Þetta er síðan hennar Birgittu Lúðvíks.


Flettingar í dag: 116
Gestir í dag: 4
Flettingar í gær: 2149
Gestir í gær: 23
Samtals flettingar: 865027
Samtals gestir: 46734
Tölur uppfærðar: 19.3.2024 03:26:13

Færslur: 2011 Janúar

30.01.2011 21:52

Tíminn líður hratt

Hæ, hæ !
Enn ein helgin á enda komin. Hvar endar þetta?  Ég held að það séu bara tveir dagar í viku, mánudagar og föstudagar. En það er nú allt í lagi, því þá þarf ég bara ekki að bíða eins lengi eftir sauðburðinum. Núna eru bara  2 mánuðir og 24 dagar eftir, þangað til hann byrjar.
Júlli og Siggi voru hjá okkur þessa helgi. Þeir voru góðir eins og alltaf.
Ég er búin að vera með hausverk alla vikuna, og í dag var versti dagurinn, ég var frekar slöpp.  Vona að þetta fari að lagast.
Í vinnunni er ég í afslöppun, eða þannig, ég sit á stól, mest allan daginn og raða bökkum á færiband. Ég er að vonast til að ég verði eitthvað betri í hnénu ef ég er eitthvað rólegri, og er ekki að ganga mikið.
Nýja myndavélin er góð, já frekar góð, og gaman að taka myndir á hana. Ég setti nokkrar myndir frá helginni hér inn.
Við hornskelltum gimbrarnar í gær. Tókum bara lítið af þeim.

Molinn kveður.

22.01.2011 19:24

Bros :-) bros :-)

Hæ, hæ.
Jæja nú er ég komin í helgarfrí. Ég var mætt í vinnu kl. 6 í morgun. Við vorum að pakka hleðslu, 17-18 þúsund dósum. Það gekk vel hjá okkur, vorum búin kl. 12:30.
Við erum búin að fá nýjan strák í stuðning. Hann heitir Ómar Snær, og er níu ára. Hann verður hjá okkur eina helgi í mánuði, og er einmitt núna, þessa helgi. Það er búið að ganga mjög vel með hann. Þórður var með hann í morgun, meðan ég var í vinnunni, og það gekk vel hjá þeim.
Það var bóndadagur í gær eins og allir vita. Þá er yfirleitt bóndanum gefnar einhverjar gjafir. Það klikkaði hjá mér. Þórður greyið fékk enga gjöf frá mér, en ég fékk gjöf frá HONUM. Það var ekkert SMÁ GJÖF. Myndavél. Canon EOS 550D. Ég held að maðurinn sé orðinn eitthvað klikk, en ég er rosalega ánægð með hann. emoticon  Ég er að reyna að læra á hana. Ég setti inn nokkrar myndir, sem ég tók á, að vísu bæði nýju og gömlu vélina.
Takið eftir niðurteljaranum. BARA 3 mánuðir í sauðburð, á morgun emoticon

Molinn kveður.

20.01.2011 20:28

:-) :-) :-)

Hæ, hæ !
Jæja nú er ég búin að horfa á handboltaleik, og það tvo meirisegja. Ég held að það sé í fyrsta skiptið sem ég horfi á heilan leik. En ég verð að segja að þessir tveir leikir sem ég horfði á voru spennandi, og það mjög spennandi. HM. Ég verð líklegast að horfa á þessa leiki sem eftir eru hjá íslendingum á HM. :-)
Mamma mín, hún Ólína Gyða Hafsteinsdóttir, á afmæli í dag. Hún er 70 ára. Ég knúsa hana þegar hún kemur heim. Hún fór í borg óttans. Elsku mamma, mín til hamingju. Ég vona að þið hafið það gott þarna fyrir sunnan.








Molinn kveður.

16.01.2011 19:50

Góð helgi að baki

Halló hér !
Jæja nú er helgin alveg að verða búin. Guðrún Helga kom til okkar, á miðvikudagskvöld, og fór aftur í dag. Það var mjög gaman að fá hana í heimsókn. emoticon
Við erum búin að dunda okkur  í sveitinni um helgina. Við vorum að snyrta klaufir á öllum gimbrunum, og hrútunum, en eigum eftir að klippa klaufirnar á fullorðna fénu. Við ætlum að gera það, um næstu helgi. Þórður ákvað að gæla aðeins við Spaða, og gaf honum vatnsnudd. Hann þvoði hornin og andlitið á honum. Ha, ha.
Það er alveg hreint geggjað að fara þangað og dunda sér eitthvað, tíminn er alltof fljótur að líða þegar maður er þar. Ég bakaði vöfflur í mjólkurhúsinu, í gær. Kaffi, kakó, vöfflur og rjómi og fl. alveg hreint frábært.
Siggi og Júlli voru hjá okkur um helgina. Þeim finnst líka gaman að vera í sveitinni.
Við ætlum að láta telja í kindunum, í febrúar. Það verður gaman að fá að vita um frjósemina hjá þeim.
Það er sauðburður eftir 3 mán. og 7 daga. Ég bíð mjög spennt emoticon

Molinn kveður.

03.01.2011 19:28

2011

Gleðilegt ár, allir mínir vinir !
Við erum nú búin að hafa það gott þessa fáu frídaga.
Við fórum í jólaboð, á annan í jólum, til Hafsteins og Fanneyjar. Það var gott boð.
Við vorum svo að vinna milli jóla og nýjárs. Guðrún Helga fór suður, á mánudaginn þriðja í jólum.
Júlli var hjá okkur um áramótin. Við borðuðum léttreiktan lambahrygg hér á Gamlaársdag, fórum  á brennuna, horfðum á áramótaskaupið, sem var mjög gott, og fórum svo uppeftir til Simma og horfðum á flugeldana. Mjög skemmtilegur og góður dagur. Júlla fannst þetta mjög skemmtilegt.
Við erum búin að vera í sveitinni þessa frídaga. Þórður og Helga smíðuðu varpkassa hjá hænunum, 31. des. Þannig að nú geta hænurnar farið að verpa. Þá er allri smíði á Djúpárbakka lokið, og allt orðið MJÖG flott.
Það voru þrjár kindur sem gengu upp. Þannig að þær verða aðeins seinni en hinar. Sauðburður er þá, miðað við 143 daga
26. apríl, 1
27. apríl, 1
01. maí, 2
02. maí, 6
03. maí, 14
04. maí, 7
05. maí, 5
07. maí, 1
19. maí, 1
21. maí, 2

Molinn kveður.
  • 1


clockhere

Nafn:

Birgitta Lúðvíksdóttir

Farsími:

820-7756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgársveit

Um:

Áhugamanneskja um sauðfjárrækt. Er með kindur á Möðruvöllum í Hörgársveit

Einar Breki, kom í heiminn

atburður liðinn í

12 ár

6 mánuði

5 daga

Haukur Nói, kom í heiminn

atburður liðinn í

9 ár

8 mánuði

7 daga

Birgitta Ósk, kom í heiminn

atburður liðinn í

2 ár

2 mánuði

5 daga

Tenglar