Afvelta

24.09.2016 18:54

Hrútaferð á Strandir

Við fórum í hrútaferð, á Strandir.

Við lögðum af stað frá Möðruvöllum um kl. 9, 22. september.

Stoppað var á nokkrum stöðum á leiðinni.

Fyrstu fjárhúsin sem við heimsóttum var á Heydalsá 1. Síðan var farið á Heydalsá 2, þaðan í Smáhamra og að lokum fórum við í Broddanesi.

Að loknu þessu þukli, beið okkar þvílíkt ljúffengur kvöldverður að Sævangi (Sauðfjársetrinu)

Hópnum var skipt upp og nokkrir fóru í gistingu í Hólmavík og aðrir gistu á Kirkjubóli.

Daginn eftir var farið í Árbæ, Reykhólasveit. Þegar búið var að þukla þar og velja lömb, fórum við og sóttum lömbin sem valin voru deginum áður.

Við fengum mjög góðar og hlýjar móttökur á öllum þessum stöðum.

Við vorum svo komin heim um kl. 22.

Flottur hópur

Ég er búin að setja inn nokkrar myndir (í myndaalbúm) úr ferðinni

Molinn kveður

N/A Blog|WrittenBy Birgittu

18.09.2016 22:08

25 hausar óheimtir

Nú eru aðrar göngur búnar. Við fengum 9 fullorðnar og 9 lömb, núna um helgina. Enn vantar okkur 6 fullorðnar og 19 lömb. Af þessum 19 lömbum eru 15 þeirra stök. Það td. vantar bæði lömbin undan tveim gemlingum sem eru komnir. Algjörlega furðulegt.

Maðra með hrút undan Pírusi

Nú verður maður að fara reglulega á kindalabbið. Náðum að bjarga einni í gær, sem var afvelta. Hún fór svo aftur afvelta í dag. Náðum að bjarga henni aftur. Þeim klæjar mikið eftir rigningarnar

Molinn kveður

N/A Blog|WrittenBy Birgittu

16.09.2016 21:02

Vigt

Við vigtuðum lömbin 14. september.

Meðalvigtin er 41,4 kg. af öllum lömbunum sem komin eru.

Þau eru 401, en okkur vantar 28 lömb af fjalli.

Við sendum 178 lömb og 15 fullorðin (einn sauð, fjóra hrúta og tíu ær) í sláturhús í gær og þeim var slátrað í dag.

Meðal fallþungi lambanna var 19,1 kg.

Gerðin 10,81

Fitan 7,38

21 lömb fóru í E

125 lömb fóru í U

32 lömb fóru í R

Þyngsti skrokkurinn var 29 kg.

Molinn kveður

N/A Blog|WrittenBy Birgittu

13.09.2016 20:18

Fjögur stykki heimtust i dag

Við fengum tvær ær og tvö lömb, á Syðri-Bægisá í dag. Þá vantar okkur 15 ær og 28 lömb.

Nú þarf maður að vera duglegur að fylgjast með kindunum til að sporna við því að þær fari afvelta. Ég fór í göngutúr í morgun og tók nokkrar myndir

Íma með tvær gimbrar

Brík

Draumey í draumalandi

Seila gemlingur með tvær gimbrar undan Andrési

Sjana með tvo hrúta undan Pírusi

Þrílembings gimbur undan Zeldu og Eitli

Við ætlum að vigta og skoða lömbin á morgun

Molinn kveður

N/A Blog|WrittenBy Birgittu

12.09.2016 21:37

Fyrri réttir afstaðnar

Nú eru fyrri göngur búnar. Staðan hjá okkur er þannig að okkur vantar 17 fullorðnar og 30 lömb. Vonandi kemur þetta um næstu helgi

Gemlingslömb. Það vinstra gimbur undan Bunu og Ansrési, það hægra er hrútur undan Óttu og Sprota

Þetta er hrútlambið. Hann var pínulítill þegar hann fæddist

Simmi fór í göngur á buggy bílnum og brunaði um allt. Þessi bíll kemmst allt

Safnið að fara í réttarhólfið á Þverá

Molinn kveður

N/A Blog|WrittenBy Birgittu

10.09.2016 18:21

Forsmölun á Syðri-Bægisá

Nú er sko spennufall hjá minni. Í gær var Landafjallið gengið, til að létta á göngum í dag. Það komu svo margar í gær að þær komust varla í réttina á Bægisá. Við fengum 148 fullorðnar og 241 lömb.

Landafjallið var svo gengið aftur í dag og líka Bægisárdalurinn. Það komu mun færri í dag en í gær. Við fengum 27 fullorðnar og 48 lömb

Nú er staðan sú að það vantar 79 ær og 137 lömb. Vonandi fáum við eitthvað af þeim á mánudaginn.

Veðrið í gær var æðislegt en það er ekki hægt að segja það sama um veðrið í dag. Rigning og rok emoticon

Ég gat séð um bókhaldið. Merkti við með vinstri emoticon

Ég setti nokkrar myndir inn

Molinn kveður

N/A Blog|WrittenBy Birgittu