Þetta er síðan hennar Birgittu Lúðvíks.


Flettingar í dag: 93
Gestir í dag: 37
Flettingar í gær: 418
Gestir í gær: 110
Samtals flettingar: 1552266
Samtals gestir: 188284
Tölur uppfærðar: 18.9.2019 04:49:48

Færslur: 2015 Apríl

21.04.2015 15:27

10 ær bornar

Nú eru 10 ær bornar og komin 17 lömb. 


Eik bar tveim gimbrum í fyrri nótt. Önnur er grá og hin hvít


Hrafna bar tveim gimbrum í gærmorgun. Önnur er hvít og hin baugótt


Snerra gemlingur bar í gær. Hún átti hrút og gimbur. Hrúturinn var tekinn og vaninn undir Dokku.


Dokka bar í nótt og átti gráan hrút. Við tókum hrútinn undan Snerru og vöndum undir hana. Það gekk vel.

Hrúturinn sem við vöndum undir Dokku



Esja bar í nótt og átti þessar gimbrar


Ófeig bar þessum hrút í morgun. Hann var 6,5 kg. 

Já það eru komin 17 lömb, 12 gimbrar og 5 hrútar

Ég held að komi nokkur lömb í viðbót í dag/kvöld


Það voru settar upp nokkrar einstaklingsstíur í gær. 



Molinn kveður




19.04.2015 21:15

Nóg að gera í sveitinni

Pabbi hélt áfram í girðingarvinnu. Núna með mömmu. Fjárhúshólfið er nánast alveg búið. Þetta var ekkert smá verk að laga þessa girðingu. Hún hefur farið illa í vetur vegna snjóa og roks


Mamma og pabbi í girðingarvinnu emoticon


Það þurfti að setja uppundir 30 staura í stað þeirra sem brotnir voru


Lambærnar fengu að fara aftur út í dag


Það er byrjað að stilla upp, í hlöðunni, einstaklingsstíunum emoticon


Við fórum og kveiktum á kerti hjá elsku litla gullmolanum okkar



Molinn kveður




18.04.2015 21:01

Flekka borin

Flekka bar í morgun. Ég fór fram í fjárhús kl. 6 og engin að bera þá. Ég fór aftur inn að sofa og ætlaði að fara aftur fram kl. 8, en hundarnir vöktu mig kl. 7:10. Þeir hafa aldrei vakið mig þegar þeir sofa hjá mér í hjólhýsinu. Það var ástæða fyrir þessu. Þeir hafa heyrt í Flekku þegar hún var að bera og hafa haft áhyggjur af henni og vakið mig þess vegna. Þegar ég kom fram í fjárhús þá var hún borin


Hér er hún með gimbrina sína


Flott þessi gimbur

Við settum lambærnar út í dag. Þær voru sáttar við það.


Gimbur undan Ponsu. (afturábak gimbrin)


Pabbi hélt áfram í girðingarvinnu. Núna með Þórði. Þeir eru að verða búnir með hólfið norðan við fjárhúsin.


Hann gaf sér ekki tíma til að koma heim til að borða. Fékk sér bara að borða út í móum


Þórður í girðingarvinnu

Við fengum 5 hænuunga úr síðustu útungun. Við erum búin að setja aftur í vélina. Þau egg klekjast út um mánaðarmótin. 


Týri hefur óendanlegan áhuga á þeim. Hann lætur þá alveg í friði en horfir mjög stíft á.



Molinn kveður



17.04.2015 21:34

Girðingarvinna

Nú hefur dæmið snúist við. Hér í denn var ég að hjálpa pabba í sveitinni þar sem við áttum heima og ég ólst upp, á Molastöðum í Fljótum. Núna hins vegar er pabbi að hjálpa mér, í minni sveit, þar sem ég bý á Möðruvöllum.


Við vorum að girða í dag. Byrjuðum á hólfinu norðan við fjárhúsin. Girðingin var mjög illa farin. Við erum samt ekki búin. Við höldum áfram á morgun emoticon  Fjórhjólið kemur að góðum notum núna

Takk fyrir daginn elsku pabbi emoticon


Molinn kveður

16.04.2015 21:53

Fjórhjólið góða

Þvílík snilld að eiga þetta fjórhjól. Maður er ekki lengi að skjótast upp í fjall. Ég fór í dag á því upp að fjallsgirðingu, til að gá hvernig girðingin kemur undan snjónum. Það er allur snjór að verða farinn.


Þetta er algjör snilld


Bara smá snjór eftir. Hann hverfur líklegast á morgun


Tók mynd niður að Möðruvöllum


Birta og Þórhallur komu og tóku aðeins í hjólið. Hér er Birta að fara smá hring


Og Þórhallur tók líka smá rúnt 


Birta með gimbrina undan Ósk



Molinn kveður



16.04.2015 13:44

Þrjár kindur bornar

Það eru tvær ær bornar í viðbót. Ósk bar í gærkvöld. Hún átti hvítan hrút og baugótta gimbur. Og Gríma í nótt. Hún átti hvítan hrút og hvíta gimbur.


Gimbrin undan Ponsu, þessi sem kom afturábak


Og hér er hin gimbrin undan Ponsu


Hrúturinn undan Ósk


Gimbrin undan Ósk


Hrúturinn undan Grímu


Og gimbrin undan Grímu

Öll eru þau undan Ebita félagshrút

Ég held að það komi 1-3 dagar í pásu í burði, en ég ætla nú samt að vera á vaktinni. Það er svo svekkjandi ef eitthvað lamb drepst í burði, bara vegna þess að það var enginn að vakta.

Ég setti nokkrar myndir af þessum lömbum inn í albúm.


Molinn kveður



15.04.2015 14:56

Fyrstu lömbin

Ég byrjaði sauðburðarvaktina í gær. Svaf í fjárhúsunum í nótt. Fyrsta nóttin af 40 til 50 nóttum.


Þessir tveir voru frekar spenntir í gærkvöld, þegar ég var að fara upp í fjárhús á vaktina. Ég held að þeir hafi vitað hvað stóð til. Í fyrra fengu þeir að sofa hjá mér í fjárhúsunum og einnig fá þeir það núna. Það er fínt að hafa tvo sem passa upp á mann emoticon


Og sauðburður er hafinn. Ponsa bar tveimur hvítum gimbrum í dag. Hún bar líka fyrst í fyrra. Fyrri gimbrin kom afturábak. Pínu erfitt að ná henni, en það tókst. Ég hélt að hún mundi ekki lifa þetta af, en hún er mjög spræk. Var meirisegja á undan systur sinni á spena. 

Ponsa með gimbrarnar sínar. Þær eru undan Ebita félagshrút. Hún átti tal 17. apríl.


Hversu krúttlegt er þetta ????


Ég hef trú á að Gríma beri líka í dag. Hún á líka tal 17. apríl.



Þessi skotta, Emilía Dís, kom í heimsókn í fjárhúsin um helgina. Hún var sko ekki hrædd við dýrin í sveitinni. Fannst bara mjög gaman.


Ég setti inn nokkrar myndir.



Molinn kveður




11.04.2015 17:00

Elsku Huginn

Huginn Kolka Gíslason  F. 25.03.13   D. 03.04.15


Jarðarförin fór fram í dag, 11.apríl, í Möðruvallakirkju


Svona var veðrið í morgun kl. 7, og var alveg á meðan athöfnin var


Möðruvallakirkja á útfarardaginn.


Svo seinnipartinn fór að þyngja veðrið. Það fór að snjóa og hvessa. Svona var veðrið líka í gærkvöld og fram á nótt.


Fallegt


Hvíldu í friði elsku Huginn okkar


Fyrir rétt um 11 mánuðum lágu leiðir okkar Hugins saman. Við vorum svo heppin að fá þetta gull í okkar líf. 

Þú varst tveggja ára fyrir nokkrum dögum, 25.mars. Þessi dagur var fallegur og ómetanleg stund fyrir okkur öll


Hér ert þú með fjölskyldu þinni, mömmu, pabba, Hákoni og Iðunni


Og hér ert þú með ömmu, afa og mömmu þinni


Mamma þín bakaði svo fallega köku fyrir þig


Flott veisluborðið þitt


Okkur leið alltaf vel saman í fjárhúsunum. Við létum ekki margt stoppa okkur í að komast þangað. Við notuðum margskonar tæki í það.

Hér er td. eitt


Annað hér


Enn eitt hér


Og svo á þessu faratæki. Já elsku Huginn, við gáfumst aldrei upp


Á góðri stund í fjárhúsunum


Oft vorum við búin að fara á þessu faratæki upp í fjallshólf og huga að kindum og lömbum, síðasta vor


Þú áttir hug og hjörtu okkar allra


Hér er Einar Breki að leika við þig, eins og svo oft áður.


Hér eruð þið Þórður alveg búnir á því eftir erfiði dagsins í ferð okkar til Reykjavíkur, í mars


Tveir vinir á aðfangadagskvöld


Já elsku Huginn. Þú lifir áfram í hjörtum okkar. Hvíldu í friði elsku gullið okkar. 







Molinn kveður



09.04.2015 13:00

Seinni sprautan og fl.

Úff það er langt síðan ég skrifaði eitthvað hér inn.

Við sprautuðum allt féð seinni sprautuna gegn lambablóðsótt og líka allar með seleni, 24. mars.


Við skruppum suður 16.-18. mars og rændum þessu gulli með okkur norður. Einar Breki var hjá okkur 18.-23. mars. Það var yndislegt að fá að hafa hann. Svo kemur hann ásamt bróður sínum og móður, í maí, í sauðburðinn. Það verður gaman emoticon


Týri og Rex eru búnir að fara í þjálfun. Svanur í Dalsmynni tók þá í kennslu. Rex var ca. tvær vikur og Týri í ca. 4 vikur. Rex er og verður ekki mikill fjárhundur, en eitthvað gat hann kennt Týra. Svo er að sjá hvort við getum látið hann gera það sem Svanur kenndi honum og gat látið hann gera.


Þessir gullmolar komu og voru hjá okkur 29. mars - 4. apríl. Dagur Árni og Jökull Logi. Það var gaman að geta fengið að hafa þá hjá okkur, og þeim fannst gaman að fá að koma í sveitina. Og ekki leiddist þeim heldur að fá að fara tvo daga til ömmu Fanneyjar og afa Guðmundar. 


Jæja nú er sauðburður að skella á. Fyrstu kindurnar eiga tal 17. apríl, en ég held að fyrstu lömbin komi 15. apríl. Ég ætla allavegana að byrja vaktina 15. apríl. Þá flyt ég í hjólhýsið mitt í hlöðunni og sef þar. Kíki fram í fjárhús á tveggja tíma fresti. Ég ætla að búa þar í einn og hálfan mánuð emoticon 
Kindin á myndinni heitir Gríma og hún er önnur af tveim sem eiga tal 17. Hin er Ponsa, sem bar fyrst í fyrra. 


Rúmið í hjólhýsinu bíður eftir mér emoticon


Stundum fæ ég næturgest emoticon


Og svo fæ ég líka heimsóknir


Þær eru að verða frekar þungar á sér. Nenna ekki að standa upp fyrir mér þegar ég mæti í fjárhúsin. Standa varla upp þegar ég gef þeim hey.


Molinn kveður







  • 1


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

8 ár

4 daga

Haukur Nói, kom í heiminn

atburður liðinn í

5 ár

2 mánuði

6 daga

Tenglar

Eldra efni