Gamlársdagur/kvöld

30.12.2020 20:12

Flugeldakaup

Við fórum að versla flugelda í dag og það fór um land allt. Við lentum í viðtali í fréttum á rúv. Auðvitað verslum við flugelda hjá Slysavarnarfélaginu Landsbjörg. Við höfum aldrei leitað annað

Þetta var upplifelsi fyrir strákana þá Damian, Alexander og Einar Breka

Það verður gaman á morgun emoticon

Elsku ömmu og afa gullin okkar orðnir spenntir fyrir kvöldinu á morgun emoticon

Molinn kveður

Written by Birgittu

29.12.2020 17:07

Hrúturinn tekinn úr gemlingunum

Við tókum hrútinn úr gemlingunum, í dag. Þær ættu þá ekki að bera eftir 21. maí. Það er gott að vera ekki með gemlinga sem bera seint

Við tókum alla lambhrútana úr ánum

Við hrókeruðum fullorðnu hrútunum, (í dag) tókum öll spil, þannig að hver hrútur hefur eina kró. Ærnar ættu allar að vera gengnar. Það eru komnir 17 dagar og við höfum bara séð eina ganga upp.

Sauðburður mun byrja 4. maí og ef engin gengur eftir þennan dag, þá ætti hann að verða búinn 21. maí

Það eru að vísu þrjár ær (þessar sem komu í desember af fjalli) sem bera 28. apríl og fyrr emoticon

Ég vona svo innilega að það verði hægt að fósturtelja hjá okkur, því það sparar svo mikla vinnu við sauðburðinn emoticon

Molinn kveður

Written by Birgittu

28.12.2020 16:51

Gegningar og göngutúr

Duglegir strákar í gegningum í morgun

Við fórum í smá göngutúr í dag. Aðeins að viðra okkur

Við gengum suður veg og röltum um krúsirnar

Þetta er mynd af okkur systkynum. Systurdóttir mín, Ólína Sif teiknaði. Hún er snillingur að teikna emoticon

Myndin er sett saman úr 6 myndum

Molinn kveður

Written by Birgittu

27.12.2020 21:35

Snjólaust

Ég má nú til með að setja inn mynd af snjóleysinu. Það hefur nánast ekkert snjóað á þessum vetri og árið að verða búið. Þetta styttir veturinn talsvert

Við fengum vacuum pökkunarvél í jólagjöf. Nú verður gaman að pakka kjötinu emoticon

Molinn kveður

Written by Birgittu

26.12.2020 17:14

Góður fjórhjólatúr í dag

Við fórum í smá fjórhjólatúr í dag. Við komum við á nokkrum stöðum á Akureyri, en við fórum hvergi inn. Bara spjallað útivið. Við fórum svo frá Akureyri, á Myrká. Hér koma nokkrar myndir úr ferðinni

Bakkahlíð 12, enginn heima

Við fylltum hjólin af bensíni áður en við héldum lengra

Undirhlíð 3, hittum pabba og mömmu

Borgarsíða 10, heilsuðum Hafeyju systur

Komum við í búð til að kaupa safa fyrir strákana

Heilsuðum Jóni bróður

Svanberg og Anna voru ekki heima

Heilsuðum Hafsteini bróður og fjölskyldu

Ég gleymdi að taka mynd á hlaðinu á Myrká, en ég bætti úr því og tók þessa mynd rétt eftir að við lögðum af stað heim. Við fengum heitt súkkulaði og kökur á Myrká. Við fengum hita í kroppinn áður en við héldum heim

Skemmtilegur fjórhjólatúr. Ókum alls milli 80 og 90 km.

Molinn kveður

Written by Birgittu

25.12.2020 17:18

Jóladagur

Búin í gegningum í morgun

Alltaf gaman að fara í fjárhúsin á Jóladag

Hangikjöt á jóladag

Við hjónin við jólatréð í gær

Hlusta á klukkurnar slá og bíða eftir að klukkan verði sex, í gær

Við förum alltaf og setjum skreytingu og kveikjum á kerti, á aðfangadag, á leiðunum hjá okkar nánustu

Foreldrar Þórðar

Amma og afi Þórðar

Mákona og svilkona okkar

Litla gullið okkar

Það var mjög mikið rok, en við náðum að kveikja á öllum kertunum. Svo er spurning hvort þau hafa logað áfram

Molinn kveður

Written by Birgittu

24.12.2020 22:00

Gleðilega hátíð kæru síðu-vinir

Gleðileg jól kæru síðu-vinir emoticon

Yndislegt kvöld með gullunum okkar emoticon

Gullmolarnir okkar

Rétt tæplega 70 pakkar undir trénu. Það var góð stund, að taka upp pakkana

Þrettándi var Kertasníkir,

þá var tíðnin köld.

Ef ekki kom hann síðastur,

á aðfangadagskvöld.

Hann elti litlu börnin,

sem brostu glöð og fín

og trítluðu um bæinn

með tólgarkertin sín

Svo tíndust þeir í burtu

það tók þá frost og snjór

á þrettándanum síðasti

sveinstaulinn fór

Molinn kveður

Written by Birgittu

23.12.2020 21:24

Þorláksmessa

Fallegt á Þorláksmessu

Við vorum að skreyta í dag

Þessir komnir á ísskápinn

Og þessir komnir í gluggann

Eldhúsrúllustandur sem Guðrún Helga málaði og gaf okkur fyrir nokkrum árum eða svo

Þessi kirkja er orðin mjög gömul og er enn í lagi. Jólatréð gerði María dóttir Þórðar og gaf okkur. Það er líka orðið gamalt, en er í góðu lagi

Og þessi jólasveinn er orðinn eitthvað um 20 ára eða eldri og hann er í fullu fjöri. Þennan disk málaði Sigga tengdamamma ´94

Kertastjakar sem Damian bjó til í fyrra, í skólanum og gaf okkur. Mjög flottir hjá honum

Þórhallur kom og skreytti jólatréð emoticon

Ketkrókur sá tólfti,

kunni á ýmsu lag.

Hann þrammaði í sveitina,

á Þorláksmessudag.

Hann krækti sér í tutlu,

þegar kostur var á.

En stundum reyndist stuttur,

stauturinn hans þá.

Molinn kveður

Written by Birgittu

22.12.2020 21:32

Prinsessa

Í svarta myrkri í morgun, heyrðist jarm úti, á Myrkárbakka. Daddi (bóndinn á Myrkárbakka) fór að athuga hvaðan hljóðið kæmi. Það kom frá réttinni. Þessi ær 18-406 Prinsessa var þar komin og vildi koma heim. Þetta er forystuærin sem stökk frá hópnum sem náðist um daginn (6. des.). Hún hlýtur að finna á sér eitthvað óveður í aðsigi.

Við fórum á jeppanum til að sækja hana og fékk hún að vera frammí hjá mér á leiðinni heim

Ég held að hún hafi verið ákaflega fegin að komast heim og í þennan hóp. Þetta eru forystuærnar sem eru hjá forystuhrútnum

Ég bakaði fimmtu uppskriftina af mömmu kökum í dag. Þá ættu nú að vera nógar kökur þessi jól emoticon

Ellefti var Gáttaþefur,

aldrei fékk sá kvef.

Og hafði hann þó svo hlálegt,

og heljarstórt nef.

Hann ilm af laufabrauði,

upp á heiðar fann.

Og léttur eins og reykur,

á lyktina rann.

Molinn kveður

Written by Birgittu

21.12.2020 22:36

Fjárhúslíf

Fjárhúslífið gengur vel

Við erum búin að skrá fang á rétt rúmlega helminginn af ánum. Vonandi verða ekki margar sem vantar fangdag emoticon

Tíundi var Gluggagæir,

grályndur mann.

Sem laumaðist á skjáinn,

og leit inn um hann.

Ef eitthvað var þar inni,

álitlegt að sjá.

Hann oftast nær seinna,

í það reyndi að ná.

Molinn kveður

Written by Birgittu

20.12.2020 19:18

Fjórði sunnudagur í aðventu

Englakerti

Við kveikjum fjórum kertum á

brátt kemur gesturinn

og allar þjóðir þurfa að sjá

að það er frelsarinn

Smá drónaflug í dag/kvöld

Möðruvellir 3, 4 og 5

Möðruvellir 3, 4 og 5

Nokkrar myndir af Möðruvallakirkju

Á meðan ég var að mynda, þá dundaði Alexander sér við að búa til þetta listaverk. Mér finnst þetta flott hjá honum emoticon

Níundi var Bjúgnakrækir

brögðóttur og snar.

Hann hentist upp í rjáfrin

og hnuplaði þar.

Á eldhúsbita sat hann

í sóti og reyk

og át það hangið bjúga,

sem engan sveik.

Molinn kveður

Written by Birgittu

19.12.2020 20:46

Jólin nálgast

Vinnumennirnir okkar um helgina emoticon

Nú er jólatréð, sem við fengum í Dagverðartungu um daginn, komið á sinn stað

Þórður skreytti það. Mjög flott hjá honum emoticon

Glæsilegt

Ég var búin að baka tvær uppskriftir af mömmukökum um daginn. Þær eru búnar, þannig að ég bakaði aðrar tvær uppskriftir í dag. Kannski á ég eftir að baka þá fimmtu. Þetta eru lang vinsælustu kökurnar á þessu heimili emoticon

Skyrjarmur sá áttundi,

var skelfilegt naut.

Hann hlemminn ofan af sánum,

með hnefanum braut.

Svo hámaði hann í sig,

og yfir matnum gein.

Unz stóð hann á blístri,

og stundi og hrein.

Molinn kveður

Written by Birgittu

18.12.2020 20:16

Litlu-jól

Gullmolarnir okkar klárir á litlu jólin í skólanum

Fallegur gullmoli

Fallegur gullmoli

Það voru spenntir drengir sem fóru í skólann í morgun

Sjöundi var Hurðaskellir,

sá var nokkuð klúr,

Ef fólkið vildi í rökkrinu

fá sér væran dúr.

Hann var ekki sérlega

hnuggin yfir því,

Þó harkalega marraði

hjörunum í.

Molinn kveður

Written by Birgittu