Halló hér !!
Jæja allt gott hér að frétta. Ég er farin að vinna aftur. Ég er í letistarfi, sit á rassinum allan daginn og raða bökkum á færiband. Ég er nefnilega ekki orðin góð í fætinum, ég á að fara í speglun 13. ágúst. Get ekki verið að labba í kringum skyrpökkunarvélina allan daginn, þannig að ég sit á rassinum í staðin.
Við vorum með mat, í staðin fyrir kaffi, á afmælisdaginn minn, í Lyngbrekku. Holusteiktum læri, og það tókst held ég bara vel. Það komu um 40 manns, og sem betur fer var gott veður, því húsið er svo lítið að það hefði ekki verið hægt að hafa þetta inni. Það var um 20 stiga hiti. Þetta var alveg mjög góður dagur. Við gistum með strákana, og mamma, pabbi, Guðrún Björg, Tristan og Róbert gistu hjá okkur.
Ég á eftir að setja inn myndir, bæði frá ferðinni okkar í Baugasel, og frá afmælinu.
Strákarnir Siggi og Júlli fóru á sunnudaginn. Þá er sumardvölinni lokið hjá þeim. Að vísu kemur Júlli á miðvikudaginn og verður þangað til á sunnudaginn.

Molinn kveður.

Við erum búin að skreppa í Lyngbrekku síðustu daga, og mis gott veður búið að vera. Í gær þá vorum við þar, og veðrið var bæði rigning og sól. Við Dagur fórum í pottinn. Ég var í rúma tvo tíma og hann í rúma þrjá klukkutíma. Sigga og Haukur komu í heimsókn og Sigga skrapp í pottin til okkar Dags. Við vorum komin með frekar mikla rúsínuputta.
Ég er búin að sleppa hækjunum, en EKKI orðin góð í hnénu. Er nú að verða frekar leið á þessu öllu. Fer til Guðna 21. júlí ef ég verð ekki orðin góð þá.

Molinn kveður.

Halló.
Ég er búin að setja inn myndir og alveg helling af þeim. Það eru myndir af Ísabellu, Degi ofl. Já Ísabella er á Íslandi núna með mömmu sinni. Þær komu á föstudaginn, og fara á næsta föstudag til dk. Það er alveg æðislegt að sjá litlu skottu, sem er orðin þriggja ára. Myndirnar eru eiginlega bara af henni, það er svo langt síðan ég sá hana. Dagur er hjá okkur. Hann kom með Maríu og Ísabellu og fer aftur suður með þeim á fimmtudag.
Júlli er kominn til okkar í sumardvöl. Hann kom 9. og fer 25. júlí. Siggi kemur næsta sunnudag, í sumardvöl, og fer 25. júlí.
Árdís og Kristófer eru á ísl. hjá pabba sínum, og þau komu í heimsókn, og gistu þrjár nætur hjá okkur. Þetta er búið að vera alveg æðislegt allt saman.
Við förum svo á ættarmót næstu helgi. Það eru pabbi og systkyni hans, og fjölskyldur, sem ætla að hittast í Varmahlíð.

Molinn kveður.