Þetta er síðan hennar Birgittu Lúðvíks.


Flettingar í dag: 284
Gestir í dag: 59
Flettingar í gær: 587
Gestir í gær: 96
Samtals flettingar: 1704996
Samtals gestir: 197587
Tölur uppfærðar: 6.12.2019 05:53:31

Færslur: 2012 Mars

30.03.2012 23:27

Allt á réttri leið :-)

Enn fer heilsufarið batnandi. Ég er ágætlega hress. Ég fór suður, í skoðun, á miðvikudaginn. Ég er að gera allt rétt. Fékk mjög góða skoðun. Byrja í sjúkraþjálfun strax eftir páska, eða 10. apríl. Ég er orðin mjög sjálfbjarga. Get klætt mig sjálf í föt, sett fatlann á mig, og bara held ég allt sem ég þarf að gera, get ég. Það er samt skrítið að geta ekki gert alla þessa venjulegu hluti, sem manni finnst svo sjálfsagt að geta. Ég er búin að vera að vinna alla vikuna mínus miðvikudaginn. Það gengur bara vel. Er smá saman að komast inn í þetta.
Guðrún og Einar Breki fóru suður með mér. Það verður alltaf svo tómlegt hér þegar þau fara. En það styttist nú í að þau komi aftur, því sauðburður byrjar eftir 26 daga. Ég veit ekki hvað ég get gert mikið þá, en sjúkraþjálfinn segir mér hvað ég má gera. 
Við Þórður erum að fara á morgun í dagsferð með félagsmönnum Neista. Við förum í Reykjahverfi og Öxarfjörð og fl. Þetta verður áreiðanlega skemmtileg ferð.
Við fórum líka á aðalfund Neista sem var á mánudaginn. Það mættu margir félagsmenn. Mjög góður fundur.
Ég þarf svo að fara að setja inn myndir. Geri það kanski um helgina.


Molinn kveður.


 


 

24.03.2012 08:21

Yndislegt líf

Þá er nú kominn laugardagur, og þrír dagar frá aðgerðinni. Heilsufarið er bara mjög gott hjá mér. Ég fór í vinnuna á fimmtudagsmorgunn, en gafst upp um kl. 11, því það komu svo miklir verkir, sem ég losnaði ekki við fyrr en ég fór að sofa um kvöldið. Dagurinn í gær var miklu betri. Ég fór í vinnuna kl. 13, og var til kl. 16. Það gekk bara mjög vel. Nú er ég nánast verkjalaus og hef ekki tekið verkjalyf í morgun. Ég ætla að sjá til hvort ég þarf þess nokkuð. Það gekk vel að sofa í stólnum. Svo vel, að ég er búin að sofa allar þrjár næturnar í honum. Svo er stefnan tekin í sveitina í dag. Mikið hlakka ég til að komast þangað.
Guðrún Helga og Einar Breki eru hér. Þau komu á fimmtudagsmorgunn. Þau ætla að vera hér þangað til á miðvikudag, en þá fer ég suður líka. Ég þarf að fara í eftirlit, eða eftirskoðun. Athuga á hvort þetta sé á réttri leið að gróa.
Ég segi nú bara VÁ, ef þetta er fyrsti verkjalausi dagurinn síðan 2. janúar. Það er náttúrulega bara TÆR SNILLD. Bjartsýni og yndislegir dagar frammundan.


Molinn kveður.



21.03.2012 20:58

Komin heim

Jæja, þá er þetta nú allt búið. Ég fór í aðgerðina í morgun. Ég sofnaði kl. 7:45, og vaknaði úr aðgerðinni kl. 10. Aðgerðin tók eitthvað um einn og hálfan, til tvo tíma. Það var hægt að gera við allt, þannig að ég þarf ekki að fara aftur í aðgerð, nema ef það þarf að taka skrúfurnar úr sem settar voru í til að halda vöðvanum á sínum stað á meðan hann grær. Það semsagt gekk vel að sauma vöðvana saman. Ég gleymdi að spyrja hvað ég væri með stóran skurð, en það var ekki hægt að gera þetta í gegnum göt, því þetta var svo mikil aðgerð. Guðrún Helga og Einar Breki komu og sóttu mig kl.12. Ég var svo heima hjá þeim þangað til ég fór í flug heim. Ég var komin heim kl.18:30. Heilsan er bara ágæt. Ég fæ mér verkjalyf og verð að taka þau reglulega. Svo þarf ég að sofa sitjandi í stól, í nótt. Gaman að sjá hvernig það gengur. En jæja ætli það sé ekki best að fara að sofa.


Molinn kveður.


19.03.2012 19:55

Ný vinna

Nú er ég komin í ársleyfi hjá MS Akureyri. Síðasti dagurinn þar, var á fimmtudaginn.  Ég er byrjuð í nýju vinnunni. Ég byrjaði þar á föstudaginn.  Ég held að hún lofi góðu. Það er allavegana búið að ganga vel, og vera gaman þessa tvo daga sem ég er búin að vinna. Þetta er frekar rólegra starf, en hitt sem ég var í. Ég ætla svo bara að vinna fram að hádegi á morgun, því ég er að fara suður í aðgerð. Ég á að mæta í aðgerðina kl. 7:40 á miðvikudagsmorgunn í Orkuhúsið. Ég fer svo heim aftur aðgerðardaginn, og fer vonandi að vinna á fimmtudaginn. En það verður að vísu að fara eftir því hvernig ég verð. Ég ætla að vona að það verði gert við allt í þessari aðgerð og ég þurfi ekki að koma aftur, en doksi sagði að hann vildi ekki leggja á mig allt það sem þyrfti að gera í einni aðgerð. Krossa bara putta og vona að þetta takist allt, og það í einni aðgerð.
Ég skrifa svo um það, á miðvikudaginn, hvernig gekk hjá mér :-)  Já og svo þarf ég að sofa í stól fyrstu nóttina. Ekki veit ég hvernig það gengur hahaha.


Molinn kveður.



14.03.2012 20:29

AÐGERÐ

Jæja þá er ég búin hjá doksa. Næst á dagskrá er aðgerð næsta miðvikudag. Öxlin er 60% í rusli, eða við skulum kalla það í ólagi. Einn vöðvi alveg slitinn, annar nánast slitinn og sá þriðji trostnaður. Svo er eitthvað meira að, klemdur vöðvi undir herðablaðinu, liðpokinn, axlarkúlan og fl. Ekki gott það. Eftir aðgerðina, þá þarf öxlin að vera í bómull, eða allt að því. Má ekkert hreyfa hendina í 5 vikur. En sauðburður ??? Já það sleppur held ég. En alveg er það á niplinum með það :-( En heilsan, já hún verður að ganga fyrir. Ég þarf svo að vera þolinmóð eftir aðgerðina, að vera bara alveg einhent. Ég hef þó aðeins getað notað hana svona, en að vísu mismikið.  Ég er svo ánægð að það eigi loksins  að gera eitthvað í þessu. Nú verð ég að læra að skrifa með vinstri hendinni. Ég var orðin nokkuð klár í því, þegar ég var í skóla. Ég var alltaf að æfa mig. Ég krossa bara puttana og vona að þeir geti lagað mig :-)   
Ég setti inn eitt myndband af litla gullinu mínu.


Molinn kveður.



14.03.2012 10:22

Gullið 6 mánaða

Ég náði því að fara í sauðfjárræktarskólann í gær. Það er mjög gaman að vera í þessum skóla. Vonandi situr eitthvað eftir í hausnum á manni eftir þetta.
Nú er ég komin suður. Ég fór með síðustu vél í gærkvöld. Það var alveg æðislegt að vakna hér í morgun, þar sem litla gullið tók á móti mér, brosandi í gegnum hor og slef. Hann er veikur litla greyið. Mikið kvefaður. Vonandi fer honum að batna. Hann er 6 mánaða, eða hálfsárs í dag þessi elska. Til hamingju með það elsku Einar Breki.

Einar Breki 6 mánaða.

Ég á að mæta í Orkuhúsið, í myndatöku, kl. 14:20, og svo á ég að fara til doksa eftir það. Ég er bæði spennt og kvíðin, því ég er svo hrædd um að það verði svo ekkert gert og ég látin vera svona áfram, eins og ég er búin að fá að gera, síðan 2. janúar.
Jæja ég ætla að njóta þessarar stuttu stundar með ömmugullinu mínu.


Molinn kveður.



12.03.2012 20:48

Fyrri sprautan

Við sprautuðum gemlingana í dag gegn lambablóðsótt. Svo svona þremur vikum fyrir burð þarf að sprauta þá aftur, og þá líka þær fullorðnu. Svo fá þær líka allar selen sprautu með seinni sprautunni.
Guðrún og Einar Breki komu ekki hingað í dag. Litli stubburinn er orðinn veikur.
Ég fer hinsvegar suður á morgun til þeirra. Það var verið að kalla mig til læknis í Orkuhúsinu, á miðvikudaginn, út af öxlinni. Já nú er boltinn farinn að rúlla hjá mér. ÞAÐ Á LOKSINS AÐ FARA AÐ GERA EITTHVAÐ. Miklu fargi er af mér létt. Ég á að fara í myndatöku og skoðun. Það er allavegana byrjunin. Svo veit ég ekkert hvað verður. Ég er ekki búin að ákveða hvenær ég kem norður aftur, en líklegast verður það á fimmtudaginn. Að vísu fer það allt eftir því hvort það verður gert eitthvað meira.
Fjórði tíminn í sauðfjárræktarskólanum er á miðvikudaginn, þá verð ég fyrir sunnan, en ég fæ að fara á morgun í Ýdali, svo ég missi ekki af neinu. Það verður farið í :

a)        Fóðurkostnaður, fóðuröflun og fóðurgæði, greining á kostnaðarþáttum.
 

b)        Undirbúningur vorsins, áburðardreifing, sáningar í tún og grænfóður.    Skipulagning vor og      haustbeitar.
 

c)        Fyrirhyggja sauðburðar, Flokkun áa, bólusetning og lyfjagjöf. Vinnuskipulag á sauðburði.

Það verður gaman að fara þarna austur. Ég þarf að vera mætt þar kl. 13 og
vera svo mætt í flug kl. 19:25. Þetta sleppur vel. 



Molinn kveður.



11.03.2012 11:02

Rúningur

Jæja nú eru ömmubörnin farin. Þau fóru á fimmtudagsmorgunn. Strákarnir fóru í flugi, í fylgd með samstarfsmönnum Þórðar, og það gekk allt vel. Það var gaman að hafa þau hérna. Mikið fjör og gaman hjá þeim. Þau hafa svo lítið verið saman, því þeir bræður búa í Reykjavík, og Ísabella nýlega flutt til Íslands, eða í sumar. Þau fá að hittast aftur í vor, í sauðburðinum. Það verður mikið fjör þá.
Siggi og Júlli komu á föstudaginn, og eru hér um helgina.
Við létum klippa féð á föstudaginn. Það er munur að sjá þær núna. Snoðið fer þeim svo illa finnst mér, að vísu ekki öllum.
Nú er bara að bíða í einn og hálfan mánuð, eftir sauðburði og sú bið verður löng. Ég er að vísu orðin vön að bíða, (eftir doksum), þannig að þetta ætti nú að vera orðinn vani.
Einar Breki er svo líklegast að koma í fyrramálið, ásamt móður sinni, að heimsækja ömmu og afa. Það verður gaman.
Það er svo gott að hafa svona fjör í kringum sig, því annars væri ég löngu komin inn á hæli, að hanga svona ein heima.
Ég setti inn nokkrar myndir. Á samt eftir að taka betri myndir af kindunum, eftir rúninginn.

Litlu fjörkálfarnir mínir. Sakna þeirra.



Molinn kveður.



05.03.2012 09:54

Enn er stuð hér

Ísabella, Dagur og Jökull eru hér enn hjá afa og ömmu. Það gengur mjög vel. Mikill kærleikur hjá þeim. Við erum búin að fara með þau í sveitina alla dagana, og það finnst þeim gaman. Að vísu er Jökull hræddur við dýrin, en það lagast nú vonandi hjá honum.


Jökull, Ísabella og Dagur

Á föstudaginn, á að rýja kindurnar. Það verður gaman að sjá þær þegar snoðið verður farið. Þær eru eitthvað svo sjoppulegar með þetta snoð.
Kisan lenti í smá slagsmálum, og fékk ígerð í fótinn. Við þurftum að fara með hana til dýralæknis, og hún kom nakin til baka. Hún var í svo miklu hárlosi, að doksi vildi raka hana. Mér finnst það bara fara henni vel.
Ég setti nokkrar myndir inn.


Molinn kveður.




02.03.2012 22:32

Ömmubörn

Nú er ég komin heim aftur, eftir þrjár nætur í Reykjavík. Ég hafði mjög gaman af þessari ferð minni. Við Guðrún og Einar Breki fórum á flakk á miðvikudaginn líka. Við áttum góða stund með Ásu frænku okkar. Alveg hreint yndislegur tími.  Ég kom heim í gær, en ég kom ekki ein, því ég tók Jökul Loga ömmustrákinn minn með mér. Svo í dag, kom Dagur Árni ömmustrákur, einn í flugi. Ísabella ömmustelpa kom svo um kl. fjögur í dag, til að geta verið með frændum sínum. Við fórum með þau öll í sveitina, og núna eru þau sofandi á dýnu inn í herbergi. Nú er spurning hver vekur hvern í nótt. Það er búið að ganga vel með þau. Þau eru svo þæg og góð. Ég veit ekki hvað strákarnir verða lengi hér fyrir norðan. En það kemur bara í ljós. Ég setti inn nokkrar myndir af þeim.


Molinn kveður.



  • 1


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

8 ár

2 mánuði

22 daga

Haukur Nói, kom í heiminn

atburður liðinn í

5 ár

4 mánuði

25 daga

Tenglar

Eldra efni