Þetta er síðan hennar Birgittu Lúðvíks.


Flettingar í dag: 408
Gestir í dag: 82
Flettingar í gær: 9231
Gestir í gær: 115
Samtals flettingar: 1562148
Samtals gestir: 188541
Tölur uppfærðar: 20.9.2019 14:12:13

Færslur: 2014 Júní

29.06.2014 21:52

Heyskapur og fl.

Nú erum við búin að heyja fjögur stykki. Fjárhústúnið var slegið 17. júní og rúllað 24. Það voru 94 rúllur á því. Syðsta stykkið okkar sem er sunnan við fjárhústúnið og litla frímerkið norðan við skjólbeltið voru slegin 21. júní og rúlluð 23. Það voru 13 rúllur á syðsta stykkinu, en við vorum nýlega búin að taka féð af því, og 12 rúllur á frímerkinu. Fjallsstykkið var slegið 25. júní og rúllað 28. Það voru 35 rúllur á því. Þá erum við komin með 154 rúllur. Það á eftir að slá eitt stykki sem er niðri á engi.


Simmi að keyra heim rúllunum á nýja vagninum emoticon


Dísa vinkona og fjölskylda komu í heimsókn. Það var yndislegt að hitta þau.


Haha maður má ekki líta af þessum hænum. Hér er ein komin inn í hús og búin að skíta á gólfið. Gaf semsagt skít í mig.


Og þær fara líka og baða sig í blómabeðunum, úpps emoticon


Það gengur mjög vel hjá Hafsteini. Hann kom 18. júní og fer 2. júlí. Þá er hann búinn að vera tvær vikur hér í sumardvöl. Duglegur strákur.


Birgir kom í sumardvöl 11. júní og var til 25. júní. 


Nú styttist óðum í að þetta fallega gull verði stóri bróðir. Einar Breki er að fara að eignast bróðir. Guðrún Helga á settan dag, 10. júlí. Ég er orðin mjög spennt emoticon


Ég skrapp á ættarmót á Skagaströnd í gær. Við Jón Birkir fórum í göngutúr með guttana okkar, og fengum okkur að snæða í sjoppunni. Það var gaman að skreppa aðeins á Ströndina og hitta ættingjana.


Við erum byrjuð að fara kindarúnt og erum búin að sjá nokkrar sem við eigum. Hér er Ugla með sín lömb. 


Það gengur vel með elsku litla stubbinn, Huginn. Hann sýnir framför  emoticon

Ég setti inn myndir. Ég verð svo að fara að skrifa við myndirnar. Ekki vera með svona leti.



Molinn kveður



20.06.2014 20:00

Kindurnar farnar á fjall

Verið að gera fjárflutningavagninn klárann.

Þórður og Simmi að setja framlengingu á kassann. Þetta er rúlluflatvagninn, með fjárflutningakassa á.
Við keyrðum féð á fjall 14. og 15. júní. Við þurftum að fara þrjár ferðir með vagninn og fjórar með kerruna. Það fór á gamla staðinn sinn, sem er Landafjallið. Þær voru ánægðar þegar þær sáu hvert þær voru komnar emoticon og röltu glaðar af stað í fjallið.
Þegar við losuðum vagn númer tvö, þá tókum við eftir því að það vantaði lambið undan Tabbý. Hún leitaði um allt og var farin að froðufella af jarmi. 
Við horfðum vel í kantinn á leiðinni heim, en sáum ekkert lamb. Ég hélt kannski að það hefði stokkið af vagninum heima við fjárhúsin og það kæmi með kindunum þegar við rákum restina inn, en það var ekki. Hvergi var lambið að finna. 
Þegar við fórum síðustu ferðina, þá voru augun á mér límd við að horfa í kantinn og athuga með lambið. Já viti menn, ég fann það. Það hafði stokkið af vagninum rétt neðan við Rauðalæk. Það sá ekkert á því. Við náðum að góma það með smá erfiðleikum og fórum með það til Tabbýjar sem tók vel á móti því. Þetta endaði vel sem betur fer.

Það hefði verið sárt að missa þessa flottu gimbur. Hún er svo spræk og flott. Hún fæddist á 10 mín. og kom hlaupandi út emoticon


Það var fjör hjá okkur um síðustu helgi. Fimm flottir gaurar. Gekk mjög vel með þá alla emoticon
Júlli, Einar, Birgir, Siggi og Huginn


Verið að fá sér hressingu í góða veðrinu.


Bjössi bættist í hópinn á sunnudaginn 


Það er búið að slá fjárhústúnið. Simmi sló það þriðjudaginn 17. júní. Það er ekki mikill þurrkur núna. Bara rigning. Við náum því vonandi um helgina.


Komnir þrír heimalingar í viðbót. Ég fékk þá að láni hjá Jósavin í Dunhaga. Mig munar ekkert um að gefa þeim um leið og ég gef mínum tveim. 


Hafsteinn, frá Hafnarfirði, kominn til að vera í tvær vikur hjá okkur. Það gengur bara vel hjá honum.


Við fórum með Týra og Rex, til að busla á Gáseyri. Þeim fannst það mjög gaman. Týri var hugaðari en Rex. Stökk á eftir spýtum og prikum. Fór oft á bólakaf.


Týri á sprettinum.




Molinn kveður






11.06.2014 20:11

Útungun og fleira

Þessi kemur daglega, á morgnana og kvöldin, til að fá mjólkursopann sinn

Hér er Siggi Tumi að gefa henni sopann sinn, 17. maí

Bjössi að gefa pelann 18. maí


Einar Breki að gefa, 31.maí


Nú er hún búin að eignast vinkonu. Þær koma saman kvölds og morgna til að fá sopann sinn. Þessi litla var vanin undir gemling sem missti lambið í burði. Gemlingurinn veiktist og dó frá þessu lambi. Við verðum með tvo heimalinga í sumar. Það verður gaman fyrir alla krakkana sem verða hérna í sumar emoticon  


Þessi mynd er tekin 1. júní. Tvö barna rúm inni hjá okkur. Einar Breki er í ferða rúminu og Huginn í rimla rúminu. Það var ekki erfitt að hafa þá saman


Siggi Tumi kom 6. júní í sumardvöl, og verður í 9 daga. Hér er hann að gefa brauð. Hann er pínu smeikur við hrútana, en er kominn á öruggan stað


Birgir kom í dag, í sumardvöl, og verður í 14 daga. Hann byrjaði á því að slá garðinn og ætlar líka að raka grasið. Það er munur að fá svona vinnumann emoticon


Hér er þrílembingur undan Sælu. Hann vill fá klapp. Hann er ennþá gæfur síðan í vor.


Þessi gullmoli er búin að vera hjá ömmu og afa í nokkra daga. Hún er að fara á morgun. Ég er strax farin að sakna hennar. Hún er svo ótrúleg hún Ísabella. Hún getur leikið við alla krakka, alveg sama á hvaða aldri þau eru. 
Hún náði að knúsa Tanju sína í dag.


Við erum að unga út hænueggjum, í annað sinn. Ungarnir eru orðnir mánaðar gamlir úr fyrri útungunni og svo eru þeir að tínast úr eggjunum núna, úr seinni útungunni. Hér er einn að kíkja út. Þórður setti 24 egg í vélina og það klekjast út 23 egg.


Hér eru 19 stykki. Fjórir eftir að klekjast út.


Hér er Ísabella að fara með tvo unga í kassann


Þetta listaverk er eftir Siggu Þórðar tengda móður mína. Hún skar þessa hillu út og gaf Ogga syni sínum, í sextugs afmælisgjöf. Hún er náttúrulega bara snillingur, orðin 83 ára gömul.


Molinn kveður.





06.06.2014 22:16

Yndislegt líf

Loksins náði ég að góma ugluna á mynd, sem ég er nokkuð sátt við.

Hún er búin að vera í nokkra daga og rústar öllu fuglalífi hér.


Huginn er kominn með gleraugu og sér veröldina í nýju ljósi. Hann er mjög duglegur að vera með mér úti. Við förum nokkra göngutúra á dag til að gæta að fénu. 


Hér er Ponsa með kónginn og drottninguna. Þau eru orðin tveggja mánaða. Mér sýnist að þau komist varla orðið undir hana til að fá sér sopa. Þau verða orðin mjög stór í haust, þegar þau koma af fjalli.


Kóngurinn. Orðinn svo stór. Hann er með afskaplega ljót horn greyið. Enda blanda af kollóttu og hyrndu.


Fjórir guttar þessa helgi emoticon 
Siggi Tumi kominn til að vera í sumardvöl í eina til tvær vikur.
Aron og Bjössi sem verða bara helgina, og svo fallega krúttið mitt hann Huginn, sem er sofandi í vagninum. Það gengur alveg super vel með þessa gaura.  emoticon

Nokkrar myndir fóru í albúmið.


Molinn kveður



05.06.2014 09:16

Brátt hefst sláttur

Þórður tók skemmtilega mynd (á nýja símann sinn) í gærmorgun. Skemmtiferðaskipið í þokunni



Hér eru þeir Einar Breki og Huginn. Það gengur vel með Huginn. Einar Breki er farinn suður. Mikill söknuður hjá mér. Hlakka til þegar þetta gull kemur aftur til ömmu og afa.


Þetta er ugla sem er búin að vera á sveimi hér í tvo daga. Ég er svo búin að reyna að ná góðri mynd af henni, en ekki tekist enn. 


Gaman að sjá hvað lömbunum fer fram. Hér eru lömb undan Fönn. Kóngurinn og drottningin eru orðin svo rosalega stór. Enda fædd 4. apríl.


Týri í grasinu. Það er komið svo mikið gras á túnið að við hefjum heyskap innan nokkurra daga.


Hænuungarnir stækka hratt. Mér sýnist að það verði 6 hanar og 2 hænur úr þessari útungun. Það eru 24 hænuegg í útungunarvélinni núna,  sem eiga að klekjast út eftir nokkra daga.

Nokkrar myndir rötuðu í albúmemoticon



Molinn kveður


03.06.2014 15:00

Úff loksins blogg

Jæja loksins skrifa ég eitthvað hér inn. Ég er semsagt á lífi. Ég hef bara ekki haft tíma til að setjast niður og láta fréttir hér inn. Það er búið að vera MJÖG MIKIÐ að gera þetta vorið emoticon  

Þetta er líklega fyrsti sauðburður sem endar ekki. Það er einn gemlingur eftir. Það var komið þónokkuð undir hana en er algjörlega horfið núna. Ég hélt á tímabili að hún ætlaði að losa sig við það, en hún hætti við það líka. 


Þetta eru fyrstu lömbin sem fæddust í vor. Drottningin til vinstri, kóngurinn fyrir miðju og svo er þrílembingur sem fær mjólk úr pela. Hún kemur heim að fjárhúsum tvisvar til þrisvar á dag til að fá mjólkina sína, og skokkar svo aftur upp í fjallshólf.

Sauðburður gekk vel. Það voru talin 269 fóstur og það fæddust 269 lömb/fóstur. Það kom ein einlembd sem átti að vera tvílembd, það kom ein fjórlembd sem átti að vera þrílembd, ein kom með þrjú, sem átti að vera með tvö og svo bar einn gemlingur ekki sem átti að vera með eitt.

Á lífi eru 253 lömb. 
Tvö dóu sem voru komin á ról, annað veiktist og hitt dó vegna þess að móðirin steig ofaná það og laskaði. 
Þrjú dóu í fæðingu.
Þrjú fæddust dauð.
Átta voru fóstur.

Á lífi eru 122 gimbrar og 131 hrútar
Þau sem ekki lifðu voru, 10 hrútar, 3 gimbrar og 3 ekki vitað.



Radix 10-574 er farinn á sæðingastöð. Nú geta allir fengið lömb undan honum. Þetta er frábær og góður hrútur. Hann hefur gefið okkur væn og falleg lömb. Til eru all margar ær undan honum, bæði hjá okkur og öðrum og hafa þær reynst frjósamar og mjólkurlagnar.
Hann er með eftirfarandi einkunnir:
Fita: 110  
Gerð: 102  
Kjötgæði: 106  
Mjólkurlagni: 115 
Frjósemi: 111   
Heildareinkunn 111
Radix var keyptur lamb, 2010, frá Hjarðarfelli á Snæfellsnesi



Hér eru öll ömmubörnin mín. Það var verið að ferma Kristófer Daða og þau mættu öll norður emoticon
Jökull Logi, Einar Breki, Árdís Marín, Ísabella María, Dagur Árni og Kristófer Daði. Ég er rík emoticon


Allir á leið í kindaleiðangur. Við fengum okkur göngutúr upp í fjallshólf til að kíkja á féð.


Hér eru þau öll með Siggu langömmu. Svo flottur hópur.


Þetta er hann Huginn. Hann er einsárs síðan í mars. Hann ætlar að búa hjá okkur í þrjá mánuði. Hann er yndislegur og góður þessi fallegi strákur. Hann er fatlaður og þarf að fara í sjúkraþjálfun þrisvar í viku. Ég verð i fríi frá Búgarði þangað til 1. september. Ég veit að þetta á eftir að ganga vel hjá okkur emoticon


Mér finnst þessi mynd mjög flott. Hér eru þær Snoppa og Sæla að klóra sér, mjög samtaka.


Hér er Brák með lömbin sín þrjú af fjórum. Hún er búin að eignast 14 lömb á 4 árum. Þegar hún var gemlingur þá var hún þrílembd og öll komu lifandi af fjalli. Tveggjavetra var hún fjórlembd og öll lifðu og komu lifandi af fjalli. Þriggjavetra þrílembd og öll lifðu og skiluðu sér öll af fjalli. Núna í vor var hún með fjögur og eitt kom dautt. Við sáum svona ca. 5 dögum áður en hún bar, að hún rann til og datt greyið. Þá hefur lambið líklegast drepist í henni. 

Ég setti inn nokkrar myndir um daginn.



Molinn kveður.


  • 1


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

8 ár

6 daga

Haukur Nói, kom í heiminn

atburður liðinn í

5 ár

2 mánuði

8 daga

Tenglar

Eldra efni