Þetta er síðan hennar Birgittu Lúðvíks.


Flettingar í dag: 269
Gestir í dag: 7
Flettingar í gær: 2149
Gestir í gær: 23
Samtals flettingar: 865180
Samtals gestir: 46737
Tölur uppfærðar: 19.3.2024 06:32:03

Færslur: 2011 Október

30.10.2011 22:19

Einar Breki

Þá er nú þessi yndislegi dagur, að kveldi kominn. Litli gullmolinn var skírður í dag, Einar Breki. Hann var skírður hérna heima í Sólvöllum 7. Þetta var falleg athöfn. Ég fékk að halda á honum. Það koma myndir inn seinna úr veislunni, en hér er ein af gullmolanum.


Einar Breki


Molinn kveður.

26.10.2011 08:37

Ótitlað

Nú er ég komin í frí, þangað til á mánudaginn. Nú fer undirbúningur fyrir skírnina, hjá litla gullinu mínu, á fullt. Gullið verður skírt á sunnudaginn. Þau Guðrún koma í dag og ég get varla beðið eftir því. En vá, hann er að verða eins og hálfsmánaða. Þetta líður alltof hratt. Gaman verður í sauðburðinum, að hafa hann skríðandi um allt. emoticon






Molinn kveður.

24.10.2011 21:29

Skírn

Nú erum við búin að taka allt féð á hús. Við tókum lömbin og hrútana, 13. okt. og þau voru klippt 15. okt.. Svo tókum við ærnar inn 22. okt, og þær voru klipptar í gær 23 okt. Þær eru mjög vænar. Það eru 32 fullorðnar, 22 gimbrar og 2 hrútar. Semsagt 56 stykki í húsunum. Aðeins fjölgun frá því í fyrra.  Ég á svo eftir að taka myndir af stofninum og setja hér inn.Nú er bara veturinn að skella á. Ég vil þakka alveg innilega fyrir okkur kæru vinir, Helgi og Ragga Magga á Bægisá. Þið eruð yndisleg.
Guðrún og stubbur koma á miðvikudaginn. Það á að skíra hann á sunnudaginn. Það verður veisla hér á bæ. Mikið hlakka ég til að fá að vita nafnið á litla gullinu.

Molinn kveður.


20.10.2011 20:32

Elsku litli stubbur

Jæja, nú er kominn tími til að setja eitthvað hingað inn. Ég er búin að hafa litla stubbinn, og Guðrúnu hér hjá mér í viku. Þau fóru suður í gær emoticon , en þau koma aftur eftir viku. Ég var ekkert  að eyða tímanum í það að vera í tölvunni, þegar stubburinn var hér. Hann er svo yndislegur þessi elska. Vá hvað tíminn líður, hann er orðinn rúmlega eins mánaða. Það á að skíra hann 31. október. Hlakka mikið til að vita nafnið á honum.


Litli stubbur Jónsson


Við erum búin að velja lífgimbrar, og taka þær á hús. Mikið var þetta nú erfitt val. Margar svo fallegar.
43 lömbum var slátrað, 2 seld og 17 sett á, og svo voru keyptar 5 gimbrar. Meðalfallþunginn var 18.96, gerð var 10.44 og fita 8.44 
Já við erum búin að taka á hús allar gimbrarnar sem eru 22 og svo báða hrútana okkar, þá Radix sem er veturgamall og Amadeus sem við keyptum á Smáhömrum. Svo ætlum við að taka ærnar inn á laugardaginn. Bara fjör hjá okkur þessa dagana.
Það koma svo inn myndir, bæði af kindum og þessum yndislega ömmudreng mínum, sem ég sakna svo mikið. Ég vona að hann eigi eftir að hafa gaman af kindunum. Hann fær að vera með okkur í sauðburðinum í vor. Hann verður þá orðinn rúmlega 7 mánaða. emoticon

Molinn kveður.

08.10.2011 23:14

Veltifé

Þetta er nú með ólíkindum þetta fé okkar. Í fyrradag, þá fóru fjórar afvelta. Það er ekkert eðlilegt við það. Helgi og Þorri komu þeim til bjargar. Það fór svo ein í gær, og Helgi snéri henni við. Takk fyrir björgunina kæru félagar. Þetta er áreiðanlega vegna þess að þeim klæjar á bakinu þegar það þornar eftir mikla bleytu, og þær eru að reyna að klóra sér og velta á hrygginn. Það snjóaði um daginn, og það er líka búið að rigna mikið. Ég vona að þær fari nú að hætta þessu.
Við erum búin að vera í sveitinni í dag, og reyna að gera eitthvað þar. Það er búið að rigna í nær allan dag. Við erum með Sigga og Júlla þessa helgi. Ísabella kom til okkar í gær, og gisti eina nótt. Hún fór með mér í sveitina í gær, og var sko ekkert hrædd við kindurnar, þótt þær træðu hana næstum því niður. Hún fór svo með okkur í sveitina í dag, og er búin að vera mjög dugleg að leika sér í rigningunni, og pollunum. Siggi var líka duglegur að leika við hana. Það verður ekki erfitt að taka hana með í vetur í fjárhúsin. Ég tók mikið af myndum, og setti inn helling af þeim. Við förum aftur á morgun, og ég vona að það rigni ekki svona mikið þá.

Molinn kveður.

05.10.2011 20:12

Algjört áfall

Það munaði ekki miklu, að ein kindin okkar dræpist í dag. Það var hún Freyja. Helgi á Bægisá kom henni til bjargar. Hún var afvelta, og hrafnarnir komnir í hana, en ekki búnir að gera gat. Bara búnir að særa hana þannig að úr blæddi. Takk fyrir, Helgi, að bjarga henni  emoticon
Ég fór eftir vinnu, til að kíkja á féð. Ég gaf þeim brauð. Freyja var í ágætu standi. Alveg búin að jafna sig eftir veltuna. En ég fékk frekar mikið áfall þegar ég sá hana Tabbý. Hún var bara með tvær gimbrar. Ég var alveg búin að ákveða að sú þriðja lægi einhverstaðar dauð. Ég leitaði talsvert að henni. Tabbý var frekar norðanlega í hólfinu. Ég labbaði svo talsvert suðureftir hólfinu, og sá þriðju gimbrina þar. Ég held að hún sé búin að venja sig undan Tabbý. Mér varð frekar létt, og ánægð að sjá hana á lífi.
Nú styttist í það að ég fái litla gullið hingað norður. Ég held að Guðrún komi með hann aðra helgi. Mikið hlakka ég til emoticon  Hann er alltof langt í burtu emoticon

Molinn kveður.


  • 1


clockhere

Nafn:

Birgitta Lúðvíksdóttir

Farsími:

820-7756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgársveit

Um:

Áhugamanneskja um sauðfjárrækt. Er með kindur á Möðruvöllum í Hörgársveit

Einar Breki, kom í heiminn

atburður liðinn í

12 ár

6 mánuði

5 daga

Haukur Nói, kom í heiminn

atburður liðinn í

9 ár

8 mánuði

7 daga

Birgitta Ósk, kom í heiminn

atburður liðinn í

2 ár

2 mánuði

5 daga

Tenglar