Þetta er síðan hennar Birgittu Lúðvíks.


Flettingar í dag: 270
Gestir í dag: 87
Flettingar í gær: 544
Gestir í gær: 115
Samtals flettingar: 1530324
Samtals gestir: 182410
Tölur uppfærðar: 21.7.2019 12:30:50

Færslur: 2017 Apríl

30.04.2017 22:14

40 lömb

13 lömb fæddust það sem af er þessum sólahring.

Ég ætla að setja inn myndir á morgun af þeim. Það var eitthvað svo mikið að gera í dag að ég hafði ekki tíma í það.

Staðan er svona, 24 gimbrar og 16 hrútar.





Molinn kveður



29.04.2017 16:56

26 lömb

Það eru 5 bornar það sem af er þessum sólahring. 12 lömb fæddust, en 11 á lífi. Eitt hefur drepist fyrir ca. viku


Þetta er 15-218 Kæna. Hún átti tvær gimbrar undan 16-575 Gera. Hún bar í nótt


11-313 Glæsa þrílembd. Einn hrútur og tvær gimbrar. 16-571 Þyrill er faðirinn. Hún bar í nótt. Við tókum hrútinn undan henni og vöndum undir 15-294 Fleytu, þannig að Glæsa verður með gimbrarnar. Önnur þeirra er frekar lítil en vel spræk


15-204 Fleyta bar í morgun þremur gimbrum. Ein þeirra hefur drepist fyrir ca. viku. Faðirinn er 16-577 Ári. Við ákváðum að venja hrútinn undan Glæsu undir hana, í bili, vegna þess að hún er betur á sig komin með þrjú, en Glæsa.


15-201 Björk bar tveimur hrútum í morgun. Þeir eru undan 16-577 Ára.


16-287 Molla bar hrút og gimbur núna seinnipartinn. Þau eru undan 16-575 Gera. Hrúturinn er aðeins stærri en gimbrin.


Þetta er 16-269 Skráma. Hún átti litla gimbur, undan 13-390 Andrési. Hún var borin þegar ég kom í fjárhúsin eftir kvöldmat.

Þá er staðan svona 17 gimbrar og 10 hrútar. Þessar tölur eiga við lömb á lífi emoticon

Ég ætla að bæta við þetta blogg, á morgun, ef það bera einhverjar í viðbót á þessum sólahring emoticon  Já ég bætti einni við.

Lambærnar með elstu lömbin fengu að fara út í dag. Þær eru fjórar með sjö lömb. Þrír gemsar og ein veturgömul


Þau kúra sætt saman lömbin undan Tildru, Trefill og Þyrnirós



Hrútarnir undan Björk


Molinn kveður



28.04.2017 22:07

15 lömb

Það voru tvær að bera núna í kvöld


Önnur þeirra er 13-122 Strúna. Hún átti tvær gimbrar og faðirinn er 16-576 Liði.


Hin er 14-162 Örk. Hún átti tvo hrúta og faðirinn er 16-576 Liði. 

Myndirnar eru nú ekkert sérstaklega góðar. Betra að taka myndir af lömbunum þegar þau eru orðin þurr.

Fjórar ær bornar á þessum sólahring.

Jæja staðan er þá orðin 9 gimbrar og 6 hrútar.

Nú fer að koma að hvíld, og vakna á tveggja tíma fresti


Molinn kveður


28.04.2017 17:37

11 lömb

Ég fór í fjárhúsin eftir mat í dag, og var þá búin að vera heima í einn og hálfan tíma. Þegar ég kom, var ein búin að bera tveim lömbum. Það sá ekkert á henni einum og hálfum tíma áður. Það má segja að þær eru mis lengi að bera. Gaman þegar það gengur svona vel hjá þeim.


Það var hún 14-142 Tildra sem kom mér svona á óvart. Þetta eru hrútur og gimbur og eru undan 16-574 Strút


Hrúturinn


Gimbrin

Ég hélt að þessi þrílemba sem ég talaði um í morgun, yrði næst, en þessi varð á undan emoticon

Staðan er 7 gimbrar og 4 hrútar


Molinn kveður



28.04.2017 13:05

9 lömb

Það bar ein í nótt, 28.o4. Það gekk mjög vel hjá henni.


15-195 Harpa bar tveim gimbrum og þær eru undan 16-577 Ára


Ári gefur greinilega bara hvítt


Flottar gimbrar

Nú eru komnar 6 gimbrar og 3 hrútar

Ég hef trú á því að það beri ein þrílemba í dag. Hún er undan Þoku Hrein. Svo fer þetta nú að skella á með fullum krafti.


Molinn kveður


27.04.2017 16:03

Lambærnar út í dag

Ég svaf uppfrá í nótt og vaktaði á tveggja tíma fresti, en það bar engin. Það eru nokkrar orðnar burðalegar. Ég ætla að vakta næstu nótt og þá er hægt að segja að ég sofi næstu nætur í fjárhúsunum.

Lambærnar fengu að fara út í dag. Þær voru nú kátar með það


Stroffa með fyrirburann


Lömbin voru kát að fá að fara út


Elinóra


Molinn kveður



26.04.2017 13:48

7 lömb komin

Eins og ég sagði í gærkvöld, þá fór ég í fjárhúsin til að athuga hvort einhverjar væru að bera. Það voru tvær að byrja. Önnur þeirra var veturgömul með þrjú og átti ekki tal fyrr en 4. maí. Hún sem sagt var að "láta". Það voru tvö löngu dauð fóstur og svo gimbur sem hafði líf. Ég var lengi að koma henni á fætur og koma einhverju ofan í hana. Ég þurrkaði hana og hitaði upp, með hárblásara. Ég kom mjólk í hana og lagði hana svo á hitapoka í kassa hjá kindinni. Í morgun kom ég henni á fætur og setti hana á spena. Ég held að hún sé hólpin


Þetta er fyrirburinn. Gimbur undan 15-219 Stroffu og 16-577 Ára. Hún fæddist 9 dögum fyrir tal

Hin sem var að bera, var tvílembdur gemlingur sem átti tal 29. apríl. Ég athugaði hana á milli þess sem ég var að stússast í fyrirburanum og mér fannst allt vera eðlilegt. Tvær lappir og snoppa. Svo gekk þetta ekkert hjá henni og ég ákvað að grípa inní (fjórir tímar síðan belgurinn sprakk). Ég togaði í lappirnar og reyndi að koma hausnum út, en ekkert gekk. Allt í einu kom þriðja löppin í ljós og ég togaði í hana og þá gekk þetta. Ég hef ekki lent í því áður, að löpp af hinu lambinu komi með, og alveg í gegnum grindina, þar að segja áður en kindinni er hjálpað. Ég hef lent í því að bæði lömbin ætli sér að koma í einu og að maður þurfi að velja hvaða lappir maður eigi að taka í, en þá er það löpp á hinu lambinu. En þetta tókst á endanum og lömbin lifa.


Þetta er gemlingurinn sem bar í nótt. 16-267 Klessa. Hún átti hrút og gimbur. Þau eru undan 16-575 Gera.

Komnar 4 gimbrar og 3 hrútar

Ég held að það komi tveggja daga pása í burði, en ég ætla samt að vakta þær emoticon


Molinn kveður



25.04.2017 19:31

JÁ, bara allt að byrja

Ég sagði í gær að ég væri ekki búin að ákveða hvenær ég vaktaði næstu kind. Þegar ég leit í fjárhúsin í gærkvöld, þá var einn gemsi mjög burðarlegur. Þessi gemlingur er tvílembdur og á tal 30. apríl. Ég ákvað að vakta hana á tveggjatíma fresti og svaf í fjárhúsunum í nótt. Hún bar ekki í nótt, en hún bar fyrir hádegi í dag.


Þetta er 16-305 Elinóra, sem bar í morgun og átti hrút og gimbur. Þau eru undan 16-575 Gera. Það er skrítið hvað þessir tveir gemsar bera mörgum dögum fyrir tal. Það munar 5 dögum


Nú eru komnir tveir hrútar og tvær gimbrar.

Jæja ég ætla að skreppa í fjárhúsin og gá hvort einhver sé burðarleg emoticon


Molinn kveður


24.04.2017 11:46

Kóngur og drottning

Jæja þá eru komin lömb hjá okkur. Það var tvílembdur gemlingur sem  bar í gærkvöld. Hún átti ekki að bera fyrr en 28. apríl, en bar fimm dögum fyrir tal. Ég ætlaði að byrja að vakta hana 25. en ég sá að hún var orðin svo burðaleg að ég byrjaði að vakta hana á tveggja tíma fresti 22. apríl.


Ég er semsagt búin að gista í fjárhúsunum eina nótt. Það fer nú alveg ágætlega um mig þarna.
Ég er ekki alveg búin að ákveða hvenær ég fer að vakta næstu kind. Það eiga tvær tal 29. apríl. Önnur þeirra er af sama kyni og þessi sem er borin, það kyn gengur styttra með.


16-289 Gedda, þessi sem bar í gærkvöld.


Lambakóngur og lambadrottning. Þau eru undan 16-575 Gera


Við settum hrútana (11 stk.), geldu gemlingana (20 stk. 8 geldar, fóstrin voru að drepast í 8 og 4 létu) og geldu ærnar (11 stk. 8 geldar og 3 létu, sú síðasta sem lét var þrílemba) út, 21. apríl. Við hýsum þau yfir nóttina og gefum þeim inni meðan það er svona kalt. Þegar hlýnar fá þau að vera fyrir opnu og fá rúllu út. Við erum með þau í fjárhúsunum á Möðruvöllum 1.


Það þurfti aðeins að sletta úr klaufunum. Hér eru Kylja og Seigla aðeins að teygja úr sér.


Það er búið að setja upp einstaklingsstíur í hlöðunni.


Nú er kominn hiti á hjólhýsið og þessir stubbar nýttu sér það. Það er gott að fá sér að borða og horfa á sjónvarpið í leiðinni.


Molinn kveður



17.04.2017 18:05

Styttist í sauðburð


Við settum nánast allar ærnar út í dag. Veðrið var svo gott. Gemlingarnir og hrútarnir fóru ekki út.


Það er verið að útbúa fyrir lambær, í loðdýrahúsinu. Í fyrra vorum við með lambær þar, en þær voru í öllu húsinu, í einu hólfi. Núna verður þetta stíað niður í þrjú hólf. Það verður áreiðanlega hægt að hafa uppundir 100 lambær þarna.
Þessi mynd sýnir eitt hólfið, það er vestast í húsinu


Hér er miðhólfið


Þetta er þriðja hólfið og það er austast í húsinu


Svona var þetta í fyrra


Veturgömlu alveg að fíla það að vera úti


Fjöður, Dranga og Della


Dranga

Ég talaði um í bloggi 26. mars að það hefðu þrjár látið. Það hafa þrjár látið í viðbót. Ein veturgömul með tvö og tveir gemsar, annar með eitt og hinn með tvö. Þá eru nú fóstrin sem eftir eru komin niður í 541.

Ég ætla að byrja að vakta 25.-26. apríl. Fyrsta á tal 28. apríl, en það er tvílembdur gemlingur, og af því kyni sem gengur ekki með nema 141 daga


Oooh þessir flottu stubbar. Tveggja, fimm og átta ára. Hér eru þeir allir að borða ís úti á túni


Molinn kveður




05.04.2017 17:20

Seinni sprautan

Við sprautuðum allt féð með seleni, og seinni sprautuna gegn lambablóðsótt, 1. og 2. apríl.


Veturgömlu ærnar fengu að fara út í dag


Líka þrílemburnar. Veturgömlu fóru út að norðan (þær eru hér hægra megin) en þrílemburnar að sunnan


Filma er enn í æfingu. Hér er hún að leggja af stað til mín eftir að ég kallaði á hana


Og já lögð af stað


Alveg á stökkinu


Nú vill hún fá góðgæti og auðvitað fékk hún það emoticon


Hugljúf, systir Filmu, kom líka til mín til að fá góðgæti. Hún er líka í uppáhaldi hjá mér


Þær njóta sín úti. Mjög gott að geta sett þær svona út. Þetta eru þrílemburnar


Mosa


Eyja


Allar alveg að springa


Það eru margir þrestir hér. Maður vaknar við fallegan söng á morgnana. Svo vinalegt emoticon


Molinn kveður




  • 1


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

7 ár

10 mánuði

7 daga

Haukur Nói, kom í heiminn

atburður liðinn í

5 ár

9 daga

Tenglar

Eldra efni