Slenja

14.11.2021 19:44

Kiða, flott ær

14-143 Kiða er fjórlembingur undan 09-020 Drífu og 12-579 Blossa

Hún er búin að eiga 22 lömb á 7 árum

2015 (gemlingur) var hún einlembd

2016 var hún fjórlembd

2017 var hún þrílembd

2018 var hún þrílembd

2019 var hún þrílembd

2020 var hún fjórlembd

2021 var hún fjórlembd

Svakalega frjósöm þessi, þótt hún sé ekki með þokugen

Kinga, sem ég setti inn í bloggi 12. nóvember, er systurdóttir Kiðu

Þetta er mamma Kiðu, hún Drífa. Hún átti 24 lömb á 9 árum

Við vigtuðum og merktum ullarpokana og gengum frá þeim í geymslu. Við fengum góða hjálp við það frá þessum

Snjórinn farinn, sem kom um daginn. Ég hefði viljað hafa hann fyrir strákana. Þeim finnst svo gaman að leika sér í honum

Molinn kveður

Skrifað af Birgittu

13.11.2021 20:18

Gullmolarnir mínir

Það sem ég elska þessa gullmola. Ég eyddi megnið af deginum hjá þeim. Ég ákvað að splæsa í mynd af okkur. Við höfum ekki hist í langan tíma, því við höfum ekki mikið verið að fara vegna veirunnar miklu. Von er á þriðja gullmolanum í þessari fjölskyldu á nýju ári emoticon

Hlakka mikið til emoticon

Svo yndislegir emoticon

Molinn kveður

Skrifað af Birgittu

12.11.2021 19:09

Flott ær

18-434 Kinga. Hún er undan 14-144 Kistu og 17-586 Nóa

Hún er búin að eiga 9 lömb á þessum þrem árum

2019 (gemlingur) var hún tvílembd, en gekk bara með annað lambið. Hitt var vanið undir 14-155 Rifu

2020 var hún þrílembd og gekk með tvö. Eitt var vanið undir 16-304 Oddný

2021 var hún fjórlembd og gekk með þrjú. Eitt var vanið undir 16-260 Gálu

Hún er búin að skila 142,6 kg af kjöti (8 lömb) og öll fóru þau í U

+ einn hrút sem var settur á núna í haust

21-704 Tandri undan 18-434 Klingu og 18-591 Vita

Möðruvallakirkja í morgun

Molinn kveður

Skrifað af Birgittu

11.11.2021 17:08

Útivera

Bíða eftir skólarútunni

Við fórum út að renna. Það þarf ekki af fara langt til að njóta útiveru

Ekki löng brekka

Auðvitað fengum við okkur kakó og piparkökur

Já kakó og piparkökur

Við fórum svo og tókum fjórhjólið, bundum sleðana aftan í það og létum vaða. Gaman hjá þeim á sleðum aftan í hjólinu, hring eftir hring

Eftir útiveru, þá var leikur hjá þeim. Annar í kubbum

Og hinn með fjarstýrðan monster truck

Molinn kveður

Skrifað af Birgittu

10.11.2021 20:42

Eins og tveggja mánaða

Þær Sólveig og Sara eru eins mánaðar í dag. Þær eru vel sprækar og dafna vel

Og Dalur er tveggja mánaða í dag. Hann hefur það gott

Morgungjöf

Molinn kveður

Skrifað af Birgittu

09.11.2021 21:01

Geitungabú

Það var geitungabú í moðkarinu, sem er búið að vera úti í sumar. Það var tómt, allir farnir

Nú eru strákarnir komnir með sæti þegar þeir bíða eftir skólarútunni. Það er ruðningur eftir moksturstæki

Að bíða eftir rútunni

Litlu lömbin og mæðurnar eru ekki lengur í hlöðunni. Það er hlýrra fyrir þær í fjárhúsunum

Molinn kveður

Skrifað af Birgittu

08.11.2021 16:40

Gott veður

Möðruvallakirkja í morgun

Það snjóaði örlítið í nótt og nú er allt hvítt

Morgungjöf

Við tókum girðinguna, neðan við íbúðarhúsin

Nú þarf maður ekki að vanda sig að bakka af stæðinu emoticon

Það fór samt smá hrollur um mig þegar við vorum að taka girðinguna niður, því þegar við vorum að setja hana upp, þá meiddi ég mig á puttanum

Það er með ólíkindum hvað hann er orðinn góður á tveim mánuðum. Nöglin farin en það er að koma flott nögl í staðinn. Lítur bara vel út

Ég tók aðeins á loft í dag. Veðrið var svo fallegt. Nú eru kindurnar allar komnar á hús, þannig að ég þarf ekki að fljúga yfir þeim á hverjum degi. Nú flýg ég bara þegar mig langar til

Molinn kveður

Skrifað af Birgittu

07.11.2021 17:24

Smá snjóföl

Þeir fóstbræður bjuggu til þessi listaverk á meðan við gáfum morgungjöfina í fjárhúsunum

Það er komin snjóföl, en frekar lítil

Við fórum og heimsóttum litla gullið okkar

Við skruppum aðeins í göngin í dag. Þeir urðu að athuga hvort það væri kominn snjór inn í þau

Göngin alltaf vinsæl

Molinn kveður

Skrifað af Birgittu

06.11.2021 21:43

Ærnar klipptar

Unnar kom og klippti allar hvítu ærnar og líka nokkrar mislitar. Það eru innan við 60 ær eftir og þær eru allar flekkóttar

Nú er fjárhúslífið fullkomið

Mislitu ærnar

Molinn kveður

Skrifað af Birgittu

05.11.2021 19:19

Ærnar teknar á hús

Skítmoksturinn kláraðist í gær. Í dag settum við gólfið niður í nyrsta húsinu. Milliskilrúmið var sett upp og ærnar settar inn. Á morgun á að klippa hvítu ærnar

Við erum búin að flokka ærnar, hvítar frá mislitu

Allt klárt fyrir morgundaginn

Í morgun

Möðruvallakirkja í morgun

Molinn kveður

Skrifað af Birgittu

04.11.2021 20:27

Síðasta húsið í skítmokstri

Síðasta húsið í skítmokstri. Við erum heppin með veðrið á meðan verið var að moka út. Gott að þetta er að taka enda

Kindurnar verða settar inn á morgun

Sólveig og Sara eru að verða eins mánaðar gamlar

Sara

Sólveig

Þær eru sprækar og fallegar

Molinn kveður

Skrifað af Birgittu

03.11.2021 19:21

Enn að brasa í fjárhúsunum

Klárað að setja gólfið niður í dag, en skilrúmið verður sett upp á morgun

Tunglið var frekar lítið í morgun

Þrílembingar undan 11-041 Perlu og 16-576 Liða

17-346 Pota

17-347 Pytla

17-348 Pylsa

Molinn kveður

Skrifað af Birgittu

02.11.2021 20:18

Skítmokstur

Við settum kindurnar út og rifum upp grindurnar í mið húsinu. Klárað var að moka út og svo verður gólfið sett niður á morgun. Kindurnar verða úti í nótt

Myndataka í dag

19-451 Kubba

17-349 Daría

Molinn kveður

Skrifað af Birgittu