Þetta er síðan hennar Birgittu Lúðvíks.


Flettingar í dag: 175
Gestir í dag: 70
Flettingar í gær: 299
Gestir í gær: 99
Samtals flettingar: 1674871
Samtals gestir: 194983
Tölur uppfærðar: 12.11.2019 12:56:24

Færslur: 2015 Maí

30.05.2015 22:35

Myndataka í fullum gangi

Það gengur vel með myndatökuna á lömbunum, 29 lömb eftir af 367 emoticon

Hér eru nokkrar myndir sem ég hef tekið á myndarúntinum mínum




Þrjár systur, undan Slenju


Örvar, Greifi og Bæsi


Bekri, Drýsill, Geir og sauðurinn Baukur


Bekri, Drýsill og Geir


Kindurnar eru komnar á fjárhústúnið. Nú er stutt fyrir lömbin að koma í heimsókn í garðinn okkar



Þær eru alveg við stofugluggann emoticon


Já og horfa bara inn í stofu emoticon


Drottning er lamblaus. Hún var geld. Það er samt spurning hvort hún beri 27. júlí, því Greifi slapp til hennar 5. mars emoticon


Kindurnar þurfa að keppast við þessa um grasið


Flottir fuglar


Það eru þrír gemsar lamblausir. Tveir voru geldir og einn lét. 

Við erum búin að venja 35 lömb undir. Það er engin þrílemba með þrjú og aðeins tveir gemsar með tvö. Algjör snilld að geta vanið svona undir. 
Enn á ein eftir að bera. 


Flottur fugl, Maríuerla


Molinn kveður



28.05.2015 13:37

Sauðburður nánast á enda kominn

Þá er ég nú flutt heim. Ég er búin að búa í fjárhúsunum frá 14. apríl og til 26. maí, 42 nætur. Sauðburður er samt ekki búinn, það hangir enn í einni. Hún ber líklegast í kringum 10. júní. Ég flyt aftur í fjárhúsin 8. júní til að passa upp á hana.

Sauðburður gekk vel. Ekkert vesen á gemlingunum. 

Á lífi eru 178 hrútar og 189 gimbrar = 367 lömb
Oddur Bjarni og Margrét eiga 5 hrúta og 3 gimbrar = 8 lömb

Við misstum 4 lömb, tvær lögðust á lömbin sín þannig að þau drápust og tvær kröfsuðu í lömbin þannig að þau löskuðust og drápust. Við misstum ekkert við fæðingu emoticon

Afföllin eru samt 21 stk. Þá þannig að þau fæddust dauð eða sem fóstur. Meirisegja var ekki hægt að sjá hvort sum væru hrútur eða gimbur.

Það voru talin 402 fóstur í febrúar. Þá kom í ljós að þrjú fóstur voru að drepast. Það var hjá tveimur þrílembum. Hjá annari voru tvö að drepast og eitt hjá hinni. Það passar því þegar þær báru þá kom bara sósa með hinum lömbunum. Svo var ein einlembd sem talin voru tvö í. Þessi sem eftir er að bera á að vera með tvö þannig að þetta passar allt saman hjá Gunnari teljara, (nema með eina). 


þeir eru svo miklir snillingar þeir bræður Þórður og Simmi. Þeir útbjuggu þrjár gjafagrindur til að gefa úti. Þeir stinga í rúlluna og sprengja hana yfir grindina. Rúllan passar þá vel í þetta. Algjör snilld.


Það er alltaf gott að hafa myndavélina í hendinni, hvar og hvenær sem er. Þessa mynd tók ég á mynda rúnti í gær. 
Ég er að reyna að taka myndir af öllum lömbunum okkar sem eru 367. Ég er alveg að ná þessu, bara 47 lömb eftir þá er ég komin með þetta emoticonemoticonemoticon 
Ég ætla svo að prenta þær út og setja þær á eldhúsvegginn minn til að ég geti séð ÖLL lömbin þótt þau séu farin á fjall emoticon


Þessir hressu gullmolar, ásamt móður sinni, komu og voru í hálfan mánuð hjá okkur. 


Og þessir hressu gullmolar komu líka, ásamt foreldrum sínum, og voru hjá okkur í fjóra daga. 

Yndislegt að fá ömmugullin í heimsókn emoticon Þau eru öll svo alltof langt í burtu frá manni emoticon


Það er búið að bera á fjárhústúnið. Robbi skellti áburði á það 20. maí


Eins og ég segi þá er gott að vera með myndavél við hendina. Hér er ein að hamstra, heldur að það sé að skella á vetur emoticon


Molinn kveður


22.05.2015 21:26

Lömb undan sæðishrútum

Jæja nú fer síðan að lifna við aftur. Ég hef ekki haft mikinn tíma í að blogga. Búin að nota kvöldin í svefn ef engin er að bera. Ég sef enn í hjólhýsinu og er búin að gera það síðan 14. apríl og vakna enn á tveggja tíma fresti. Ég er búin að sofa 38 nætur í fjárhúsunum og á eftir að sofa nokkrar í viðbót. Enn eru 6 óbornar. Tveir gemsar önnur tvílembd og hin einlembd og 4 fullorðnar. 
Ég fór myndatúr í dag og tók myndir af sæðislömbunum. 
Það voru þrjár sem héldu við Garra og fimm við Þoku-Hrein

Hér koma myndir af Garra lömbum

Gimbur undan Mjöll og Garra


Gimbur undan Mjöll og Garra


Gimbur undan Þotu og Garra


Gimbur undan Spjálk og Garra


Gimbur undan Spjálk og Garra. 

Spjálk var þrílembd, en það kom dautt fóstur með þessum lömbum og það var gimbur.


Hér koma svo myndir af Þoku-Hreins lömbum


Hrútur undan Furu og Þoku-Hrein


Gimbur undan Furu og Þoku-Hrein


Gimbur undan Orku og Þoku-Hrein


Hrútur undan Frigg og Þoku-Hrein


Gimbur undan Frigg og Þoku-Hrein


Gimbur undan Drífu og Þoku-Hrein

Svo fengum við gimbur undan Klukku og Þoku-Hrein, en Klukka lagðist ofan á hana og drap hana.

Við eigum 5 gimbrar undan Garra.

og við eigum 4 gimbrar og 2 hrúta undan Þoku-Hrein


Ég skrifa fljótt aftur og segi frá fjölda lamba og fl.


Molinn kveður





03.05.2015 22:35

Refaskálinn

Ég verð að setja inn myndir af aðstæðunni sem við erum með fyrir lambærnar. 


Hér fer nú heldur betur vel um þær. Þetta er í refaskálanum á Möðruvöllum. Þær hafa aðgang að heyrúllu og svo tengdu þeir Þórður og Simmi vatn inn til þeirra.


Hér er vatnskerið sem þær hafa


Þetta er vatnstankurinn sem notaður er fyrir vatnskerið


Þetta er bara snilld. 
Vonandi fer nú vetrinum að ljúka og koma gott vor


Molinn kveður

03.05.2015 11:22

Sauðburður nánast hálfnaður

Það er svo mikið að gera að maður hefur ekki mikinn tíma til að skrifa eitthvað hér inn. En hér koma smá fréttir úr sveitinni. 

Sauðburður er nánast hálfnaður. 
104 ær bornar af 224 ám sem eiga að bera.
174 lömb á lífi. 
12 lömb/fóstur dauð. Við erum búin að missa tvö lömb af þessum 12. Hin hafa fæðst dauð og komið sem fóstur. 
Ein lagðist ofaná lambið sitt og það drapst og önnur krafsaði í lambið sitt þannig að það laskaðist og drapst síðan.
Af þessum 174 lömbum eru 100 gimbrar og 74 hrútar.


Svona var veðrið í tvo daga eða meira í kringum 26. apríl. Það var allt orðið autt þegar þetta skall á.


Bara komnir skaflar


Æi þetta veður hefði alveg mátt sleppa því að koma


Fjórhjólið er notað í margt. Hér er Simmi og Sessilía að fara með nokkrar lambær í fjárhús á Möðruvöllum 1, sem við höfum að láni. 


Sandra og Simmi að snyrta klaufir, áður en þær fara í beitarhúsin


Svo þarf að þrífa einstaklings stíurnar. Hér eru þær Sigrún og Sandra að störfum.


Takk fyrir hjálpina elsku Sandra, Sessilía, Aron Fannar, Sigrún, Einar og Margrét. Það var yndislegt að hafa ykkur hér emoticon


Sessilía var dugleg að brynna kindunum í einstaklings spilunum


Svo verður að skrá allt í fjárvís emoticon


Ekki klikkaði tengdamamma frekar en fyrri daginn. Hún kom með bakkelsi handa okkur, bæði á föstudaginn og laugardaginn. Takk elsku Sigga emoticon

Ég er búin að gista í hjólhýsinu góða í 19 nætur, og ekkert lát á emoticon

Jæja, vonandi verður ekki langt í næsta blogg


Molinn kveður


  • 1


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

8 ár

1 mánuð

28 daga

Haukur Nói, kom í heiminn

atburður liðinn í

5 ár

4 mánuði

Tenglar

Eldra efni