Þetta er síðan hennar Birgittu Lúðvíks.


Flettingar í dag: 191
Gestir í dag: 4
Flettingar í gær: 2149
Gestir í gær: 23
Samtals flettingar: 865102
Samtals gestir: 46734
Tölur uppfærðar: 19.3.2024 04:37:02

Færslur: 2009 Júní

18.06.2009 23:06

Aftur Tabbý

Hæ !!

Jæja 17. júní var í gær. Við fórum ekkert í bæinn, en við fórum í heimsókn í sveitina, og tókum rúnt til að athuga hvort við sæjum Tabbý, og viti menn við sáum hana og tvær til viðbótar, þær Lambhúshettu og Rauðhettu. Þær komu allar og borðuðu pylsubrauð. Ég tók nokkrar myndir og setti inn. Við fórum svo í Lyngbrekku, og Þórður setti glerið í gluggann á stafninum. Við tókum aðeins til. Ekki veitti af, því þegar Þórður sagaði stærra gat fyrir gluggann, þá fauk sag og rusl út um allt hús.

Ég er búin að vera að vinna í tölvunni í allan dag. Ég var að gera nafnspjöld, með myndum af kindunum með lömbin sín. Ég er búin að prenta þau út og setja á vegg í eldhúsinu, þannig að nú get ég alltaf séð þær og lömbin. Æðislegt.

Molinn kveður.

16.06.2009 11:43

Afmæli í dag

Hæ !!!

Já það er afmæli í dag hér í Sólvöllum 7. Hann Þórhallur er 17 ára. Kaffi í dag.

Ég skrapp í Lyngbrekku áðan. Sá þá 6 pylsubrauð, síðan um helgina og ákvað að taka þau og kíkinn og keyra til að athuga hvort ég sæi nokkuð af kindunum okkar, og þá sérstaklega hana Tabbý. Og viti menn, það fyrsta sem ég sá, og þurfti meirisegja ekki að nota kíkinn, var hún Tabbý með lömbin sín og líka hún Lambhúshetta með lambið sitt. Ég þurfti nú bara að kalla einu sinni TABBÝ og þá rauk hún af stað til mín. Hún borðaði öll 6 pylsubrauðin og vildi meira. Lambhúshetta kom ekki, alveg sama hvað ég reyndi að láta skrjáfa í pokanum. Ég tók nokkrar myndir á símann minn, því ég var EKKI  með myndavélina með mér. Verð að fara að taka hana með hvert sem ferðinni er heitið. En ég setti inn nokkrar myndir hér í albúmið. Ég ÆTLA  að skreppa aftur seinna og þá með mikið brauð og myndavélina með.

Molinn kveður.

14.06.2009 21:13

Málverk ???

Hæ, hæ.

Jæja helgin liðin og Þórður fór ekkert í vinnuna þessa helgi. Það eru aldeilis fréttir.

Við erum búin að vera í Lyngbrekku alla helgina. Júlli var hjá okkur og hafði hann gaman af því að vera þar. Þórður smíðaði og setti á húsið stærri glugga, svo við getum haft útgönguleið. Brunaútgang. Ég málaði þakið á húsinu, og nú er bara ein hlið sem ég á eftir að mála.

Við fórum í afmæli til Fanneyjar Friðriks. í gær.

Nú þarf ég að baka á morgun, því prinsinn minn hann Þórhallur á afmæli á þriðjudaginn. Ég þarf að eiga eitthvað með kaffinu 16. júní.

Já og í morgun fórum við og sóttum hana Ösku, litlu kisuna hennar Guðrúnar Helgu. Við fórum með hana út á flugvöll. Hún fór með flugi suður til eigandans.

Molinn kveður. 

11.06.2009 21:47

Fríið að verða búið

Halló !!!!

Jæja það er farið að ganga á fyrra fríið hjá mér. Á bara eftir næstu viku. En það sem búið er af fríinu er búið að vera dásamlegt. Ég er í Lyngbrekku alla daga  og það er alveg toppurinn á tilverunni. Ég á nú ekki eftir að mála mikið. Bara ein hlið og þakið eftir. Ég beið eftir málningar veðrinu í dag, en það kom ekki, gat ekkert málað. En ég sauð saltað hrossakjöt og gerði stöppu, tók nokkrar sudako og lagði kapal. Var semsagt í algjörri afslöppun í dag. Kanínan heimsækir mig reglulega. Hún kemur á hverjum degi, og ég gef henni brauð. Potturinn er líka notaður, mamma og pabbi fóru í hann með mér í gær. Svo kom Guðrún í heimsókn með hundinn sinn hana Fjólu, og Áslaug og Ríkey komu með köttinn sinn hann Edda. Svo kemur Þórður seinnipartana. Hann er að smella í frí núna um helgina held ég, og þá verðum við bæði næstu viku í Lyngbrekku.

Molinn kveður.

02.06.2009 21:33

Mála, mála

Hæ !

Jæja ég er búin að vera í Lyngbrekku í allan dag og mála. Ég er búin með þakið, og búin með eina umferð á skúrinn. Klára hann líklegast á morgun. Þórður kom og borðaði með mér í hádeginu, og svo kom hann um kl. 18. Við vorum svo komin heim um kl. 21. Mjög gott veður í dag.

Molinn kveður.

01.06.2009 21:01

Klaufinn ég

Hæ, hæ!!

Jæja nú er ég búin að vera í Lyngbrekku um helgina. Þórður hefur komið þegar hann er búinn að vinna. Alltaf vinna hjá honum. Við gróðursettum 51 plöntu, þrifum pottinn, settum glæran vísi á skúrinn, og byrjuð að mála. Þegar ég var að byrja að mála ljósa litinn á skúrinn, þá sá ég hvers konar klaufi ég hef verið. Haldið þið ekki að ég hafi keypt málningu fyrir stein í staðin fyrir timbur. AÐEINS 10 lítra. Er einhver að mála beinhvítt á stein ????  Verð að kaupa aðra 10 lítra á morgun og það fyrir timbur. Verð að mála á morgun ef veður leyfir. Við fórum í pottinn áðan og það var tær snilld.
Við skruppum í afmæli til Róberts Smára. Hann er tveggja ára í dag.


Molinn kveður.
  • 1


clockhere

Nafn:

Birgitta Lúðvíksdóttir

Farsími:

820-7756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgársveit

Um:

Áhugamanneskja um sauðfjárrækt. Er með kindur á Möðruvöllum í Hörgársveit

Einar Breki, kom í heiminn

atburður liðinn í

12 ár

6 mánuði

5 daga

Haukur Nói, kom í heiminn

atburður liðinn í

9 ár

8 mánuði

7 daga

Birgitta Ósk, kom í heiminn

atburður liðinn í

2 ár

2 mánuði

5 daga

Tenglar