Þetta er síðan hennar Birgittu Lúðvíks.


Flettingar í dag: 325
Gestir í dag: 8
Flettingar í gær: 2149
Gestir í gær: 23
Samtals flettingar: 865236
Samtals gestir: 46738
Tölur uppfærðar: 19.3.2024 07:47:29

Færslur: 2009 Júlí

29.07.2009 22:49

Allt tekur enda

Já halló !!!
Jæja hér er allt gott að frétta.
Við erum búin að vera hér í Lyngbrekku síðan 11. júlí, að frátöldum 3 nóttum sem við vorum í húsbílnum. Við fórum á húsbílnum, í Hólsbúð og gistum þar þrjár nætur með Júlla og Sigga. Siggi var hjá okkur 9 sólahringa. Hann fór heim á sunnudaginn. Júlli er hinsvegar enn hjá okkur. Hann verður í 18 sólahringa. Hann fer heim á laugardaginn.
Ég var með 2 x afmælisveislu hér um síðustu helgi. Ég nefnilega sendi sms á fólkið á laugardeginum, um það, að það væri veisla kl. 14-17, en gleymdi að taka það fram að veislan ætti að vera á sunnudaginn. Á laugardaginn fór hinsvegar að streyma að fólk, rétt eftir að ég sendi þetta sms. Ég átti eftir að baka og svoleiðis, en þetta reddaðist nú samt. Ég bakaði svo á laugardeginum, og fékk fólkið aftur til að koma og fá sér kaffi á sunnudeginum. Það eru margir búnir að heimsækja okkur þennan tíma sem við erum búin að dvelja hér. Gaman að því.
Við fengum óvænta og alveg hreint æðislega heimsókn á sunnudaginn. Árdís og Kristófer komu og gistu eina nótt hjá okkur hér í Lyngbrekku. Þau voru að fara hringferð með pabba sínum.
Já og svo komu þau Guðrún Olga, Stefán, Sigríður og Margrét í heimsókn. Það var nú gaman að fá þau.
Við Júlli tókum okkur rúnt, til að sjá kindurnar í fjallinu. Við sáum Ófeigu með hrútana sína, Bryðju með gimbrina, Hnyðju, Myrru með lömbin sín og svo hana Tabbý með gimbrarnar sínar. Þær voru allar svo langt í burtu, nema Ófeig, Hnyðja og Bryðja. Ég sá lömbin þeirra mjög vel. Svo eftir kvöldmat fórum við aftur og fengum Þórð til að fara með okkur, og þá sáum við Hosu með gimbrina sína og Móheiði með gimbrarnar sínar. Þær voru líka langt frá. Við erum bara með svo góðan kíki, að það er hægt að sjá vel langt frá.
Já og svo er það fríið mitt. Það er á enda komið. Ég fer að vinna strax eftir versló. Já allt tekur enda.

Molinn kveður.

20.07.2009 21:39

Holusteik í Lyngbrekku

Hæ !!

Jæja nú elduðum við okkur holusteik í dag. Settum læri á heit kolin í holunni og vorum með það í ca. tvo til tvo og hálfan tíma, og það var alveg æðislegt. Við buðum mömmu og pabba í mat. Nokkrar myndir duttu inn í albúmið frá deginum í dag.
Við gróðursettum 20 birkitré meðfram tjaldstæðinu. Góður dagur í dag.

Molinn kveður.

20.07.2009 12:18

Ennþá meiri sæla

Hæ, hæ !!

Jæja hér er allt gott að frétta. Það gengur mjög vel með strákana, Sigga og Júlla. Við erum búin að gista hér í Lyngbrekku síðan á laugardaginn, 11. júli. Búin að gróðursetja eitthvað á annað hundrað plöntur.
Í gær fórum við aftur í Baugasel. Það var mjög gott veður. Þeir sem fóru voru : Fanney, Guðmundur, Sigurjón, Solla, Dagur, Jökull, Þórður, ég, Júlli og Siggi. Þetta var frábær ferð í alla staði. Strákarnir, já og allir, höfðu gaman af þessu.

Molinn kveður.

17.07.2009 21:33

Algjör sæla

Halló !!!

Jæja allt gott hér. Við Þórður erum búin að gista í Lyngbrekku síðan á laugardag. Júlli kom á þriðjudaginn og Siggi í dag. Við ætlum að vera hér eitthvað áfram. Ég segi hér, því ég er í Lyngbrekku, og er á netinu í gegnum net punginn. En að vera hér er náttúrulega algjör snilld, og sæla.

13.07.2009 12:20

Sumarfrí, annar hluti

Já góðan og blessaðan daginn !!!

Jæja þá er nú frúin komin í sumarfrí í þrjár vikur. Ég er búin að taka frí í þrjár vikur og svo vann ég í þrjár, og er svo komin aftur í þriggja vikna frí. Fer ekki að vinna aftur fyrr en eftir versló.
Þórður er búinn að vera í fríi mest alllan tímann sem ég var að vinna. Hann er búinn að vera að vinna í Lyngbrekku, að smíða á loftinu þar og tengja rafmagn. Núna er loftið alveg búið, og við erum búin að sofa þar í þrjár nætur. Alveg hreint frábært.
Ég skrapp bara heim til að setja í þvottavél.
Ég er búin að vera veik. Ég nældi mér í lungnabólgu, og er ekki alveg orðin nógu góð. Ég var samt að vinna allan tímann þegar ég var sem verst og með hita. Hef áreiðanlega fengið lungnabólgu út af því. 
Þórhallur er fluttur að heiman, og það gengur bara vel hjá honum að vera sjálfstæður. Duglegur strákur.
Sigga og Haukur voru hjá okkur í Lyngbrekku í gær, og við skruppum rúnt fram í Baugasel. Oggi og fj. komu líka. Þetta var hin besta ferð. Ég setti inn nokkrar myndir.
Já og svo er nú búið að vígja tjaldstæðið okkar í Lyngbrekku. Það voru Sigurjón, Solla, Dagur og Jökull sem sáu um það. Þau gistu nokkrar nætur í fellihýsinu þar.
Á morgun kemur Júlli til okkar og verður hjá okkur í 18 daga samfellt. Siggi kemur svo á föstudaginn og verður í 9 daga. Hver veit nema að við tökum okkur smá rúnt á húsbílnum með þá, það kemur í ljós.

Molinn kveður.
  • 1


clockhere

Nafn:

Birgitta Lúðvíksdóttir

Farsími:

820-7756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgársveit

Um:

Áhugamanneskja um sauðfjárrækt. Er með kindur á Möðruvöllum í Hörgársveit

Einar Breki, kom í heiminn

atburður liðinn í

12 ár

6 mánuði

5 daga

Haukur Nói, kom í heiminn

atburður liðinn í

9 ár

8 mánuði

7 daga

Birgitta Ósk, kom í heiminn

atburður liðinn í

2 ár

2 mánuði

5 daga

Tenglar