Já nú er ég eitt spurningarmerki. Ég fór til læknis á þriðjudaginn, og hann sagði mér að vinstra hnéð (hnéð sem ég hef ekkert fundið til í) væri eins slitið og hægra. Nú á ég að fara til sjúkraþjálfa og vita hvort hann getur gert eitthvað fyrir mig. Ég á að vera í þjálfun í 4-6 mánuði. Ég fór í fyrsta tímann hjá sjúkraþjálfa, í morgun, og hann heldur að þetta séu liðböndin sem eru að fara svona illa með mig. Þá er þetta semsagt ekki inn í hnénu, eins og búið er að halda í ár. Þá þarf ég líklegast ekki að fá nýtt hné
, sem er mjög gott. HVAÐ ER Í GANGI hjá þessum læknum ?? ég bara spyr. Ég vona svo innilega að þetta komist í lag, LOKSINS.
Ég er komin í sumarfrí, er að verða búin með eina viku, af fjórum. Þetta líður alltof hratt.
Það er svo tómlegt, að vera búin að sleppa kindunum á fjall, og vera ekki með neinar hænur lengur. Við förum nú reglulega í rúnt meðfram fjallinu sem þær eru í, og við sjáum alltaf nokkrar kindur sem við eigum þar.
Ég er búin að setja inn nokkrar myndir, eitthvað í bland.
Meira seinna.
Molinn kveður.
