Fengum 5 í dag og þá vantar 28 hausa

18.09.2017 20:22

Nokkrar myndir

Staðan er eins. Við fengum enga kind í dag.

Ég fékk mér smá göngu um túnin í dag, til að vita hvort væri ekki allt í góðu lagi.

12-326 Dúkka með tvær lífgimbrar undan 15-572 Eitli

Dúkka

Hrútur undan 14-162 Örk og 16-576 Liða. Þau kúra saman og eru að reyna að flýja sólina

Þessi flotti hrútur er undan 10-023 Brák og 15-572 Eitli

14-252 Sprengja með tvær gimbrar undan 15-572 Eitli

Þessi litli var í góðum gír að bíta gras. Það er með ólíkindum hvað hann er lítill. Hann er undan 11-060 Brellu og 15-572 Eitli

Garún var að biðja Helgu um brauð

15-193 Hugljúf er hér með Iðunni og Hákon, undan 16-577 Ára

Molinn kveður

N/A Blog|WrittenBy Birgittu

17.09.2017 19:10

Enn vantar 33 hausa

Við fengum nokkrar kindur á Þúfnavöllum í dag. Þá er talan komin niður í 33 hausa, 13 ær og 20 lömb.

Af þessum 13 ám eru 7 með tvö, (af þessum 7 eru tveir gemsar með tvö)

3 með eitt (tvær þeirra voru með tvö lömb, en annað hjá þeim báðum er komið, þannig að þær eru með eitt á fjalli)

2 lamblausar (gemsar)

Svo vantar eina, sem líklegast er dauð, því lömbin hennar eru komin, vigtuð 32 og 33 kg.

Svo vantar okkur þrjú stök lömb (mæðurnar komnar)

Ooohhh við erum svo óheppin. Við vorum að missa þennan hrút. Þetta er 16-577 Ári. Hann var afvelta eins og Mávur emoticon

Molinn kveður

N/A Blog|WrittenBy Birgittu

17.09.2017 10:57

Vigt

Við vigtuðum lömbin 13. september.

Meðalvigtin er 40,3 kg. af öllum lömbunum sem komin eru.

Þau eru 425, en okkur vantar 96 lömb af fjalli.

Við sendum 163 lömb og 8 fullorðin í sláturhús 15. sept.

Meðal fallþungi lambanna var 19,0 kg.

Gerðin 10,32

Fitan 7,10

11 lömb fóru í E

105 lömb fóru í U

46 lömb fóru í R

1 lamb fór í O

Þyngsti skrokkurinn var 24,4 kg.

Molinn kveður

N/A Blog|WrittenBy Birgittu

16.09.2017 22:19

Enn vantar 82 hausa af fjalli

Aðrar göngur búnar. Okkur vantar ennþá 82 hausa af fjalli. 33 fullorðnar og 49 lömb. Af þessum 33 fullorðnu, eru 7 af þeim lamblausar, gemlingar og ær.

Það á eftir að rétta á Þúfnavöllum. Vonandi fáum við eitthvað þar.

Við Damian fórum í fyrirstöðu. Við þurftum að bíða í 4 til 5 tíma. Damian stóð sig vel. Hann kvartaði aldrei. Hér er hann að kíkja hvort hann sjái kindur.

Og já, hann sá kindurnar koma. Auðvitað klikkaði hann ekki á fyrirstöðunni.

Þessa mynd af Þórði og Týra, tók ég á símann minn í gegnum kíkinn.

Og hér er önnur mynd tekin í gegnum kíkinn

Simmi fer um allt á buggybílnum sínum. Hann er algjör snillingur að keyra þetta tæki. Ég held að það sé enginn eins flinkur og hann. Hér er hann á fullri ferð að reka kindurnar

Molinn kveður

N/A Blog|WrittenBy Birgittu

15.09.2017 17:15

Enn vantar 128 hausa af fjalli

Nói þríliti. Hann vigtaði 33 kg. 13. september. Hann stækkar rólega.

Þetta stækkar enn hægar. Þetta er þrílembingur undan 11-060 Brellu og 15-572 Eitli

Þessi mynd er tekin 1. ágúst. Þarna er hann með mömmu sinni, en hann kom einn í göngunum 9. september. Hann hefur orðið viðskila við þau. Ég held að hann sé ekki nema ca. 10 kg.

Okkur vantar ennþá 128 hausa af fjalli. 51 fullorðnar og 77 lömb. Af þessum 51 fullorðnu, eru 9 af þeim lamblausar, gemlingar og ær

Molinn kveður

N/A Blog|WrittenBy Birgittu

15.09.2017 16:30

6 ára gullmoli og 4 ár á Möðruvöllum

Þessi gullmoli varð 6 ára í gær. Við skruppum í smá heimsókn til hans. Það er í fyrsta skiptið sem við knúsum hann á afmælisdaginn hans, því við höfum alltaf verið upptekin þennan dag og ekki farið suður. Höfum sem sagt tekið kindurnar fram yfir hann. Það er æðislegt að þau, fjölskyldan, séu flutt norður. Stutt að fara og knúsa ömmugullin.

Hér erum við saman fyrir nákvæmlega 6 árum. Ömmuhlutverkið er yndislegt emoticon

En svo að öðru. Það eru 4 ár síðan við Þórður fluttum í Möðruvelli.

Þessi mynd er tekin 25. desember 2016. Við borðuðum hangikjötið í fjárhúsunum.

Við erum afskaplega ánægð og okkur líður vel í sveitinni

Molinn kveður

N/A Blog|WrittenBy Birgittu

12.09.2017 23:06

Göngur og réttir

Þá eru fyrri göngur afstaðnar.

Okkur vantar 62 fullorðnar og 96 lömb. Vonandi fáum við þau næstu helgi.

Af þessum 96 lömbum, eru tvö stök lömb. Annað er tvílembingur undan 16-289 Geddu. Hitt er þrílembingur undan 13-116 Lukku. Þær eru komnar með hin lömbin.

Af þessum 62 fullorðnu, eru 10 af þeim lamblausar, gemlingar og ær

Þetta er 14-164 Lensa. Hér er hún með gimbur og hrút undan 16-576 Liða. Hún hefur alltaf skilað stórum lömbum

Hrútur undan 16-287 Mollu og 16-575 Gera. Hann var vaninn undir 14-182 Elý. Molla sem er gemlingur var tvílembd.

Þessi flotta gimbur er þrílembingur, undan 12-088 Spjálk og 15-572 Eitli

16-572 Mávur. Því miður þá er hann fallinn. Við fundum hann afvelta um daginn emoticon

Alltaf sárt að missa emoticon

Molinn kveður

N/A Blog|WrittenBy Birgittu

07.09.2017 08:33

Átta ömmu og afa börn

Friðrik og Agnieszka eignuðust sitt fyrsta barn, 24. ágúst. Þau eru búin að nefna hann Leó Hergil. Hann er okkar áttunda ömmu og afa barn.

Stolt amma með Leó Hergil

Og stoltur afi með Leó Hergil

Já við erum rík emoticon

Hann er svo fallegur

Aðeins að skoða sig um

Hér eru hin sjö, myndin er tekin í ágúst í fyrra emoticon

Þarna er elsta 18 ára og yngsta 2 ára.

Núna eru þau:

Árdís Marín 19 ára

Kristófer Daði 17 ára

Dagur Árni 11 ára

Ísabella María 10 ára

Jökull Logi 9 ára í desember

Einar Breki 6 ára núna í september

Haukur Nói 3 ára

Leó Hergill tveggja vikna

Molinn kveður

N/A Blog|WrittenBy Birgittu