Þetta er síðan hennar Birgittu Lúðvíks.


Flettingar í dag: 761
Gestir í dag: 11
Flettingar í gær: 389
Gestir í gær: 12
Samtals flettingar: 872603
Samtals gestir: 46908
Tölur uppfærðar: 28.3.2024 17:03:24

Færslur: 2008 Ágúst

31.08.2008 09:37

Enn ein jarðarför

Já komið þið sæl og blessuð !!!

Já það er ekki langt síðan að ég var við útför móðursystur minnar hennar  elsku Pöllu, og nú er önnur móðursystir mín farin, hún elsku Bibba mín. Elsku Bibba mín blessuð sé minning þín. Útförin var í gær á Skagaströnd. Við Þórður fórum með Júlla og Sigga, en Þórður var með strákana á leiksvæði á meðan ég var í kirkjunni. Þeir komu svo í kaffi á eftir og það gekk allt vel, eins og alltaf.  Ég setti inn nokkrar myndir sem Þórður tók af þeim.

Og nú er hún Guðrún Helga búin að eiga afmæli. Hún átti afmæli 29. ágúst. Til hamingju með það Guðrún mín. Nú ert þú 23 ára og ég var það þegar þú fæddist, þannig að......... he he.

Við ætlum að fara í Lyngbrekku og í sveitina núna.

Molinn kveður.

24.08.2008 23:44

Frábært ferðalag

Já halló !!!!

Jæja nú erum við Þórður komin heim úr alveg frábæru ferðalagi. Við fórum á Landbúnaðarsýninguna á Hellu. Guðrún Helga fór með okkur og svo komu Sigurjón, Solla og Dagur og svo líka Friðrik og Yumiko. Þetta var fín sýning, og gaman að geta farið þangað. Þórður var ekki fyrr kominn út úr bílnum en hann hitti gamlan SKÓLABRÓÐUR. Hann hitti þá nokkra. Við skruppum svo til Keflavíkur til Maríu. Við fórum svo líka til Sigurjóns og Sollu, og svo í flugi heim. Flugið suður var mjög gott útsýnisflug. Ég sá Öxnadalinn, heiðina, Varmahlíð, Sauðárkrók, Blönduós, Skagaströnd og Hvammstanga. Svo var allt í skýjum eftir það. Ég var nú að reyna að sjá einhverja hvíta bletti í nálægð við Sauðárkrók, en ég held að allir hvítu blettirnir sem ég sá hafi verið snjór. Ég setti inn nokkrar myndir af þessu ferðalagi okkar. Nóg í bili.

Molinn kveður. 

23.08.2008 16:36

Ferðalag framundan

Hæ, hæ !!!!!!

Jæja nú var ég að koma heim úr vinnunni. Alltaf nóg að gera.

Á morgun eða í fyrramálið ætlum við Þórður að skella okkur á landbúnaðarsýninguna á Hellu. Við förum með fyrstu vél og komum aftur heim með seinustu. Guðrún  Helga ætlar svo að lána okkur bílinn sinn til að komast á Hellu. Kannski ætlar hún með okkur, kemur í ljós á morgun. Ég held að þetta verði skemmtileg ferð.

Sjáumst á Hellu.

Molinn kveður.

19.08.2008 23:09

Vinna, vinna og aftur vinna

Halló !!! Það er ekki nema ca. hálftími síðan ég kom úr vinnunni síðan kl. 6:30 í morgun. Nóg að gera. Nenni ekki að skrifa meira.

Molinn kveður.

17.08.2008 22:59

Helgin búin

Halló !!!

Jæja nú er helgin búin og vinna á morgun. Alveg ótrúlegt hvað þetta líður hratt.

Við Júlli, og Siggi fórum í morgun upp í Fossatún og tókum Tristan með okkur í sveitina. Við fórum í Rauðalæk og stoppuðum það góða stund hjá dýrunum þar. Við fórum svo í Lyngbrekku í berjamó, pottinn og fl. Við enduðum svo daginn á því að fara á Oddeyrarskólalóðina í leiktækin þar. Það gekk auðvitað vel með strákana. Þeir fóru heim í dag. Ég setti inn nokkrar myndir i albúm 17. ágúst og svo setti ég inn 3 myndbönd. 

Guðrún Helga, vona að berin hafi verið góð.

Molinn kveður.

16.08.2008 19:02

Enn er mikil vinna

Já komið þið sæl.

Siggi og Júlli komu í gær og verða helgina hér. Við Þórhallur fórum að vinna í morgun, og Þórður var með strákana og það gekk auðvitað vel. Þeir fóru í sveitina. Það eru komnir litlir kálfar þar. Júlli fór nú að heilsa upp á stóru nautin. Hann hefur svo gaman af þeim. Ég fór svo til  þeirra þegar ég var búin að vinna. Við fórum svo í Lyngbrekku og grilluðum okkur kjöt og fórum  í pottinn.

Þórhallur er að byrja í skólanum á fimmtudaginn. Hann fer í VMA. Hann er búinn að vera mjög duglegur að vinna í sumar.

Molinn kveður.

12.08.2008 22:06

Vinna, vinna

Já komið þið sæl og blessuð.

Já ég er á lífi eða ég held það. Ég er byrjuð að vinna og það er mikið að gera. Hef verið að vinna lengi á daginn, og stundum langt fram á kvöld. Strákarnir farnir og það var frekar tómlegt á verslunnarhelgar mánudaginn eftir þessa löngu dvöl þeirra hér. En þeir eru að koma núna á föstudaginn og verða næstu helgi hér. Já Sif það er gaman að heyra að það gangi vel hjá Sigga. Þetta var uppástunga frá Þórði um að það væri áreiðanlega hægt að venja hann af bleyju, og það var hægt. Semsagt á Þórður að fá þetta hrós, þó ég hafi framkvæmt þetta. Og Sif mín þú átt alveg yndislegan strák. Sigrún takk fyrir kvittið,  og það er alltaf gaman að vita hverjir eru að lesa þessi skrif mín hér.

Guðrún Helga !  Hvernig líst þér á að ég tíni ber handa þér og sendi þér í flugi núna um helgina. Og hvort eru það krækiber eða bláber sem þér finnst betri og hvað finnst Nonna betra. Bara að spá. Nóg er af berjum.

Molinn kveður.

02.08.2008 08:53

Það styttist í vinnu

Já góðan dag !!!

Jæja nú fer góða fríinu mínu að ljúka. Ég fer að vinna á þriðjudaginn. Júlli fer á morgun og Siggi á mánudaginn. Það er búið að ganga mjög vel með þá gutta. Við höfum aðalega verið í Lyngbrekku með þá, og líka skotist í sveitina.  Þeir eru sjúkir í pottinn og hafa fengið að vera mikið í honum. Ég setti inn tvö myndbönd af þeim og Tristani í  pottinum í gær. Þeir vilja stundum láta sprauta á sig vatni þegar þeir eru í pottinum. Finnst það mjög gaman. Siggi sagði að vísu í fyrsta skiptið þegar ég sprautaði á þá: EKKI BLEYTA MIG. Ég setti líka inn nokkrar burslumyndir af þeim. En eins og ég sagði þá er búið að ganga mjög vel.

Molinn kveður. 
  • 1


clockhere

Nafn:

Birgitta Lúðvíksdóttir

Farsími:

820-7756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgársveit

Um:

Áhugamanneskja um sauðfjárrækt. Er með kindur á Möðruvöllum í Hörgársveit

Einar Breki, kom í heiminn

atburður liðinn í

12 ár

6 mánuði

14 daga

Haukur Nói, kom í heiminn

atburður liðinn í

9 ár

8 mánuði

16 daga

Birgitta Ósk, kom í heiminn

atburður liðinn í

2 ár

2 mánuði

14 daga

Tenglar