Þetta er síðan hennar Birgittu Lúðvíks.


Flettingar í dag: 3074
Gestir í dag: 64
Flettingar í gær: 6949
Gestir í gær: 127
Samtals flettingar: 1688140
Samtals gestir: 196021
Tölur uppfærðar: 21.11.2019 11:53:09

Færslur: 2008 Apríl

30.04.2008 18:00

Leggst undir hnífinn

Jæja góðan daginn hér.

Ég er búin að vera í fríi í dag og hef verið með annan fótinn í sveitinni. Það bar engin í gær og engin hefur borið í dag.

Það var hringt frá sjúkrahúsinu í dag og ég á að koma í æðahnúta aðgerð á föstudaginn. Ég var á biðlista um að komast í aðgerð og átti ekki von á að fara fyrr en í sumar. Það datt einhver út hjá þeim þannig að ég er að fara á föstudaginn. Það á að skera hnúta á báðum fótum. Fegin verð ég þegar það er búið.

Jæja nú er Guðrún að koma á eftir kl. 20. Og svo eru Sigurjón, Solla, Dagur, Árdís og Kristófer á leiðinni hingað.

Viktor kemur á föstudaginn, og verður einn hjá mér þessa helgi. (Sko af stuðningsbörnum.)

Já Ólöf mín vertu velkomin. Gaman verður að sjá þig.

Molinn kveður.

28.04.2008 22:27

Fæddur strákur

Jæja halló!!!!

Nú eru Halli og Svana búin að eignast strák.  Hann var 55 cm og 17 merkur. Frekar stór mundi ég segja. Til hamingju með prinsinn elsku Halli og Svana.

Ég var í ljósmóður hlutverki í sveitinni. Ég fór þangað þegar ég var búin að vinna kl. 15. Það var ein að bera, og það kom bara hausinn á lambinu. Eins og flestir vita þá eiga lappirnar að koma  líka. Ég  þurfti að ýta hausnum inn og sækja lappirnar. Og þvílíkt tog, ég ætlaði aldrei að vera búin að ná lambinu út. En það tókst á endanum.  Það var frekar slappt eftir þessa ferð.  Svo bar önnur og það gekk vel. Það eru 12 kindur bornar og komin 13 lömb. 3 hrútar og 10 gimbrar.

Gærdagurinn gekk auðvitað vel. Við fórum í sveitina. Það var verið að moka út skítnum  undan nautunum. Krakkarnir fóru svo öll heim til sín í gær. Það er frekar tómlegt hérna í kotinu. En á miðvikudaginn koma Árdís, Kristófer, Guðrún, Sigurjón, Solla og Dagur Árni. Þannig að það ætti að vera aftur fjör hér á bæ.

Ég setti myndir af lömbunum sem eru fædd, í albúm sauðburður 2008. Svo setti ég myndir í almbúmið dagarnir 23-27 apríl.

Molinn kveður.

26.04.2008 22:07

Burður

Jæja góða kvöldið hér.

Við erum búin að vera í sveitinni í allan dag. Þessa helgi eru Júlli,  Sesselía og Siggi Tumi.  Sesselía og Júlli komu í gær. Það eru þrjár gimbrar búnar að bera í dag. Í heildina eru þá 9 búnar að bera og komin 10 lömb. Krakkarnir voru svo heppin að fá að sjá þegar ein gimbrin var að bera. Þegar lambið kom út þá sögðu Júlli og Siggi Tumi báðir: au barasta þetta er ógeðslegt.  Þetta er búinn að vera snilldar dagur í dag.

Ég setti nokkrar myndir af deginum í albúmið dagarnir 23-27 apríl

Einn hér af honum Tristani Mána. Þegar við Tristan og Siggi fórum í sveitina í gær, þá datt Tristan Máni alveg flatur á magann og hendurnar fóru í drulluna. Tristan beið bara rólegur í þessari stellingu. Ég sagði honum að standa upp, þá sagði hann : ÉG GET ÞAÐ EKKI, ÉG Á EKKI FLEIRI HENDUR. Hann er algjör snillingur.

Molinn kveður

25.04.2008 22:56

Allt í góðum gír

Já halló!!

Ég fór ekki í vinnu fyrr en kl. 8 í morgun. Ástæðan er sú að ég fór með Sigga Tuma í leikskólann. Ég þurfti að vekja hann kl. 7:30.  Hann hefði getað sofið lengur, samt sofnaði hann kl. 8 í gærkvöld. Hann er svo þægur og góður þessi drengur. Þegar ég mætti í vinnuna þá voru margir sem spurðu mig hvort ég hefði sofið yfir mig. Ég er nefnilega vön að mæta kl. 6:30

Jæja ein  bar í gærkvöld og þrjár í nótt og dag. Það eru komnar myndir í albúmið  sauðburður 2008.

Ég náði svo í Sigga Tuma og Tristan Mána í sitthvorn leikskólann. Við brunuðum svo í sveitina. Þeir að sjálfsögðu fóru upp á moldarhauginn og sögðu við erum komnir upp á fjallið. Ég þurfti að taka þá úr stígvélum og buxum áður en ég setti þá inn í bílinn þeir voru svo óhreinir. Það var gaman hjá þeim.

Meira kannski á morgun.

Molinn kveður.


25.04.2008 00:14

Myndir

Ég setti inn myndir í albúm sem heitir dagarnir 23-27 apríl. Það eiga eftir að koma inn fleiri myndir í það albúm, því helgin er ekki liðin.

Molinn kveður.

24.04.2008 21:59

Frábær dagur

Halló!!!!

Jæja hér hefur allt gengið vel með Sigga Tuma. Hann vaknaði kl. 7:30 í morgun. Við fórum í Goðanesið og þvoðum báða bílana.  Við fórum svo í sveitina og líka í Lyngbrekku. Helga Dóra, Ólína Sif og Hlynur Freyr komu í smá heimsókn í Lyngbrekku.

Það er komið lamb no. þrjú.  Birta no. 26 var að bera og hún átti sv. flekkóttan hrút. Þá er mættur á svæðið lambakóngur. Haukur Haralds á hann.

Við erum búin að vera úti í allan dag, og þá meina ég allan dag. Siggi var orðinn mjög þreyttur. Hann fór svo í bað eftir langan dag og  var sofnaður kl. 20.

Molinn kveður.

23.04.2008 21:34

Videó

Já góða kvöldið hér.

Ég var að setja inn alveg snilldar myndbönd af honum Tristani Mána. Þið verðið að kíkja á þau. Ég setti svo inn myndir í albúm sem heitir sveitaferð með Sigga Tuma og Tristan Mána.

Ég tók Sigga Tuma kl. 15 úr leikskólanum. Það gekk vel, hann vildi alveg koma með mér heim. Hann ætlar að fá að vera hér hjá okkur fram á sunnudag. Júlli og Sesselía koma á föstudaginn. Þau verða þá þrjú hér um helgina. Það verður mikið  fjör og mikið gaman.

 Við fórum svo og buðum Tristani Mána með okkur í sveitina. Þeim leiddist það nú ekki. Þeim kom vel saman.

Við borðuðum svo þegar heim var komið.  Siggi Tumi var orðinn þreyttur.  Hann var sofnaður kl. 20:30.

Molinn kveður.

20.04.2008 20:58

Gaman, gaman

Halló !!!!!!!!!

Já í dag fórum við Þórður í Rauðalæk.  Þar var ein kind að bera.  Hún var hvít kollótt og Oggi á hana. Spáin mín var ekki rétt.  Ég hélt að Sigurjóns kind mundi bera á undan. En hvað um það. Hún átti hvíta gimbur. Þá eru fæddar tvær gimbrar.  Ég setti inn myndir af þessum lömbum, og allt var eðlilegt þegar ég var að setja þær inn, en þær birtast ekki.  Það getur verið að þær séu lengi að fara í gegnum kerfið. Sjáum til á morgun.

Við Þórður fórum svo í Lyngbrekku og bárum á sólpallinn. Ég lá ekki í leti í þetta sinn.

Molinn kveður.

19.04.2008 20:17

Vesen, vesen

Halló!!!!

Jæja ekki er nú hægt að setja inn myndir af drottningunni Tabbý. Það  er eitthvað bilað hjá þeim núna. Lambið er búið að fá nafn. Tristan Máni skírði gimbrina og hún heitir Tabbý. Ekki veit ég afhverju honum datt það í hug, en hann hringdi í Guðrúnu Helgu og spurði hana hvort lambið mætti heita Tabbý, og Guðrún samþykkti það. Gott hjá þér Tristan minn.

En aftur þakka ég nú Guðrúnu og Helgu fyrir commentin. Þær eru ekki feimnar að skrifa , eins og þið hin.

Við Þórður vorum að koma heim frá Lyngbrekku og Rauðalæk. Við fórum og grilluðum í Lyngbrekku. Þórður bar á skúrinn og hann einangraði loftið í honum líka meðan ég lá í leti á sólpallinum á meðan. Gaman fyrir Þórð að hafa svona letingja með sér. En ég gaf honum þó að borða og hitaði kaffi handa honum. He he.

Við fórum svo í Rauðalæk og mörkuðum Tabbý og settum  merki í hana.

Já Helga Dóra ég er nú svolítill bóndi í mér. Hef alltaf haft gaman af kindum. Þær eru uppáhalds dýrin mín.

Molinn kveður.

18.04.2008 22:06

Sauðburður byrjaður

Já góða kvöldið hér.

Ég er sko hress og kát, því fyrsta lambið kom í morgun. Já það var gimbur, og því kallast hún drottning. Ætli Hafey verði ekki abbó yfir því. EEEEEENNNNNNNNNNNN sauðburður er þá byrjaður og ágiskun okkar var rétt. Guðrún Helga fékk fyrsta lambið. Sigurjón Steins fær kannski lamb no. 2, og ætli Árdís fái ekki lamb no. 3. Þetta eru jú allt gemlingar sem eru að fara að bera, og þeir verða margir einlembdir.  Við Þórður og Tristan Máni renndum í sveitina í dag til að sjá þetta gull sem fæddist í morgun. Drottningin er svört eða dökk mórauð. Kemur í ljós á morgun. Ég ætla að búa til myndaalbúm sem heitir sauðburður 2008. Þar koma inn tvær til þrjár myndir af hverju lambi og útskíringar hver á það fylgir með. Semsagt þá bæti ég við myndum í það albúm eftir því sem lömbin fæðast.

Ég skrifaði við myndirnar í albúminu fjölskyldan mín megin. Það gerði ég fyrir Líneyju, Pálínu og fleira frændfólk sem vill fylgjast með okkur.

Helga Dóra og Guðrún Helga, takk fyrir skrifin.

Molinn kveður.

16.04.2008 21:24

Myndir, myndir

Jæja góða kvöldið hér.

Ég var að setja inn nýtt albúm sem heitir fjölskyldan mín megin. Það eru myndir af öllum að ég held. Ef það er ekki þá megið þið kommenta um það. Semsagt ef ég hef gleymt einhverjum þá megið þið láta mig vita. Þið megið líka segja skoðun ykkar á þessu.

Við fórum í fermingar veislu á sunnudaginn til Hauks hans Ogga. Það var auðvitað vel heppnuð veisla, og mjög gaman. Ég tók eitthvað af myndum þar, og ég á eftir að setja inn albúm með myndum af fjölskyldu Þórðar megin. Það kemur bráðum.

En nóg um þetta.

Molinn kveður.

12.04.2008 19:25

Heimurinn er lítill

Halló.

Við fórum í fermingarveislu í dag. Það var verið að ferma frænda Þórhalls hann Jón Pétur. Þórhallur og Jón Pétur eru blóðbræðra synir.  Jæja Halla Björg hans Jóa var þá þar. Þórhallur og Halla Björg eru mikið skyld. Ömmurnar þeirra eru systur. Sko blóðamma Þórhalls hún Þura  og amma Höllu Bjargar eru systur. Svona er nú heimurinn lítill.

Svo var verið að ferma tvíburana systkini Júlla. Ég fór með Júlla heim til hans kl 16 og náði svo í hann kl að verða sjö.

Við skulum hafa þetta nóg í bili.

Molinn kveður.

10.04.2008 20:53

Sauðburður í námd

Halló !!!!!!!!

Jæja gott fólk. Við Þórður vorum að koma úr sveitinni. Við vorum að sprauta kindurnar.  Við gáðum undir þær allar í leiðinni og viti menn, þær eru líklegast allar með lambi, nema kannski ein.   GUÐRÚN HELGA það þarf ekki að lóga HRÚTUNUM.  Og að öllum líkindum ber hún Botna hennar Guðrúnar fyrst, og þar á eftir kindin hennar  Árdísar . Kannski eignast Guðrún Kónginn og Drottninguna. Hver veit. Nú þarf að fara að fara oftar þangað til að vakta þær.

Fermingarveislur um helgina. Haukur hans Ogga er að fermast á sunnudaginn,  frændi hans Þórhalls á laugardaginn og systkini hans Júlla líka á laugardaginn.

Júlli og Sesselía koma um þessa helgi.

Molinn kveður.


06.04.2008 19:06

Útivera

Komið þið sæl og blessuð.

Jæja ég fór nú að vinna í gærmorgun. Viktor var með Þórði á meðan.  Ég var búin kl 12, og þá var svo gott veður að ég gat nú enganvegin farið að hanga inni. Ég tók þá Viktor og Þórhall með upp í fjall. Þeir fóru á bretti og skemmtu sér konunglega.

Í dag var líka gott veður. Við Viktor fórum að renna í Jólasveinabrekkunni og fórum svo og löbbuðum alla leið upp í Fálkafell. Viktor var með brettið, og ég var með sleða. Við renndum okkur svo niður, og það var nú gaman. Ég held að við höfum verið um klukkutíma uppeftir, en svona um 5 mín.  niður.

Molinn kveður.

03.04.2008 21:49

Vinna, vinna

Jæja.

Ég var nú að koma úr vinnunni, síðan kl. 6:30 í morgun, og er að byrja að vinna kl. 5 í fyrramálið. Það eru svo miklar breytingar þarna í samlaginu að sumir eru búnir að vera að vinna langt fram á nótt, þannig að ég get nú ekki kvartað.  En þetta lagast nú bráðum held ég. Jú ég er líka að vinna á laugardaginn. Ég fékk pitsu í vinnunni.  :-)

Ég var framm eftir öllu að reyna að setja inn myndir í gærkvöld, en það tókst ekki. Það er komið nýtt forrit til að setja inn myndir og það virkaði ekki hjá mér. Ætla ekki að reyna í kvöld. Er að fara í bað og svo að sofa.

Molinn kveður.


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

8 ár

2 mánuði

7 daga

Haukur Nói, kom í heiminn

atburður liðinn í

5 ár

4 mánuði

9 daga

Tenglar

Eldra efni