Þetta er síðan hennar Birgittu Lúðvíks.


Flettingar í dag: 3045
Gestir í dag: 60
Flettingar í gær: 6949
Gestir í gær: 127
Samtals flettingar: 1688111
Samtals gestir: 196017
Tölur uppfærðar: 21.11.2019 10:19:49

Færslur: 2014 September

29.09.2014 19:24

Kindur

Aðrar göngur voru 20. og 21. sept. Við fengum þrjár ær með tvö lömb hvor. Þá vantar okkur eina lamblausa, (gemlinginn sem hætti við að bera í vor). Hún hefur sennilega drepist. 
Svo tvö lömb, einn þrílembing undan Filmu og tvílembing undan Nölu. Hvorutveggja gimbrar.

Nú er búið að girða fjárhústúnið. Það var gert laugardaginn 27. sept. Kindurnar eru ánægðar með það. Eins og sést á þessari mynd, þá eru nánast allar kindurnar að bíta á túninu.


Þessar eru td. ánægðar emoticon


Maður þarf að hafa augun opin fyrir þessum. Hann fylgist vel með fénu. Ég fór í eftirlitsferð um allt, í dag til að athuga hvort það væri ekki allt í lagi með féð.

Ég er búin að vera annað slagið fyrir sunnan, til að vera hjá Huginn. Hann er búinn að vera á gjörgæslu síðan 24. sept. Hann var svæfður og settur í öndunarvél, til að slökkva á flogunum. Ég held að það hafi tekist, því hann er ekki búinn að fá nein flog síðan þá. Hann var tekinn úr öndunarvélinni í dag og það gekk vel. Hann er svo duglegur elsku karlinn.

Það eru komnar myndir inn.



Molinn kveður





 

19.09.2014 09:40

Vigt

Nú eru fyrri göngur og réttir búnar. Okkur vantar samt ennþá fjórar ær og átta lömb. Vonandi koma þau um helgina. Við vigtuðum lömbin 17. sept. og vigtin kom betur út núna en í fyrra. Hún var mjög léleg þá. 
Meðalvigtin núna var 45 kg. 
Við sendum 95 lömb og 5 fullorðin í sláturhús í gær, og þeim var slátrað i dag. 
Meðal fallþungi lambanna var 19,7 kg.
Gerðin 10,02
Fitan 7,83
Þyngsti skrokkurinn var 28,3 kg.

Gemlingarnir komu vel út hjá okkur. 
Meðalþungi gemlingslambanna var 46,9 kg.
28 lömb undir 28 gemlingum. (tekið var undan öllum tvílembdu gemlingunum annað lambið, þannig að þeir gengu bara með eitt)
4 lömb voru undir 40 kg.
10 lömb voru 50 kg. og yfir
Léttasta lambið var 37 kg. og það þyngsta var 56 kg.


Molinn kveður






19.09.2014 08:21

Skírn

Nú er litla gullið mitt búið að fá nafn. Hann heitir Haukur Nói. Hann var skírður 6. september, af Sr. Oddi Bjarna Þorkelssyni, hér í Möðruvallakirkju. Veislan var hér á Möðruvöllum 3. Þetta var yndislegur dagur. 


Haukur Nói
Þau, Nonni, Guðrún og strákarnir, komu 4. september. 
Jón Tómas fór suður 7. sept. en Guðrún og strákarnir voru hér út vikuna og fóru suður 14. sept. Við áttum yndislegan tíma saman.


Þetta eru nautin okkar. Þessir stóru, Þórður og Simmi, fóru á sláturhús 4. sept. Þeir vigtuðu 240 og 250 kg. 
Nú eru þeir Bjössi og Siggi elstir. Þessir tveir litlu Einar og Júlli dafna vel. Við erum svo að fá tvo í viðbót og þeir eru líka eins og allir þessir, frá Helga og Röggu á Syðri-Bægisá.

Huginn litli er búinn að vera mikið veikur. Fær mörg flogaköst. Hann er búinn að vera á sjúkrahúsi síðan 13. september. Fyrst fyrir norðan, og svo fórum við með sjúkraflugi suður. Hann er búinn að vera á gjörgæslu frá mánudeginum 15. sept. og þangað til í gær 18. sept. Nú er hann á Barnaspítala Hringsins. Vonandi fer honum að batna, elsku gullinu.

Við fluttum í Möðruvelli 3,  15. sept. í fyrra. Sá dagur var eftirminnilegur. Það gerði þvílíkt rok og slyddu. Það fauk upp hlið á hólfi sem kindurnar voru í. Við urðum að leita að þeim, og smala, í kolsvarta myrkri, roki og slyddu. Það hafðist nú að lokum. Ekki var þurr þráður á okkur eftir þetta.
Núna ári síðar, fór ég með Huginn litla í sjúkraflugi suður. Sá dagur er líka eftirminnilegur. Vonandi á ég ekki eftir að upplifa svona dag aftur. 

Þetta er búinn að vera erfiður tími. 


Molinn kveður.







  • 1


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

8 ár

2 mánuði

7 daga

Haukur Nói, kom í heiminn

atburður liðinn í

5 ár

4 mánuði

9 daga

Tenglar

Eldra efni