|
Eins og ég sagði í bloggi, 14. febrúar, þá settum við geldu
ærnar hjá hrút. Þær eru búnar að vera hjá honum í 10 daga
og það hefur engin gengið ennþá. Ég kíki alltaf annað slagið í
myndavélina og hef ekki orðið vör við að þær séu að ganga.
Gangmálið er nú ekki búið enn og kannski eiga þær eftir að
ganga. En svo getur verið að þær séu fengnar. Að þær hafa
fengið seint, þannig að það hafi ekki sést í sónarnum. Ég
veit samt að ein þeirra á eftir að ganga, því hún er búin að
ganga oft og ekki fest fang. Hún er líklegast ónýt. En það
verður spennandi að sjá hvort þær hinar, eigi eftir að ganga.
Það kemur í ljós í byrjun mars
Molinn kveður
|
