mánuði

5 daga

Haukur Nói, kom í heiminn

atburður liðinn í

9 ár

8 mánuði

7 daga

Birgitta Ósk, kom í heiminn

atburður liðinn í

2 ár

2 mánuði

5 daga

Tenglar