Jarðarför

22.03.2014 20:18

Fallegur og góður dagur

Það snjóað eitthvað smá í gær og fyrradag. Það var nánast allt autt fyrir þessa úrkomu.

Simmi kom á dráttarvélinni og mokaði allann snjóinn í burtu

Þetta er nú smá slatti af snjó sem kom á tveim dögum

Simmi búinn að hreinsa þetta vel

Hér er elsku Snati. Hann hefur það nú gott hjá nýju fjölskyldunni á Siglufirði

Rex litli snjóbolti. Týri er búinn að hnoðast með honum í snjónum

Rosalega finnst mér þessi mynd flott. Týri er slltaf svo tignarlegur og flottur.

Flottir strákar þeir Júlli, Bjössi og Einar. Við gerðum snjóhús/göng. Hressir og kátir léku þeir sér í snjónum í dag. Ég er orðin það góð í hendinni að ég gat mokað og gert þetta snjóhús. Ég held að Einar, (sá sem er búinn að styðja mig meðan ég var í gipsinu) sé að yfirgefa mig fljótt og örugglega. Ég fer að verða algjörlega verkjalaus og það hefur ekki gerst í ALL LANGAN TÍMA.

Molinn kveður.

Written by Birgittu

18.03.2014 07:00

Elsku Snati

Alltaf svo fallegt í sveitinni góðu.

Nú er elsku Snati farinn frá okkur og kominn á gott heimili á Siglufirði. Ég veit að hann fær góða umönnun og hlýju á nýju heimili.

Týri og Snati í sínum daglega leik. Ég held að Týri sjái nú aðeins eftir honum, en hann hefur Rex.

Kveðjustund, allir að kúra saman.

Týri er njóla óður. Hér er Birgir að leika við hann með njóla. Týri er að verða búinn að klippa niður alla njólana, á leiðinni, á milli húsa.

Árni Arnsteins kláraði að klippa allt féð, 91 stk. 15. mars. 74 fyrri daginn og 91 seinni daginn.

Molinn kveður.

Written by Birgittu

14.03.2014 12:00

2 1/2 árs

Elsku gullið mitt, hann Einar Breki er tveggja og hálfsárs í dag. Hann er hér í góðum gír með puttana tvo á hreinu. Ooohh hvað ég sakna hans.

Nú er ég laus við gipsið og þetta leit allt vel út. Læknirinn var ánægður með útlitið á hendinni og hvað ég gat hreyft hana mikið. Ég er mjög sátt emoticon

Vá hvað var þægilegt að leggjast í baðið í gær.

Molinn kveður.

Written by Birgittu

14.03.2014 08:00

Snoðið tekið af

Árni í Dunhaga kom í gær og klippti 74 stk. af 170 ja eða af 165 vegna þess að við ætlum að sleppa því að klippa fullorðnu hrútana. Hann ætlar að koma aftur í dag og klippa fleiri, já eða kannski klára.

Hér er Árni að klippa.

Ófeig verður alltaf mjög doppótt þegar búið er að klippa hana. Hún er annars hvít á skrokkinn.

Molinn kveður.

Written by Birgittu

14.03.2014 07:00

4-7 apríl

Ærnar sem eiga að bera 4.-7. apríl

11-041 Perla, með tvö. Í fyrra gekk hún með í 142 daga. Hún gæti borið 6.

10-032 Ponsa, með tvö. Í fyrra gekk hún með í 140 daga. Hún gæti borið 4.

11-312 Snoppa, með tvö. Í fyrra gekk hún með í 144 daga, var að vísu einlembd þá. Hún gæti borið 7.

10-021 Sæla, með þrjú. Í fyrra gekk hún með í 144 daga. Hún gæti borið 7. miðað við það að hún sé með þrjú

10-037 Vör, með þrjú. Í fyrra gekk hún með í 143 daga. Hún gæti borið 7.

11-307 Pera, með þrjú. Í fyrra gekk hún með í 140 daga. Hún gæti borið 4.

Jæja nú er á dagskránni að fara að græja hjólhýsið.

Molinn kveður.

Written by Birgittu

12.03.2014 10:49

Lambablóðsótt, fyrri sprautan

Þá er nú búið að sprauta alla gemlingana og einn hrút, fyrri sprautuna gegn lambablóðsótt. Það var gert í gærkvöld, 11. mars. Ærnar sem eiga að bera 7. apríl voru sprautaðar 10. mars, bæði gegn lambablóðsótt og líka með seleni. Svo á eftir að sprauta allt, nema þessar sem bera 7. apríl, seinni sprautuna gegn lambablóðsótt og líka með seleni.

Bara svona smá dagbók fyrir okkur emoticon

Og svo er ég að fara á morgun og láta taka af mér gipsið. Já það eru komnar 6 vikur. Alveg merkilegt hvað þær voru fljótar að líða.

Molinn kveður.

Written by Birgittu

10.03.2014 07:00

Brák

Þessi ær 10-023 Brák, er undan kind frá okkur 08-010 Zeldu og 03-989 Kalda sæðishrút. Hún var þrílembd gemlingur, fjórlembd tveggjavetra, þrílembd þriggjavetra og nú er hún á fjórða vetrinum, og það voru talin í henni fjögur fóstur. Ef hún nær að koma þeim heilum í heiminn, þá verður hún búin að eiga 14 lömb á fjórum árum. Það hefur ekkert misfarist hjá henni enn sem komið er og vonandi gengur vel hjá henni í vor.

Fyrsta grill ársins. Þau Birta og Þórhallur létu sig hafa það að koma og grilla á laugardaginn, þó veðrið væri ekkert spes. En mikið rosalega var þetta ljúffengur matur uuummmmm. Takk elsku Þórhallur og Birta.

Molinn kveður

Written by Birgittu

07.03.2014 14:44

MÁNUÐUR

Núna er akkúrat mánuður

Molinn kveður

Written by Birgittu

06.03.2014 21:37

Öskudagur og fundur

Ég er búin að setja inn myndir frá öskudeginum, af flest öllum öskudagsliðunum sem heimsóttu Búgarð.

Við fórum á aðalfund sauðfjárræktarfélagsins Neista, í gærkvöld, 5. mars. Hann var haldinn í Leikhúsinu á Möðruvöllum. Ég setti inn myndir frá kvöldinu.

Molinn kveður.

Written by Birgittu