Þetta er síðan hennar Birgittu Lúðvíks.


Flettingar í dag: 20
Gestir í dag: 2
Flettingar í gær: 836
Gestir í gær: 136
Samtals flettingar: 1635714
Samtals gestir: 192026
Tölur uppfærðar: 19.10.2019 00:14:32

Færslur: 2013 Desember

31.12.2013 15:48

Tveir gullmolar mættir í hús

Þessi kom í heimsókn í morgun. Ég held að hann hafi verið að óska okkur gleði á næsta ári.


Þessir gullmolar komu, ásamt foreldrum sínum, í gær. Dagur Árni og Jökull Logi. Þau ætla að vera hjá okkur yfir áramótin. Þeir fóru að sjálfsögðu með ömmu sinni í fjárhúsin. Það verður gaman að fá að hafa þau hér hjá okkur. Við eigum eftir að fara nokkrar ferðirnar saman í fjárhúsin. 

Kæru síðuvinir, vonandi eigið þið gleðileg áramót.


Molinn kveður.

 


29.12.2013 23:16

Jólaboð

Þessi mynd var tekin í dag í jólaboðinu okkar. Þarna er ég með systkinum mínum og foreldrum. Hafey, ég, Helga Dóra, Ríkharð, Hafsteinn og Jón Birkir. Svo eru mamma, Ólína Gyða og pabbi, Lúðvík Ríkharð. Við vorum öll saman komin systkinin. Við vorum 43 alls. Það vantaði  samt nokkra. Þetta jólaboð var yndislegt. Gaman að hittast öll. Takk fyrir daginn emoticon


Við Þórður í boðinu.

Nokkrar myndir frá deginum komnar inn.


Molinn kveður.



28.12.2013 16:06

MOLASTAÐIR

Þórður að moka bílastæðið, svo fólkið komist í jólaboðið til okkar á morgun. Munur að eiga svona fínt tæki.

Við fengum bækurnar Eyðibýli á Íslandi í jólagjöf. Á einni síðu þar, prýðir Molastaðir í Fljótum, uppeldisbærinn minn. Það er mjög gaman að skoða þessar flottu bækur.

Molinn kveður.


27.12.2013 19:00

Hið ljúfa líf

Gleðileg jól og farsælt komandi ár með þökk fyrir árið sem er að líða, kæru síðuvinir.


Já ég er á lífi. Ég er búin að vera mjög upptekin og hafa mikið að gera í desember. Núna ætla ég að fara að standa mig betur í skrifum hér. 


Þeir hafa það nú gott, Týri og Snati. Hér liggja þeir á meltunni. Þeir fengu það í jólagjöf að fá að liggja á þessari mottu. Komnir inn fyrir þröskuldinn, en fara ekki lengra.


Við heimtum eina gimbur núna rétt fyrir jólin. Hún er vel á sig komin. Hún var á Féeggsstöðum og kom á Þúfnavöllum. Móðir hennar heimtist síðust af ánum og kom á Þúfnavöllum líka, með hina gimbrina. Þessi hefur orðið viðskila við þær. Þetta var ein kind og 5 lömb, þar af eitt hrútlamb, sem fannst, þannig að það má búast við því að hún sé fengin.  


Þessi fallegi drengur, ömmugullið mitt, kom í heimsókn til okkar ásamt mömmu sinni, 11.-16 desember. Ég tók mér frí í vinnunni 12, 13 og 16 desember til að njóta þeirra. Þau koma ekkert um jólin emoticon


Nú fer fengitíminn að taka enda. Við erum búin að skrá allar kindurnar sem við höfum séð ganga. Við erum þá með burðardagsetningu á þeim. Þórður sæddi 12 kindur. Við notuðum fjóra hrúta í það. Garra, Dolla, Dal og Snævar. Við erum búin að sjá tvær af þeim ganga upp. Vonandi halda hinar.

Við erum búin að hafa það gott það sem af er jólunum. Við vorum með 30 manna jólaboð á jóladag og erum svo með annað jólaboð á sunnudaginn, sem verður aðeins stærra.


Hænurnar hafa það gott í kofanum. Þær verpa frá einu upp í sex eggjum á dag. Standa sig vel.

Ég er búin að setja inn myndir. 


Molinn kveður.




02.12.2013 21:40

Nýr hvolpur :-)


Við erum búin að fá okkur annan hvolp. Við fengum hann í gær. Hann heitir Snati. Það eru akkúrat tveir mánuðir á milli þeirra. Það voru mikil læti í þeim þegar þeir sáu hvorn annan. Þeir eru orðnir rólegir núna. Ærslast annað slagið eins og hvolpar eiga að gera.


Þórður og Ísabella leggja af stað í Myrká.


Krakkarnir fengu sér piparkökur og kókómjólk, í fjárhúsunum á Myrká.


Fjárhúsin á Myrká eru orðin svo flott.

Þá er búið að sæða nokkrar ær. Við fengum sæði í dag, úr þrem hrútum. Snævari, Dal og Garra. Nú er spurning hvort þær haldi. Þórður sæddi þær. Nú er pressa á honum með sæðingar, því hann sæddi í fyrra með 100 % árangri. (Hann sæddi eina kindemoticon)

Ísabella fór suður í gær. Ekkert hik á henni að fara ein í flugvélina. Hún er svo dugleg þessi elska. Það var svo gaman að fá hana í heimsókn. 



Molinn kveður.



  • 1


clockhere

Nafn:

Birgitta Lúðvíksdóttir

Farsími:

8207756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgárdalur

Um:

Áhugamanneskja um sauðfjárrækt. Er með kindur á Möðruvöllum í Hörgárdal

Einar Breki, kom í heiminn

atburður liðinn í

8 ár

1 mánuð

5 daga

Haukur Nói, kom í heiminn

atburður liðinn í

5 ár

3 mánuði

7 daga

Tenglar

Eldra efni