Ég fór í Hagkaup áðan og ég keypti hylki í rjómasprautuna. Já nú keypti ég rétt, og ég keypti líka rjóma. Þannig á morgun verða vöfflur með góðum rjóma.
"Þetta er nú einhver misskilningur" hefði nú einhver sagt á sunnudagskveldi.
Nú er Júlli mættur á svæðið, og stefnan er tekin í sveitina á morgun, því nú á að setja kindurnar inn. JEI. Loksins.

Molinn kveður.

Hæ !

Jæja góður gír hér.
Ég var að koma úr afmæli hjá pabba. Hann er 69 ára í dag.
Ég skrapp í sveitina til að sjá hvað búið er að smíða í fjárhúsunum, og gaf þeim smiðum vöfflur með rjóma. Rjóminn var nú eitthvað skrítinn á bragðið. Hann virkaði eins og hann væri orðinn súr eða eitthvað þannig. Ég var með rjóma í fernu með mér og gashilki í rjómasprautuna, þannig að ég henti rjómanum sem var í sprautunni, og setti nýjan í. Oggi var búinn að smakka rjómann úr fernunni og hann var í lagi. Þegar ég setti hann í rjómasprautuna þá varð hann eins og hinn rjóminn sem ég henti. Súr og vondur. Þegar ég kom í bæinn þá fór ég í Hagkaup til að kvarta yfir gashylkunum sem ég keypti síðasta sunnudag hjá þeim. Sagði að þetta væri nú eitthvað skrítið að rjóminn yrði svo vondur þegar ég setti gasið í. Þá var mér nú sagt að þetta væri SODA, sem er notað í vatn. Ég hef nú aldrei heyrt um þetta soda. Hef semsagt keypt vitlaust í rjómasprautuna, og gat ekki fengið að skila því. Veit einhver hvað þetta soda er notað í ???? Ég bara spyr.

En jæja, ég setti inn nokkrar myndir  bland í poka. Ég nenni ekki að skrifa við þær núna, en geri það seinna.

Molinn kveður.

Jæja lömbin voru ekki tekin inn í gær :-(    Þau verða tekin inn í vikunni, vonandi. Ég kláraði að skafa grindurnar að sunnan, þá er eftir að skafa að norðan. Smíðin gekk vel, en ekki nærri því búin.
Áslaug er fimmtug í dag, og við vorum í góðri veislu hjá henni. Aftur til hamingju Áslaug mín.

Molinn kveður.

Úff !!!!
Ég var að vinna til kl. tíu í kvöld. Já það gengur alltaf svo vel að pakka skyrdrykk eða þannig.

Heyrðu ég er með hugmynd.
Getur þú ekki verið aðeins meira fyrir mér, svo ég geti alveg örugglega ekki tekið skotið.

Molinn kveður.

Hæ, hæ.

Jæja ég reyni að bæta mig í þessu.
Ég man ekki hvort ég var búin að skrifa eitthvað um vigtina á lömbunum, en hún var mjög fín. Meðalvigtin var 21,03 kg.  Af 33 lömbum. Við erum frekar montin með það.
Við fórum í tvöfalt afmælisboð í dag. Ingi Rúnar og Inga Bryndís buðu okkur í afmælisveislu. Mjög góðar veitingar.

Molinn kveður.

Halló hér !!!
Jæja langt síðan síðast. Það er búið að vera svo mikið að gera hjá okkur að ég hef nú ekki haft mikinn tíma í þessi skrif hér.
Það er búið að slátra öllu sem á að slátra. Ganga frá kjöti, svíða lappir og hausa,  þrífa það og ganga frá.
Við vorum í Lyngbrekku í dag og við parketlögðum skúrinn, röðuðum í hann, og tókum til á pallinum. Nú má veturinn koma þar.
Jæja nú verða mun fleiri kindur á Rauðalæk þennan vetur, en í fyrra. Það er verið að setja á 39 gimbrar. Það verða þá 50 fullorðnar, 39 gimbrar og 4 hrútar. Samtals verða þetta 93 stykki í húsunum. Ég verð að standa mig vel í myndatöku í vetur, og gera nafnskírteini fyrir þær, eins og ég gerði í fyrra.
Jæja nóg í bili. Reyni að standa mig betur í þessu.

Molinn kveður.

Halló, halló !!!
Jæja nú er ég búin að setja inn myndir af hrútasýningunni og líka ferðinni okkar á Strandirnar.
Við rekum inn á laugardaginn, og þá verður valið í líf og slátur. Á sunnudaginn verður svo slátrað. Já og ætli ég fari ekki með lappirnar í vambir til þess að losna við vörtur.

Molinn kveður.

Góða kvöldið hér !!!
Jæja , það var farin góð ferð í gær. Við Þórður og Oggi fórum á Mela í Árneshrepp, á Ströndum. Við keyrðum ca. 1200 km. í gær. Við fórum til að kaupa hrúta fyrir búið á Rauðalæk. Þessi ferð var mjög góð og skemmtileg. Gaman að koma þarna, jafnt að vetri og sumri
Við Þórður fórum á hrútasýningu á fimmtudaginn, hún var hjá Guðmundi í Garðshorni. Við keyptum hrút þar. Búið verður með 4 hrúta í vetur.

Molinn kveður.