Þetta er síðan hennar Birgittu Lúðvíks.


Flettingar í dag: 179
Gestir í dag: 4
Flettingar í gær: 2149
Gestir í gær: 23
Samtals flettingar: 865090
Samtals gestir: 46734
Tölur uppfærðar: 19.3.2024 04:11:53

Færslur: 2010 Febrúar

21.02.2010 10:29

Hið ljúfa líf

Já komið þið sæl og blessuð !!!!
Jæja nú er mín búin að hafa það gott um þessa helgi. Að vísu er helgin ekki liðin, sem betur fer.
Ég svaf nú til korter yfir tíu í gærmorgun og til korter fyrir tíu í morgun. Ég gerði nú ekki mikið í gær, og geri nú sjálfsagt ekki mikið í dag.
Ég skrapp nú samt í sveitina í gær, sat í garðanum kanski í svona 2 klukkustundir. Ég var að gefa kindunum brauð, og svo náði ég líka að gera eina gimbur gæfa. Og það er hún Gríma hans Dags Árna. Ég fer líka í sveitina í dag og reyni að gera fleiri gimbrar gæfar. Held að það ætti að takast að gera Ponsu og Skessu gæfar, en sjáum nú til.
Svo ætla ég nú að horfa á ríkissjónvarpið kl. 19:35 í kvöld. Það á að sýna heimildarþátt um íslenskt forystufé. Það eru tvær forystukindur á Rauðalæk og bara gaman af því. Haukur Haralds er búinn að gera aðra mjög gæfa og hann er að vinna í því að gera gimbrina líka gæfa. Eða sko það er nú gaman að segja frá því að þessi sem hann er búinn að gera gæfa er bara gæf við hann. Ekki aðra. Þegar að hún sér hann, þá kemur hún til hans og hann getur klappað henni og auðvitað gefið henni brauð. Hún gerir mannamun.
Þórður greyið að vinna alla helgina, og verður að vinna mikið næstu mánuði held ég.
Ég ætla hinsvegar að halda áfram að hafa það gott, og skreppa í sveitina á eftir.
Ég er búin að setja niðurteljara hér á síðuna, um það hvenær sauðburður hefst, og svo tvær myndir á hausinn á síðunni. Guðrún Helga hjálpaði mér við myndirnar. Takk, takk Guðrún mín.

Molinn kveður.

15.02.2010 20:40

Gullnáman í samlaginu er skyrgerðin

Halló hér !
Jæja, ég get sagt ykkur það. Ég vinn í gullnámu. Þið megið giska...... já það er skyrgerðin. Ég er ekki búin að taka neitt frí í þessum mánuði, eða síðan 31. janúar. Að öllum líkindum fæ ég tvo daga frí í febrúar. En ég get ekki kvartað, því ég tek 3ja vikna frí í maí, og svo 6 vikur í frí í sumar.

En svo skulum við tala um síðasta laugardag. Ég var náttúrulega í vinnunni, með útvarpið á hausnum eins og alltaf, og meðal annars að hlusta á Simma og Jóa. Þegar þeir sögðu fólki að hringja inn með nafn á manneskju sem átti að vekja. Þá tók ég símann og ætlaði að hringja inn með nafnið Hafey. En Fríða, vinkona mín var á undan mér að hringja, með nafnið Hafey. Hún á nefnilega systir sem heitir Hafey Lind. Ég var auðvitað ánægð með það og óskaði þess að hún mundi ekki svara, sem hún og gerði. Þá reyndu þeir við aðra Hafeyju, og hún svaraði heldur ekki. Ég öskraði YES YES. Þriðja Hafeyjan var auðvitað systir mín, og þeir hringdu í hana og hún svaraði.
Akkúrat þegar hún sagði halló, þá sprakk skyrdrykkjadós í róbótnum. En það var mjög gaman að heyra í henni. Reddaði alveg þessum 12 tíma vinnudegi.

En já, ég var að vinna bæði laugardag og sunnudag, og Júlli og Siggi voru hér. Þórður þessi elska sá um þá, og fór frekar létt með það eins og alltaf.

Molinn kveður.

07.02.2010 20:55

Vinna, vinna

Hæ, hæ.
Jæja helgin liðin. Ég hef nú ekki orðið vör við það að það hafi komið helgi. Ég er búin að vera að vinna bæði laugardag og í dag sunnudag. Það var nú að vísu ekki leiðinlegt, því það gekk svo vel að pakka.
Magga Jósefs. svilkona mín hefði orðið 51 árs í dag. Blessuð sé minning hennar.


Molinn kveður.

02.02.2010 19:08

Þrefaldur afmælisdagur

 Hæ!
Jæja nú er miðvikudagur á morgun. Það er nú ágætt hvað virku dagarnir líða hratt.
Nú eru þrír sem eiga afmæli í dag. María, Friðrik og Ólína Sif. Ég óska ykkur til hamingju með það. Við erum einmitt að fara í afmælisveislu Maríu og Friðriks,  hjá Fanneyju. Við mætum í afmæli, þótt þau komi ekki. Með fyrirfram þökk fyrir kaffið, krakkar mínir.
Ég setti inn myndir í gær frá helginni. Við vorum í sveitinni. Siggi og Júlli voru hjá okkur.
Ég lauma tveim bröndurum með hér.




Mamman gekk fram hjá herbergi dóttur sinnar og varð nokkuð undrandi að sjá að það var búið að búa um rúmið og taka vel til í öllu herberginu.
Hún sá að það var umslag á miðju rúminu og á því stóð: TIL MÖMMU.
Mjög áhyggjufull opnaði hún umslagið og las skjálfhent bréfið sem í því var.

Elsku mamma. Það hryggir mig nokkuð að þurfa að segja þér með bréfi þessu að ég er hlaupin að heiman. Ég geri þetta svona til að koma í veg fyrir að þið pabbi reiðist mér. Ég hef að undanförnu fundið sterkar tilfinningar til Ahmeds og hann er svo yndislegur þrátt fyrir öll götin, húðflúrin, skeggið og mótorhjólagallana sína. En það er ekki bara það mamma mín að ég ber svona sterkar tilfinningar til hans því að ég er ólétt og Ahmed segir mér að hann sé svo glaður með það.
Hann er þegar búinn að kaupa hjólhýsi fyrir okkur að búa í og hann er búinn að safna helling af eldivið til að halda á okkur hita í allan vetur. Hann er búinn að segja mér að hann langi til að eignast með mér fullt af börnum og ég er svo innilega sammála honum með það. Ahmed hefur kennt mér það að marijuana gerir engum illt í raun og veru og ætlar hann að rækta nóg af því fyrir okkur þannig að við munum eiga nóg af því afgangs til að skipta á því og kókaíni og E-töflum handa okkur báðum. En ég vona líka að vísindamenn finni fljótlega lækningu á AIDS svo að Ahmed mínum batni, hann á það svo skilið!! En ég bið þig að hafa ekki áhyggjur mamma mín því að ég er nú orðin
15 ára og kann alveg að sjá um mig sjálfa. Þar að auki er Ahmed orðinn þrítugur þannig að hann veit vel hvað hann er að gera. Einhvern daginn ætla ég svo að koma í heimsókn svo að þú getir hitt öll barnabörnin þín.

Þín dóttir Guðrún.

PS: Mamma, ekkert að ofansögðu er satt. Ég er í heimsókn hjá Siggu í næsta húsi. Mig langaði bara að láta þig vita að það er margt verra í heiminum en einkunnaspjaldið mitt sem er í efstu skrifborðskúffunni. Ég elska þig.
Láttu mig vita þegar það er óhætt fyrir mig að koma heim







Góðar og Slæmar fréttir

  Kalli svarar í símann, "halló"

  "Já halló þetta er á bráðamótökunni, konan þín lenti í hræðilegu

  bílslysi en ég hef bæði góðar og slæmar fréttir af henni. Slæmu

  fréttirnar eru þær að hún missti báðar hendurnar og báða fæturna og á

  eftir að þurfa hjálp við að gera meira og minna allt það sem hún á

  eftir ólifað."

  Kalli svarar, "guð minn almáttugur, en hverjar eru góðu fréttirnar."

  Læknirinn, "ég var bara að djóka, hún er dauð"





Molinn kveður.

  • 1


clockhere

Nafn:

Birgitta Lúðvíksdóttir

Farsími:

820-7756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgársveit

Um:

Áhugamanneskja um sauðfjárrækt. Er með kindur á Möðruvöllum í Hörgársveit

Einar Breki, kom í heiminn

atburður liðinn í

12 ár

6 mánuði

5 daga

Haukur Nói, kom í heiminn

atburður liðinn í

9 ár

8 mánuði

7 daga

Birgitta Ósk, kom í heiminn

atburður liðinn í

2 ár

2 mánuði

5 daga

Tenglar