Ömmu og afa kaffi

15.03.2018 20:31

Skíðakóli, dagur 2

Skíðaskólinn í dag, dagur tvö. Ég tók nokkrar myndir og þær eru hér, að ofan, í myndaalbúminu. Ég varð að setja myndirnar í tvö albúm. Þau eru með sömu dagsetningu.

Veðrið var mjög gott

Þórður snillingur var að smíða, fyrir lambamerkin. Hann dreymdi hvernig hann ætlaði að hafa þetta og auðvitað lék það í höndunum á honum að búa til spjald til að geta raðað merkjunum í. Það komast eitthvað á annað hundrað merki í þetta

Merkin koma svona, límd saman með sterku límbandi. Þegar við erum að nota þau, (marka lömbin), þá flækist límbandið og merkin annaðhvort detta af eða flækjast saman, þannig að það er erfitt að finna þau

Svona eru merkin sett í þetta

Þetta er algjör snilld

Alltaf er nú sérstakt þegar maður grillar í fyrsta skiptið á árinu. Já ég grillaði og þvílíkt sem þetta var góð máltíð. Ég læt nú ekki líða langan tíma þar til ég grilla næst emoticon

Molinn kveður

Skrifað af Birgittu

14.03.2018 19:32

Skíðaskóli, dagur 1

Þelamerkurskóli er sko flottasti skólinn á landinu.

1-4 bekkur skólans fær skíðakennslu í fjóra daga. Þau fóru í Hlíðarfjall í dag, fara svo líka á morgun (fimmtudag), mánudag og þriðjudag. Þessa fjóra daga eru þau með skíðakennara með sér.

Miðvikudaginn 21. mars er svo útivistardagur hjá skólanum og þá fara allir í Hlíðarfjall. Þessir dagar eru æðislegir emoticon

Ég tók nokkrar myndir í dag. Það var bara ekki alveg nógu gott skyggni. Ég verð alla dagana með þeim þannig að ég tek fleiri myndir, í vonandi betra skyggni. Hér koma nokkrar myndir

Krakkarnir búnir að raða sér í hópa, gulur, rauður og grænn

Rauði hópurinn að fara með kennaranum sínum

Græni hópurinn

Rauði hópurinn. Græni hópurinn er þarna fyrir ofan

Guli hópurinn

Þessi eru að fara í stólalyftuna í fyrsta skiptið. Þau stóðu sig mjög vel

Svo var hressing í lokin. Góður dagur emoticon

Aðeins að hvíla lúin bein

Fleiri myndir í myndaalbúminu emoticon

Molinn kveður

Skrifað af Birgittu

13.03.2018 19:29

Útiþurrkaður þvottur

Já nú get ég hengt út þvott. Ég á eftir að moka meira, þannig að ég geti notað allar snúrurnar

Við klipptum 10 ær í morgun og erum þá komin upp í 143 ær emoticon

Molinn kveður

Skrifað af Birgittu

12.03.2018 19:48

Snjómokstur

Fallegt veður í dag. Jörð orðin hvít

Veðrið var svo gott í dag, að við Damian ákváðum að vera með góðan útiverutíma. Ég mokaði smá ræmu, undir snúrustaurunum. Snjórinn var svo grjót, grjót harður að þetta tók sinn tíma

Damian notaði snjókögglana til að búa til kastala og hann dundaði sér lengi í því

Sko, flottur kastali hjá honum

Aðeins að hvíla mig

Þessi mokstur tók þrjá klukkutíma. Líkamsræktin búin í dag. Nú get ég hengt út þvott á morgun ef veðrið verður gott emoticon

Við klipptum klaufir, á 5 ám í morgun. Við klipptum ekkert á laugardag og sunnudag. Nú erum við búin með 133 ær

Molinn kveður

Skrifað af Birgittu

11.03.2018 20:16

Helgargengið okkar

Helgargengið okkar. Þeir hjálpuðu okkur í fjárhúsunum, kvölds og morgna alla helgina

Bræður að hafa það huggulegt

Já mjög huggulegt

Það er líka hægt að hafa það huggulegt heima

Nú eru gullmolarnir farnir heim og við orðin þrjú aftur

Molinn kveður

Skrifað af Birgittu

10.03.2018 15:17

Bændadeildin á Hvanneyri í heimsókn

Nemendur bændadeildar á Hvanneyri, komu í heimsókn til okkar í dag

Prúðir og myndalegir verðandi bændur, samankomnir í fjárhúshlöðunni á Möðruvöllum

Þórður að tala yfir hópnum. Hann gat þess meðal annars að það eru 50 ár frá því að hann var í þeirra sporum (hann var í bændadeildinni á Hvanneyri)

Þórður tekur við gjöfum frá þeim

Þarna er ég með gjafirnar frá Hvanneyringunum

Molinn kveður

Skrifað af Birgittu

09.03.2018 21:07

Gullmolarnir mættir til ömmu og afa

Þessir gullmolar eru mættir til okkar og verða um helgina

Ís ferð, er nauðsynleg þegar sólin skín emoticon

Við klipptum klaufir á 6 ám í morgun og talan er komin upp í 128. Þetta smá mjakast. Klaufirnar eru mjög harðar. Við erum lengur með þær heldur en gemlingana.

Molinn kveður

Skrifað af Birgittu

08.03.2018 21:09

Bara 5 í dag

Við tókum bara 5 í morgun. Við vorum nánast jafn lengi með þessar 5 í dag og þessar 20 í gær. Við tókum verstu 5 í einni kró og þær voru mjög slæmar

Þórður þurfti oft að nota naglbítinn.

122 búnar

Þær voru rólegar í morgun þegar við komum í fjárhúsin. Voru ekki að nenna að standa upp

Þessar líka. Þeim líður vel emoticon

Allt orðið hvítt

Molinn kveður

Skrifað af Birgittu

07.03.2018 19:02

117 búnar af 347

Þá er þessi kró búin. Við klipptum 10 í morgun.

Það eru 117 búnar af 347

Það tekur á að setja kindurnar í stólinn og halda þeim

Þetta var ekki gott, en þetta jafnar sig emoticon

Þetta er svona víða um líkamann emoticon

Molinn kveður

Skrifað af Birgittu

06.03.2018 17:25

Snyrting, snyrting

Það eru bara 9 eftir í þessari kró. Við tókum 20 í morgun, í klaufsnyrtingu, fósturmerkingu og merkjahreinsun

107 búnar af 347 emoticon

Molinn kveður

Skrifað af Birgittu

05.03.2018 13:52

Já, klaufsnyrting

Ósnyrtar klaufir á þessari sem situr í stólnum

Þórður búinn að koma við þessa með klippunum

Það rúlluðu 20 í gegn hjá okkur í morgun

Þá eru 35 búnar, af 64 í þessari kró. 29 eftir. Við ættum að geta tekið 15 á morgun og 14 á miðvikudaginn

87 búnar af 347

Molinn kveður

Skrifað af Birgittu

04.03.2018 19:14

Fyrri sprautan

Við klaufsnyrtum 15 gemlinga í morgun emoticon

Við sprautuðum alla gemlingana, smálömbin og lambhrútana, fyrri sprautuna gegn lambablóðsótt. Það var gert í dag, 4. mars.

Við erum orðin þrjú aftur. Bjössi og Haukur Nói farnir heim

Molinn kveður

Skrifað af Birgittu

03.03.2018 17:11

Fjörið er hér

Þessi kró búin. Við kláruðum hana í morgun. 52 búnar af 347.

Við ætlum að byrja á gemlingunum í fyrramálið

Haukur Nói að gefa kindunum brauð

Þórður og Bjössi í fjárbókhaldinu. Þeir eru að skrá þessar sem við klaufsnyrtum í morgun emoticon

Þessi stubbur var alveg hissa á ömmu sinni þegar hann mátti drekka af stút. Fannst það mjög spennandi

Allir að leika sér á klakanum. Týri fékk að vera með

Góð útivera

Gullmolinn minn

Gullmolinn með klakamola emoticon

Molinn kveður

Skrifað af Birgittu