Við erum búin að raða fénu aftur eins og það var áður en við settum hrútana í. Fullorðnu ærnar eru með hrút ennþá, en við tókum hrútinn frá gemlingunum 4. janúar.Ég held að það sé klárt að sauðburður byrjar í byrjun apríl. Þær sem liggja undir grun um að hafa verið að ganga 15. nóvember þegar hrútarnir sluppu í féð, eru ekki búnar að ganga eftir að við settum hrútana í. Eða við höfum allavegana ekki séð það.
Við Þórður skruppum snögga ferð í Stykkishólm í gær. Við lögðum af stað um kl. 7 í gærmorgun og vorum komin aftur heim um kl. 23 í gærkvöld. Það var verið að jarðsyngja Sillu á Þingvöllum.
Blessuð sé minning þín elsku Silla mín.
Þegar ég var ólétt af Guðrúnu Helgu, kom ég í heimsókn til Sillu. Það var 20. ágúst 1985. Hún spurði mig hvenær ég ætti að eiga. Ég svaraði að ég hefði nú verið skrifuð inn 18. ágúst og væri því komin framyfir settan dag. Hún tók upp bók, skoðaði hana og sagði við mig. Þú átt eftir að bíða nokkra daga í viðbót Birgitta mín. Þú átt þetta barn 29. ágúst. Ég hló nú bara að henni og sagði NEI ÉG ÆTLA EKKI AÐ BÍÐA SVO LENGI. En viti menn ég átti Guðrúnu Helgu 29. ágúst. Þessu mun ég seint gleyma. Silla var yndisleg kona.
Molinn kveður
