Ég fór í morgun og gekk frá endunum á rúllunum. Alls 48 rúllur. Ég gat ekki merkt rúllurnar, því þær voru rennandi blautar. Það var frekar kalt og blautt. Það er betra að ná plastinu frá, til að stinga endanum á bakvið þegar það er kalt. Í hita, þá klessist plastið svo fast saman að það er vont að ná því frá. Þetta kallaði á naglakul 
Þá var nú gott að hafa hita í handföngunum á fjórhjólinu. Algjör snilld
Það er búið að keyra heim einni ferð og þá eru tvær ferðir eftir. Þær verða farnar á morgun og þá er hægt að hafa almennileg töðugjöld.
Maður þarf nú að hafa GÓÐAN mat í töðugjöldum. Ég valdi auðvitað lambalæri og það verður borðað á morgun
Molinn kveður
