Fermingarveisla

30.05.2020 19:45

Ein eftir

Svona helgi hjá okkur. Fimm börn emoticon

Við sváfum í húsbílnum í nótt, og ætlum að sofa þar næstu tvær nætur

Einn af fimm, kom með mér að gefa heimalingunum. Hann fékk ekki mikinn frið fyrir heimalingunum, en hann hafði gaman af þeim

Jæja það báru tvær í dag. Önnur þeirra átti að koma með tvö, en hún kom með eitt. Hin sem er gemlingur, kom með eitt. Þá er bara ein eftir. Við settum þessar tvær (sem við teljum hafa látið og eru geldar), út í gær. Það eru 582 lömb á lífi núna.

Núna þarf ekki að vakta fyrr en í kringum 10. júní. Þessi sem eftir er, átti að bera 26. maí. Hún hefur gengið upp emoticon

Hrútar undan 12-073 Ögn og 19-595 Tóka

17-334 Míka með hrút og gimbur undan 19-600 Gunnsa. Hún var þrílembd og það var hrútur sem fór undir 17-309 Krullu

Hrútar undan 15-225 Breddu og 18-835 Velli

Fóstursystur. Önnur er undan 18-399 Melónu og 17-821 Fálka. Hin er undan 12-079 Filmu og 16-819 Blika

14-151 Tætla með hrút og gimbur undan 18-591 Vita

14-613 Lokka með gimbrar undan 19-598 Glóa

Gimbrar undan 15-195 Hörpu og 16-820 Vidda

Molinn kveður

N/A Blog|WrittenBy Birgittu

29.05.2020 20:31

Kindur og lömb

Hrútar undan 15-230 Duddu og 19-597 Ótta

16-286 Dríla með hrúta undan 19-598 Glóa. Dríla var þrílembd og þriðji hrúturinn fór undir 14-254 Skoppu

Heimalingarnir eru orðnir 14. Við fengum 5 í fóstur, í gær

Það fer vel um þau

Molinn kveður

N/A Blog|WrittenBy Birgittu

28.05.2020 20:57

HÚSBÍLL

Við náðum í húsbílinn í dag. Þetta verður æðislegt emoticon

Þegar krakkarnir komu heim úr skólanum, ákváðum við að skella okkur í smá rúnt

Við keyrðum inn á Hrafnagil og buðum þessum gullmolum í kaffi. Við tókum smá rúnt með þeim. Þetta var og verður gaman

Ég fæ aldrei nóg af þessum snillingum

Æi litla hjólhýsagreyið hafði nóttina ekki af. Ég kom næringu ofan í hann, en ég tók svo eftir því að hann hafði ekkert pissað. Kannski hefur hann verið eitthvað stíflaður og dáið þess vegna

Það eru þá 580 lömb á lífi og enn eru 5 eftir, eða það eru líklegast bara 3 eftir, því það eru tvær, einn gemsi sem talið var eitt í og ein ær sem talið var tvö í, sem eru líklegast alveg steingeldar. Það kemur ekkert undir þær. Þær hafa að öllum líkindum látið. Þær fara út á morgun. Þá eru þrjár eftir

Molinn kveður

N/A Blog|WrittenBy Birgittu

27.05.2020 20:40

5 eftir

Við vorum að kaupa okkur gamlan húsbíl

Algjör snilld. Kannski ferðumst við eitthvað í sumar

Hér eru nokkrar myndir

Oohh það er svo gaman af þessum. Þau eru orðin svo dugleg að drekka. Meirisegja þetta litla. Það fæddist í gær.

Það var ær sem var talin með eitt fóstur. Við vöndum undir hana. Það gekk brösulega að ná lambinu úr henni. Við komum líf í það, en hún vildi það ekki því hún var búin að vera svo lengi með lambið sem við vöndum undir hana. Svo eftir nokkra stund, þá fæddist þetta litla. Hún vildi það ekki heldur. Við gáfum því brodd og settum það svo í heimalingahópinn. Það spjarar sig vel og er búið að læra að drekka úr fóstrunni

Þetta er lambið sem gekk erfiðlega að ná og sem við komum líf í. Það fær að vera hjá okkur Týra inni í hjólhýsi. Það sýgur ekki, þannig að það fær sondu. Slöngu beint niður í maga. Það er ekki farið að standa upp. En vonandi braggast það

Nú eru 5 eftir og ég veit ekki hvort þær bera í bráð

581 lömb á lífi

Molinn kveður

N/A Blog|WrittenBy Birgittu

26.05.2020 19:43

Systur

Þetta eru systurnar 18-403 Læpa og 18-404 Læna undan 14-611 Lundu og 13-982 Móra. Þær eru mjög samrýmdar. Í fyrra, þá var önnur tvílembd og hin var talin með einu fóstri sem átti að drepast. Hún var sett út með geldafénu, en hin fór út með tveimur lömbum. Þær náðu strax saman úti, fóru saman á fjall og komu saman af fjalli. Í nótt, þá ákváðu þær að bera á sama tíma. Önnur kom með þrjú (þessi sem var tvílembd í fyrra) og hin með tvö. Svakalega flott öll þessi 5 lömb. Núna eru þær í sitthvoru spilinu, hlið við hlið og fá svo að fara út saman eftir nokkra daga

Þetta er Læna með þrjá hrúta

Og þetta er Læpa með hrút og gimbur

Og hér eru þær

Heimalingarnir eru alveg búnir að ná þessu. Þeir eru orðnir fleiri. Við gátum vanið einn undir og þá urðu þeir 6. Við tókum svo eitt lamb, undan tveim þrílembum og þá eru heimalingarnir orðnir 8

Nú eru 7 eftir að bera

Einlembunum fækkar hjá okkur miðað við talningu. Nú eru þær orðnar 5 sem taldist eitt fóstur í, en þær komu með tvö lömb. Við erum búin að gera nokkrar einlembur þrílemdar, með því að venja undir þær. Við höfum tekið lömbin til baka. Núna er engin með þrjú lömb, og allar þrílembur bornar emoticon

Molinn kveður

N/A Blog|WrittenBy Birgittu

25.05.2020 18:52

10 eftir

Þarna á bakvið froðuplastið er Starahreiður. Það eru komnir ungar og fuglarnir hafa varla undan að bera í þá fæði

Hér kemur hann með fæði

Og fer þarna á bakvið froðuplastið

Og þarna kemur hann til baka

Þessi gemlingur 19-450 Skrúða, bar í gær. Hún kom með þrjár gimbrar og allar jafnar og flottar. Því miður þurfti að aflífa eina þeirra, því garnirnar komu út á henni. Mjög sorglegt emoticon

19-453 Sónata kom með tvö flott lömb

Hrútar undan 13-606 Mýslu og 18-591 Vita

Þarna er verið að redda sér

17-370 Karþagó með gimbrar undan 17-581 Pits

Gimbrar undan 14-139 Hrífu og 17-586 Nóa

Hrútar undan 15-193 Hugljúf og 19-597 Ótta

Hrútur og gimbur undan 16-275 Kólgu og 17-586 Nóa

Hrútur og gimbur undan 16-299 Bólu og 18-591 Vita

Við skruppum niður á engi. Grágæsaregg

10 kindur eftir

Molinn kveður

N/A Blog|WrittenBy Birgittu

24.05.2020 20:33

Drónaflug og fl.

Ég tók smá drónaflug í dag. Það sést vel kalið í túnunum

Þeir bræður eru búnir að vera í girðingarvinnu um helgina. Nú sjá þeir fyrir endann á þeirri vinnu

Sælir, ánægðir og þreyttir

13-117 Skupla með hrúta undan 16-820 Vidda

Hrútur undan 14-162 Örk og 16-820 Vidda

16-300 Drottning með gimbrar undan 19-601 Safír

Hrútur og gimbur undan 18-438 Skræpu og 16-108 Bláma

11-051 Urð með gimbur undan 17-832 Bruna

18-385 Mantra með hrúta undan 19-596 Inda

Gimbur undan 15-245 Mosu og 17-586 Nóa

13-109 Kræða með hrút undan 19-597 Ótta

Enn eru 12 eftir

Molinn kveður

N/A Blog|WrittenBy Birgittu

23.05.2020 20:19

Lambærnar fengu að fara á túnin

Þær voru glaðar í dag, þegar við opnuðum hliðið á þetta tún

Þær létu ekki segja sér það tvisvar að þær mættu fara á túnið

Og þessar fóru suður fyrir fjárhús. Nú fer vonandi að koma flott beit

12 eftir og 568 lömb á lífi

Molinn kveður

N/A Blog|WrittenBy Birgittu

22.05.2020 21:48

Heimalingar

Jæja það fór þá aldrei svo að það væru ekki heimalingar hér. Við erum með 7 heimalinga. Við fengum okkur lambafóstru og nú er að kenna þeim að nýta sér hana

Þau eru frekar treg, en þetta kemur

Hrútur og gimbur undan 15-236 Hexíu og 19-601 Safír

15-623 Elsa með hrúta undan 19-597 Ótta

Vel tekið í tugguna

13 eftir og 566 lömb á lífi

Molinn kveður

N/A Blog|WrittenBy Birgittu

21.05.2020 20:26

Kindur og lömb

15-242 Galía með hrút og gimbur undan 17-586 Nóa

17-338 Búska með hrút og tvær gimbrar undan 19-600 Gunnsa

19-008 Guðna líður nú bara vel þarna

18-598 Jónas. Hann fær sko ekki að fara á fjall í sumar. Hann skilaði sér ekki af fjalli fyrr en í desember í fyrra og þá var sláturtíminn útrunninn. Þetta er sauður sem átti að fara í hangikjöt síðasta haust

19-458 Skífa með hrút og gimbur undan 19-599 Krapa. Hún er að gera það gott

Gimbur undan 14-139 Hrífu og 17-586 Nóa

19-446 Mara með hrút og gimbur undan 19-599 Krapa

Enn eru 14 eftir

Molinn kveður

N/A Blog|WrittenBy Birgittu

20.05.2020 21:39

Rigning í dag

Það er búið að rigna þónokkuð í dag, sem er gott og ekki gott. Það er gott fyrir áburðinn sem borinn var á túnin í gær, en ekki gott fyrir lömbin. Þau finna samt lítið fyrir þessu. Bera sig vel

Féð er ótrúlega rólegt, þó það rigni

En þeim finnst líka gott að geta komið inn. Þær komast inn í fjárhúsin, refaskálann og gömlu fjárhúsin. Það er gott að vita af því að þeim líður ekki illa

Nú eru 14 kindur eftir að bera

Það eru 564 lömb á lífi

Ein af þessum sem bar í morgun, kom með tvö, en það var talið í henni eitt fóstur

Molinn kveður

N/A Blog|WrittenBy Birgittu

19.05.2020 18:57

Áburður borinn á túnin

Áburður borinn á í dag, á stykki 3, 8, 9, 4 og 5

17-333 Múa með hrúta undan 16-824 Breka

15-211 Seila með hrút og gimbur undan 17-832 Bruna

17-365 Þura. Hún var sædd, en gekk upp og er geld

Það voru þrjár ær sem talin voru 2 fóstur í, en þær komu með 3 lömb

Svo voru tvær ær sem talin voru 3 fóstur í, en þær komu með 4 lömb

Ein var talin með eitt fóstur, en hún kom með tvö lömb

Á lífi eru 283 gimbrar og 275 hrútar

Enn eru eftir 18 kindur

Molinn kveður

N/A Blog|WrittenBy Birgittu

18.05.2020 22:33

19 ær eftir

Gott veður og þá er útikaffitími emoticon

Nú eiga 19 kindur eftir að bera. Það eru 557 lömb á lífi. Það verður sauðburður vel fram í júní emoticon

Molinn kveður

N/A Blog|WrittenBy Birgittu