Hæ, hæ !
Jæja þá er þessi helgi á enda komin. Við erum búin að vera í sveitinni alla helgina. Júlli og Siggi voru hjá okkur. Ég eldaði gúllas í gær, og grillaði hrefnukjöt í dag. Þegar ég ætlaði að fara að grilla í dag, þá voru báðir gaskútarnir okkar (sem við fórum með) tómir. Sverrir bjargaði mér, og lánaði mér gaskút, þannig að ég gæti grillað. Hann er alltaf að redda okkur. Ég fór líka með steikingarpottinn, svo við gætum borðað franskar kartöflur með kjötinu. Þetta var alveg yndælis máltíð.
Þórður er og verður alltaf snillingur. Hann smíðaði í dag, klaufasnyrtistól. Nú er ekkert mál að klippa klaufirnar á kindunum. Þeim er skellt í stólinn og svo eru klaufirnar klipptar. Ég tók myndir af þessu, og er búin að setja þær hér inn.
Það er búið að vera svo mikið vor núna um helgina. Æðislegt veður. Við settum kindurnar út báða dagana. Þær eru ánægðar með það. Hlakka mikið til vorsins. Tveir mánuðir og tíu dagar.
Af hænunum er allt gott að frétta. Það komu tvö egg í gær, og þrjú í dag.
Molinn kveður.
