Styttist í vorið

29.03.2017 19:27

Týri

Týra finnst gaman þegar einhver nennir að leika við hann. Við Damian lékum lengi við hann í dag. Hér koma nokkrar myndir af honum að elta golfkúlu sem við Damian hentum fyrir hann

Það er kraftur í honum að svífa yfir

Já hann ætlar sér að ná í golfkúluna

Ég var alveg hissa hvað hann nennti að stökkva á eftir kúlunni

Stundum náði hann að grípa hana áður en hún fór yfir girðinguna

Hann var alveg búinn á því eftir þennan leik. Ég held að hann sé með strengi

Damian að koma heim úr skólanum

Þetta er orðin algeng sjón. Oft á dag emoticon

Molinn kveður

N/A Blog|WrittenBy Birgittu

29.03.2017 17:42

Hænsnaræktin

Ég er komin með tvær hænur sem vilja liggja á. Ég setti 10 egg undir þær í gær. Vonandi koma 20 ungar eftir 20 daga

Hér er önnur hænan. Hún liggur á 10 eggjum. Vonandi tekst að unga þeim út

Og þetta er hin hænan. Hún liggur líka á 10 eggjum. Hún er að verða fjögurra ára. Hún virðist ekki vera hætt að verpa

Þetta er flottur hani. Hann er hinsvegar orðinn hættulegur. Hann ræðst á mig þegar ég fer inn í hænsnahús. Ég held að hann sé að verja hænurnar þegar ég tek eggin frá þeim. Ég þarf að passa að hann ráðist ekki á börn, ef þau koma með mér inn í hús. Hann fær að fjúka seinnipartinn í sumar. Ég ætla að endurnýja alla hanana þá

Þær eru farnar að spóka sig úti. Þá segi ég nú, vorið er á næsta leiti. Það er að vísu búið að vera vor í allan vetur

Þessi er að verða fjögurra ára

Úti í gerði

Týri fylgist með þeim. Það fer ekkert fram hjá honum

Molinn kveður

N/A Blog|WrittenBy Birgittu

26.03.2017 19:47

Elsku engillinn okkar

Þessi fallegi engill hefði orðið fjögurra ára í gær, 25. mars. Að því tilefni kom fjölskylda hans, við og Guðrún Helga og strákarnir, saman til að minnast hans

Afmælissöngurinn var sunginn og svo voru borðaðar kræsingar

1-4 bekkur Þelamerkurskóla fór í skíðaskólann í Hlíðarfjall, 15., 16., 20. og 21. mars. Þá fengu krakkarnir kennslu á skíðum. Það var svo gaman að sjá hvað þeim fór hratt fram. Sum þeirra voru að stíga á skíði í fyrsta skiptið. Svo var útivistardagur Þelamerkurskóla, 22. mars. Þá fóru allir krakkar og kennarar skólans, upp í Hlíðarfjall. Algjört ævintýri að fá að taka þátt í þessu emoticon

Damian í diskalyftunni

Damian mjög einbeittur að renna sér

Kennsla í gangi

Þessi ömmugull fengu að vera með á útivistardeginum í Hlíðarfjalli

Einar Breki á fullri ferð

Og Haukur Nói líka á fullri ferð

Hér eru þeir á töfrateppinu. Sá stutti fór einn upp og renndi sér niður. Þeim fannst mjög gaman að leika sér þarna

Fuglarnir eru svo gæfir í Hlíðarfjalli

Það er hugsað vel um þá þarna

Lífið í fjárhúsunum gengur sinn vana gang. Að vísu eru þrjár búnar að láta. Ein fullorðin sem taldist með eitt fóstur og tveir gemsar, annar taldist með eitt og hinn taldist með tvö, en annað fóstrið var að drepast. Vonandi láta ekki fleiri emoticon

Molinn kveður

N/A Blog|WrittenBy Birgittu

07.03.2017 12:56

Fyrri sprautan

Við sprautuðum alla gemlingana og lambhrútana, já og þessar sem við keyptum í haust, 21 stk. fyrri sprautuna gegn lambablóðsótt. Það var gert í gær, 6. mars.

Þetta eru lamblausu gemlingarnir. Liggja allir á meltunni. Þeir nenntu nú samt að standa upp þegar ég fór að gefa

Þetta eru einlembdu gemlingarnir. Það var sama sagan með þá. Lágu allir á meltunni þegar ég kom í morgun. En þeir nenntu að standa upp þegar ég fór að gefa

Tvílembdu gemlingarnir röðuðu sér á garðann þegar ég var búin að gefa í morgun

Sumar þykjast vera svo svangar að þær sýna enga þolinmæði þegar verið er að gefa. Alltaf að reyna að ná sér í smá tuggu

Þessi ætti nú að fara að hægja á sér í átinu ef hún á ekki að springa. Hún er nefnilega með þrjú

Þetta er svakalegt. Þetta er hún Skessa og hún á að bera 2. maí

Molinn kveður

N/A Blog|WrittenBy Birgittu

07.03.2017 12:01

Yndisleg helgi að baki

Þessi ömmu og afa gull voru hjá okkur um helgina. Við brölluðum margt saman

Það er nú alveg nauðsynlegt að næra sig eftir morgungjöf í fjárhúsunum

Svo er líka gaman að leika sér úti. Við gerðum einn snjókarl emoticon

Þeir bræður að klifra í trjánum

Oohh sjá þessi gull. Við erum búin að eiga margar góðar samverustundir eftir að þeir fluttu norður emoticon

Flottir stubbar, 2, 5 og 8 ára

Þeim fannst gaman að fara í þessi undirgöng. Við lékum okkur þarna í dágóða stund

Ekki leiðinlegt hjá þeim

Stór, stærri, stærstur já eða lítill minni minnstur

Fórum að skoða nýjasta skip Samherja, Kaldbak

Þeir tóku rúnt með afa

Og keyrðu meðal annars í gegnum undirgöngin

Við fórum með þá, á hjólunum upp að fjallsgirðingu.

Þeir vildu fara að henda steinum í ána. Einar Breki ætlaði sér að henda þessum steini, en hann var frosinn niður.

Það var svo gaman hjá þeim að það var erfitt að fá þá heim aftur

Það er nánast snjólaust. Svona er þetta búið að vera í vetur. Girðingar hljóta að koma vel undan þessum vetri

Svo dunduðum við okkur við að gera þetta virki/snjóhús.

Það var mikið að gera hjá þessum guttum um helgina. Það er svo gaman að vera úti og dunda eitthvað með þeim emoticon

Ég er alveg að fíla það emoticon

Molinn kveður

N/A Blog|WrittenBy Birgittu