Þetta er síðan hennar Birgittu Lúðvíks.


Flettingar í dag: 214
Gestir í dag: 77
Flettingar í gær: 299
Gestir í gær: 99
Samtals flettingar: 1674910
Samtals gestir: 194990
Tölur uppfærðar: 12.11.2019 14:21:33

Færslur: 2009 Nóvember

29.11.2009 11:50

Fyrsti í aðventu

Jæja nú er fyrsti í aðventu. Við Þórður skreyttum í Lyngbrekku um síðustu helgi. Við settum ljós hringinn á bæði húsin, flaggstöngina og svo settum við jólatréð í brekkuna. Í gær þá gerðum við enn meira. Við settum seríu allan hringinn á pallinn, og yfir hliðið og alveg á sturtuvegginn og grindverkið hjá pottinum. Það er semsagt komið allann hringinn.
Það var nú ekki fögur sjón að sjá þegar ég opnaði vaskaskápinn okkar. Við erum komin með gesti þar. Búið að tæta niður svampa sem voru þar og músaskítur mikill. Við verðum að passa að þessi skápur sé lokaður, því þá komast þær ekki inn í húsið. Við gerum nú eitthvað í þessu strax í dag. En þegar við vorum búin að skreyta, þá borðuðum við alveg dýrindis máltíð. Kjöt í raspi. Þegar við sátum þarna við borðið, þá kom einn gestur á gluggann. Það var ein stór mús sem sat á gluggasyllunni og horfði á okkur. Ég held að hún hafi verið að vonast eftir matarboði. Það er semsagt mikill músagangur í Lyngbrekku. Við verðum að splæsa í eina músafælu og hafa í gangi inni í húsi.

Molinn kveður.

25.11.2009 21:45

:-(

Ég er 47 ára og hef aldrei á minni æfi fengið frunsu. En hvað haldið þið, ég fékk frunsu fyrir ca. mánuði síðan, og í morgun kom sú þriðja. Þetta ætlar engan endi að taka, og líkist helst unglingi sem er á sínu þriðja fylleríi. Gaman, gaman, erfitt að hætta.
Jæja nú styttist í fríið mitt bara rétt rúmar tvær vikur eftir.
Það var afmælisveisla á mánudaginn. Þórður átti afmæli. Það komu nú ekki margir í kaffi. Mikið að gera hjá fólki svona rétt fyrir jól.

Molinn kveður.

22.11.2009 20:09

Jóla, jóla

Jæja nú er þessi helgi á enda komin.

Við fórum í Lyngbrekku og settum  upp jólaseríurnar. Við ætluðum að bíða með það að kveikja á þeim þangað til á aðventunni, en svo þegar við vorum búin að setja þær upp, þá var svo freistandi að kveikja. Þannig að nú er sést jólatréð og flaggstöngin frá veginum. Og svo eru ljós hringinn á húsinu og líka á skúrnum.
Siggi og Júlli voru hjá okkur um helgina. Ég var að vinna á laugardaginn, og Þórður sá um strákana. Ég á svo bara eftir að vinna einn laugardag í ventlunum.
Ég er svo að fara í jólafrí frá 11. des. og þangað til 28. des. Algjör sæla sem það verður. Ég á semsagt bara eftir að vinna í 3 vikur og er svo komin í JÓLAFRÍ. He, he.
Ég þarf svo að fara að setja inn myndir af kindunum.

Molinn kveður.

09.11.2009 20:24

Vinna, vinna

Nú er mánudagur senn á enda. Ekkert var fríið um helgina. Ég var að vinna bæði laugardag og sunnudag, og var með báða strákana. Þórður sá um þá meðan ég var að vinna, og fór létt með það. Ég þarf að vinna næstu 3 laugardaga. Ég er að vinna við það að smyrja og  skipta út pakningum á ventlum, og það er mjög gaman, smá tilbreyting í vinnu.
Guðrún Helga kom norður í morgun, og hún stoppar hér þangað til annað kvöld.

Molinn kveður.

05.11.2009 21:28

KINDUR

Jæja nú er búið að setja kindurnar á hús. Þær voru settar inn á sunnudaginn. Það er líka búið að rýja þær allar. Ég á eftir að setja inn myndir af þeim. Ég þarf að búa til nafnskírteini fyrir þær. Allt í vinnslu. Ég er búin að taka myndir af öllum gimbrunum, ég á bara eftir að endurnýja myndirnar af þeim fullorðnu.

Molinn kveður.
  • 1


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

8 ár

1 mánuð

28 daga

Haukur Nói, kom í heiminn

atburður liðinn í

5 ár

4 mánuði

Tenglar

Eldra efni