Þetta er síðan hennar Birgittu Lúðvíks.


Flettingar í dag: 306
Gestir í dag: 8
Flettingar í gær: 2149
Gestir í gær: 23
Samtals flettingar: 865217
Samtals gestir: 46738
Tölur uppfærðar: 19.3.2024 07:15:07

Færslur: 2015 Nóvember

16.11.2015 20:39

Restin sett inn og ormalyf gefið

Við settum restina af kindunum (árgang ´11, ´12 og ´13) inn, föstudaginn 6. nóvember. 
Tommi á Syðri-Reystará kom og klippti þær svo á laugardaginn 7. nóvember.
Þá erum við búin að taka allt á hús, 256 hjá okkur og 8 sem Oddur Bjarni á.


Hrútarnir og svo eru gemlingarnir þarna fyrir innan


Þarna fyrir innan þessar flekkóttu, eru veturgömlu ærnar


Ég held að þær séu bara fegnar að vera komnar inn


Hér eru tveggjavetra ærnar

Við gáfum öllu fénu ormalyf í gær, 15. nóv.


Guðrún Helga og strákarnir fóru heim í dag, eftir að vera búin að vera í heimsókn í 5 daga. Það er frekar tómlegt hér núna. Elsku gullin mín, vonandi sjáumst við fljótt aftur.


Haukur Nói var duglegur að hjálpa ömmu og afa


Einar Breki var líka duglegur að hjálpa ömmu og afa

Nú er hrútaskráin komin á netið og ég er búin að setja inn tengil á hana, hér til hægri



Molinn kveður


05.11.2015 13:28

Rúningur

Simmi snillingur. Hann útbjó rennu þar sem kindurnar koma eftir, og svo grípur hann í þær og fellir þær. 
Myndirnar sýna þetta mun betur en orðin mín hér.

Og ég setti líka inn myndband af þessu emoticon


Hér kemur kind eftir rennunni 


Simmi grípur í hana og fellir hana


Hann er snillingur þessi maður


Hér er Tommi að klippa


Simmi við felligræjuna sína emoticon


Þórður sá um að reka kindurnar í rennuna


Helga sá um ullina


Damian var hliðvörður

Og ég tók bara myndir, já og sá um fóður handa fólkinu

Nú er ég búin að taka myndir af öllum kindunum okkar (256). Ég er líka búin að taka myndir af öllum kindunum hans Odds Bjarna, já nema einni, sem kemur seinna. 
Nú er nafnspjalda vinna hafin. Spjöldin á eldhúsveggnum verða endurnýjuð von bráðar emoticon



Molinn kveður



05.11.2015 12:55

Hugljúf

Allir krakkarnir sem dvalið hafa hjá okkur og eru hjá okkur, hafa fengið að velja sér kind/lamb.
Tildæmis valdi Damian sér Tildru. Hún er veturgömul og hún er ekki gæf. Nú þarf ég að vinna í því að gera hana gæfa svo Damian geti klappað henni.
Við áttum eftir að velja eina fyrir elsku Huginn okkar, áður en hann kvaddi þennan heim. Við völdum eina fallega gimbur í vor, sem við tileinkum elsku gullinu okkar. Hún fékk nafnið Hugljúf. Hún er undan Flekku. Flekka var orðin mjög gæf við mig, en hún var ein af styggustu kindunum í húsinu. Við þurftum því miður að lóga henni í haust, því hún var eitthvað lungnaveik greyið. 
Í morgun, fór ég í það verkefni að gera Hugljúfu gæfa. Það tókst í fyrstu tilraun. Ég er ánægð með hana emoticon

Hér er Hugljúf að fá aðeins dekur. Hún er farin að koma til mín og fá klapp.
Ég setti inn myndband af henni og nokkur myndbönd í viðbót af hinu og þessu


Molinn kveður


02.11.2015 15:57

Garnaveikisprauta

Helga Gunnarsdóttir, dýralæknir,  sprautaði lömbin gegn garnaveiki, 26. október.

Ég var að leika mér með stóru linsuna og tók myndir af hrafni sem var hér upp í tré.

Hann þurfti mikið að spjalla við mig


Stórglæsilegur fugl


Það gengur vel með Damian. Hann er ljúfur og góður.
Honum finnst gaman að kindunum. Þar er ég heppin emoticon


Molinn kveður


02.11.2015 15:27

Árgangur ´07-´10 og ´14 teknar á hús

Eins og ég skrifaði í bloggi 22. október, þá settum við kindurnar inn og hýstum þær á næturnar. Við gáfum þeim kvöldgjöf og settum þær svo út á morgnana. Við hýstum þær nú ekki lengi, því veðrið skánaði og úti varð bara sumarblíða. Þær voru inni í 5 nætur. 

Við settum elstu kindurnar, árg. ´07-´10  og þær veturgömlu inn, föstudaginn 30. október. 
Tommi á Syðri-Reystará kom og klippti þær svo á laugardaginn 31. okt.

Búið að rýja þessa 5 árganga

Sælar og ánægðar emoticon

Árgangur ´11, ´12 og ´13 eru úti enn og verða teknar á hús næstu helgi



Molinn kveður


  • 1


clockhere

Nafn:

Birgitta Lúðvíksdóttir

Farsími:

820-7756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgársveit

Um:

Áhugamanneskja um sauðfjárrækt. Er með kindur á Möðruvöllum í Hörgársveit

Einar Breki, kom í heiminn

atburður liðinn í

12 ár

6 mánuði

5 daga

Haukur Nói, kom í heiminn

atburður liðinn í

9 ár

8 mánuði

7 daga

Birgitta Ósk, kom í heiminn

atburður liðinn í

2 ár

2 mánuði

5 daga

Tenglar