Þetta er síðan hennar Birgittu Lúðvíks.


Flettingar í dag: 366
Gestir í dag: 68
Flettingar í gær: 377
Gestir í gær: 74
Samtals flettingar: 1528497
Samtals gestir: 182044
Tölur uppfærðar: 18.7.2019 06:31:15

Færslur: 2010 Apríl

26.04.2010 20:34

Alveg að skella á

Hæ, hæ.
Jæja ég á bara eftir að vinna í tvo daga emoticon . Við náðum í húsbílinn í gær, en við eigum eftir að fara með hann í sveitina. Hlakka svo til.
Við vorum með Sigga og Júlla um helgina. Við fórum með þá í fjósið og hesthúsið á Dagverðareyri. Við fórum líka til Garðars og Erlu í Skógarhlíð. Við vorum að klippa af runnum, niður í stikla. Siggi og Júlli voru að leika sér í lækjarsprænu rétt við húsið, á meðan. Þeir voru að henda steinum, í lækinn, og stökkva yfir. Það endaði svo með því að Siggi datt ofan í, og rennblotnaði. Það var nú pínu fyndið, en hann sagði að það væri ekki fyndið, að hann hefði dottið í sjóinn. Hann hélt að þetta væri sjór. He, he.
Þegar ég var að keyra heim úr vinnunni í dag, þá tók ég eftri því að það logaði vélarljósið. Ég kom við hjá k2m, og það þurfti að setja hann í tölvuna. Það kom nú í ljós að bankskynjari væri ónýtur. Ég vissi nú ekkert hvað það væri, en maðurinn útskýrði það fyrir mér. Sagði að þetta væri svona höggdeyfir, þegar það væri verið að starta, og að bíllinn mundi eyða minna ef þetta væri í lagi. Ok, ég borgaði, og fór út. Þegar ég kom út, þá var maðurinn að skipta um þennan bankskynjara. Hann tók ekki eftir því að ég væri komin út, því að hann var að bogra yfir vélinni. Hann var líka að tala við einhvern mann, sem stóð við hliðina á honum. Hann var að segja manninum að ég vissi nú ekki hvað bankskynjari væri, sem var satt. Og hann sagði líka við manninn að hann hefði nú útskýrt það fyrir mér hvað bankskynjari væri. Það væri þannig að ef ég lokaðist inni í skottinu á bílnum, og mundi banka, þá kæmi einhver að bjarga mér. Og svo sagði hann að við hefðum hlegið, og hlegið, af þessu. Hann sagði manninum miklu lengri sögu um það hvað ég væri vitlaus. Það var ekkert af þessu satt, nema það að ég vissi ekki hvað bankskynjari var. Maðurinn sem stóð við hliðina á honum horfði alltaf á mig mjög vandræðalegur. Þegar manngreyið tók eftir því að ég hefði hlustað á allt, þá sagði hann:  ÞETTA ER BANKSKYNJARI, og hélt á ónýta stykkinu. Hann var frekar VANDRÆÐALEGUR. Meðan hann var að skipta um stykkið, þá var ég næstum því búin að sparka í rassinn á honum og loka húddinu. Þá hefði hann kanski BANKAÐ, og ég svo opnað fyrir honum. He, he.  Og þetta kostaði mig 25 þúsund emoticon

 Molinn kveður.

24.04.2010 21:31

Úúújjjeeee

Gleðilegt sumar, gott fólk !
Jæja nú er komið sumar, og það styttist í sauðburðinn. Bara 5-7 dagar í fyrstu kindurnar. Ég á bara eftir að vinna þrjá daga og þá er ég komin í fæðingarorlof, í rúmar þrjár vikur  emoticon . Við Þórður fengum hjólhýsi hjá Fanneyju og Guðmundi, og við fórum með það í Rauðalæk í dag og gengum frá því þar. Það er tilbúið fyrir eldamennsku.
Sumardagurinn fyrsti var núna 22. apríl. Við Þórður fórum bæði snemma á fætur og fórum í vinnu. Þegar ég var á leiðinni í vinnuna, þá hringdi ég í Þórð og sagði að ég hefði nú gleymt að óska honum gleðilegs sumars. Við óskuðum hvort öðru gleðilegs sumars, og kvöddumst svo. Þegar ég var svo að setja símann í vasann, þá hringdi Þórður, og hann sagði við gleymdum að þakka fyrir veturinn. Við þökkuðum hvort öðru fyrir hann, og héldum svo glöð og ánægð til vinnu.
Jæja ég held að við förum okkar fyrstu ferð í pottinn, á þessu ári, á morgun. Siggi og Júlli eru hjá okkur og þeir vilja áreiðanlega fara í hann. 
Við fórum í fermingarveislu hjá Aðalsteini Birgi, á fimmtudaginn, sumardaginn fyrsta.
Ég er búin að setja inn myndir.

Molinn kveður.





18.04.2010 22:50

Það styttist

Hæ !!!
Jæja það styttist óðum í sauðburðinn. Bara 11-13 dagar. Allt klárt með svefn og eldunaraðstöðu. Við sofum í húsbílnum, og eldum í gömlu hjólhýsi sem Fanney og Guðmundur ætla að losa sig við. Þórði datt það snjallræði í hug að athuga með það. Og Fanney takk kærlega fyrir.
Við Þórður fórum í sveitina í gær eftir vinnu, og sprautuðum kindurnar með bóluefni gegn lambablóðsótt, seinni sprautuna og líka selen. Við fórum aftur í dag. Þórður, Oggi og Áslaug gerðu við fjárhúshólfið, þannig að það er klárt fyrir vorið. Sigga og Haukur komu með kaffi og pönnsur handa okkur í sveitina. Við vorum líka með vöfflur og rjóma, þannig að við vorum ekki svöng eftir þennan dag. Ég eldaði að vísu lifur, hjörtu og nýru þegar ég kom heim, og það var borðað með bestu lyst.

Molinn kveður.

14.04.2010 21:24

Styttist óðum, 15-17

Hæ, hæ.
Jæja það styttist óðum í sauðburðinn. 15-17 dagar. Ég er farin að plana þetta allt í huganum hvernig ég ætla að hafa þetta allt, og þá meina ég með svefn og eldamennsku emoticon . Þetta verður mjög gaman.
Nú þurfum við að sprauta kindurnar, aftur um næstu helgi. Það er farið að koma undir þær.
Ég setti inn eitt albúm.

Molinn kveður.

11.04.2010 09:46

18-20 dagar

Hæ, hæ.

Jæja þetta styttist óðum. Nú eru 18-20 dagar eftir í bið, úúúééé. Ég er búin að fá frí 3.-25 maí. Ég ætla kanski að fá að bæta við tveim dögum fyrir framan, þá jafnvel frá 29 apríl til 25 maí. Það væri nú fínt að vera komin í frí kl. 15,   28. apríl.emoticon

Guðrún Helga kom til okkar á föstudaginn, og fer aftur suður í dag. ÉG SETTI INN NÝTT MYNDBAND AF GUÐRÚNU HELGU OG TABBÝ.

Siggi og Júlli eru hjá okkur þessa helgi, og þeir eru æðislegir eins og alltaf.

Við fórum í fermingarveislu á Krókinn í gær. Það var verið að ferma Ólínu Sif, systur dóttur mína. Strákarnir Siggi og Júlli fóru með okkur, og þeir voru mjög stilltir og góðir. Gekk semsagt mjög vel. Ég hitti mjög marga ættingja, sem ég hef ekki séð langa lengi. Þetta var allt rosalega gaman. Fermingarbarnið hún Ólína Sif var svo falleg, eins og alltaf.

Jæja er ekki kominn tími á sveitina. Ég held það.

 

Molinn kveður.

 

 


06.04.2010 22:08

Ljóshærða Birgitta

Hæ !!!
Jæja ég verð nú að segja ykkur hvað konan á Sólvöllum 7 er ljóshærð. Það var þannig að í morgun þegar ég ætlaði að fara í vinnuna, þá fór bíllinn minn ekki í gang. Semsagt startaði ekki eins og svo oft áður. Það er nefnilega hálf ónýtur geymir í bílnum. En bíllinn fór semsagt ekki í gang og ég sagði Þórði að hann yrði að skutla okkur Þórhalli í vinnuna. Þórður sagði að hann kæmi bara með sinn bíl og gæfi honum straum með köplum, og það gerði hann. Bíllinn minn fór samt ekki í gang og þetta var orðið eitthvað skrítið. Svo kom Þórhallur og settist inn í bílinn, tilbúinn í vinnuna, og það fyrsta sem hann sagði var: mamma af hverju ertu EKKI með bílinn í parki. Bíllinn var semsagt EKKI  í parkinu. Hann var í R, og þar af leiðandi var ekki hægt að starta honum. Hann var EKKI straumlaus. En þetta var kl. 6:30 í morgun. Ég hef sennilega gleymt að setja hann í parkið þegar ég kom heim úr vinnunni á laugardaginn. 
Sigurjón, Solla, Dagur og Jökull voru hjá okkur tvær nætur. Þau komu á laugardaginn og fara á fimmtudaginn. Þau verða hjá Fanneyju og Guðmundi þrjár nætur.
Nú eru bara 23-25 dagar í sauðburð úúééé.
Já, og svo er ég búin að setja inn helling af myndum emoticon

Molinn kveður.

02.04.2010 20:08

29 dagar

Hæ, hæ !!
Jæja þá eru nú bara 26-29 dagar í sauðburð. Í raruninni eru 29 dagar þangað til að þær fyrstu eiga að bera, miðað við 143 daga, en það eru nokkrar sem ganga styttra með, þannig að þær gætu borið fyrr. Við Þórður fórum í sveitina í dag, og buðum Viktori Inga með. Við og Oggi, sprautuðum kindurnar með bóluefni gegn lambablóðsótt, fyrri sprautuna. Við þurfum svo að sprauta aftur eftir 10-14 daga, og þá líka með seleni.

Molinn kveður.
  • 1


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

7 ár

10 mánuði

4 daga

Haukur Nói, kom í heiminn

atburður liðinn í

5 ár

6 daga

Tenglar

Eldra efni