Þetta er síðan hennar Birgittu Lúðvíks.


Flettingar í dag: 418
Gestir í dag: 82
Flettingar í gær: 9231
Gestir í gær: 115
Samtals flettingar: 1562158
Samtals gestir: 188541
Tölur uppfærðar: 20.9.2019 14:46:37

Færslur: 2009 Apríl

26.04.2009 22:51

Sauðburður byrjaður

Halló !!!

Jæja nú er sauðburður hafinn í Neðri-Rauðalæk. Það eru 4 ær bornar 8 lömbum. Það verður frekar erfitt að fara í vinnuna á morgun og fara ekki í sveitina fyrr en vinnan er búin. En svo er ég komin í frí eftir morgundaginn, og get verið á staðnum þegar allt er í gangi. 

Það rifjast nú upp hjá mér sauðburður 1975 þegar ég var 12 að verða 13 ára og bjó á Molastöðum. Þá veiktist ég, fékk botlangakast og var flutt á sjúkrahúsið á Sigló. Þar var ég skorin upp og varð að vera á sjúkrahúsinu í 10 daga. 10 erfiða daga, því það var sauðburður í fullum gangi heima. Mamma og pabbi hringdu af og til og sögðu mér fréttir um það hverjar væru bornar. Þegar ég svo útskrifaðist af sjúkrahúsinu, þá sagði læknirinn að ég mætti ekki reyna á mig í nokkra daga, en fór ég eftir því ??? nei ég gerði það ekki. Ég byrjaði á því að fara upp í fjárhús og kíkja á kindurnar. Það var gemlingur að bera. Ég held að bara af því að læknirinn sagði að ég mætti ekki reyna á mig, þá tók ég gemlinginn, þegar hann var borinn, og hélt á honum yfir í spil og setti lambið hjá honum. En þetta er svo fast í minningunni minni, að geta ekki verið viðstödd allan sauðburðinn.

Guðrún Helga og Dagur Árni koma á morgun til að vera í sauðburði.

Var að setja inn myndir af deginum í dag, en það er áreiðanlega eitthvað bilað, því myndirnar eru ekki komnar inn. Sjáum hvað setur.

Molinn kveður.

23.04.2009 22:39

Sumardagurinn fyrsti

Halló !!!

Gleðilegt sumar og takk fyrir veturinn. Ég byrjaði sumarið á því að fara í vinnuna og pakka skyri til kl. 13 .  Síðan fórum við hjónin með litlu frystikistuna, sem við keyptum okkur, í Lyngbrekku og við vorum þar fram á kvöld. Við fengum óvænta heimsókn þangað. Rikki og Addý komu, og það var afskaplega gaman að sjá þau. Við fengum svo aðra heimsókn. Fanney Friðriks. kom og borðaði með okkur grillað kjöt. Þetta var bara afslöppun hjá okkur eftir vinnuna í dag. Vonandi getum við notið þess að vera mikið í Lyngbrekku í sumar.

Molinn kveður.

19.04.2009 20:47

Tiltekt

Jæja góða kvöldið hér.

Nú er þessi helgi að baki og við tekur vinna á morgun. Það er nú ekki nema vinna í þrjá daga, einn dagur frí og svo vinna í tvo daga, og einn dagur frí, og svo vinna í tvo daga OG þá er ég komin í frí til 10. maí.  Jibbíííí jei. Þá er nú sauðburður mættur á svæðið í hausnum á mér. Já sauðburðurinn byrjar ca. 29-30 apríl. Hann verður í ca. viku. Og það verður nú gaman.

Veðrið í dag var alveg æðislegt. Sól og 10 stiga hiti. Við Elísabet og Viktor (krakkarnir sem voru hjá mér þessa helgi) vorum í vorhreingerningu hér í garðinum. Tókum blómabeðið og lóðina í gegn. Það að vísu kláraðist ekki alveg að hreinsa runnana, því við Þórður og Þórhallur fórum kl. 16 í fermingarveislu hjá Sylvíu systir Þórhalls. Ég klára kanski bara á morgun að hreinsa runnann.

Við fórum í Lyngbrekku í gær og grilluðum okkur lambakjöt. Það var frekar ljúft.

Já ég setti inn myndir af Viktori og Elísabet, við vinnu í garðinum.

Molinn kveður.

07.04.2009 17:13

Ekki dauð, nei, nei

Halló hér !!!

Nei ég er ekki dauð, bara löt við það að skrifa.

Hér er allt gott að frétta.

Guðrún Helga kom í heimsókn um helgina. Hún stoppaði einn og hálfan sólahring. Það var mjög gaman að fá hana hingað.

Sigurjón Geir og fj. eru að koma norður á morgun og stoppa yfir páskana. Það verður gaman að sjá þau.

Nú fer að líða að sauðburði í sveitinni. Ég er búin að fá frí frá 29. apríl til 10. maí. Ég á inni 7 daga sem ég ætla að taka þá. Þetta verður tær snilld.

Ég fer svo í sumarfrí 31.maí til 21. júní, og svo aftur 12. júlí til 3. ágúst. Sem sagt mikið af fríi frammundan, gaman gaman.

Og já það eru að koma páskar. Siggi kemur á fimmtudag, og Júlli á föstudag og þeir verða báðir fram á sunnudag, og svo verður Dagur eitthvað hjá okkur. Við verðum líklegast eitthvað í sveitinni þessa frídaga okkar.

Ég er búin að setja inn 3 albúm sem þið eruð líklegast búin að skoða.

Molinn kveður.
  • 1


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

8 ár

6 daga

Haukur Nói, kom í heiminn

atburður liðinn í

5 ár

2 mánuði

8 daga

Tenglar

Eldra efni