Eruð þið búin að styrkja Björgunarsveitina ? Ég er búin að kaupa tvo svona. Ekki veitir af því að styrkja þá.
Ég þurfti svona næstum því á þeim að halda í dag. Þannig var að Þórði datt í hug að arka inn á Myrkárdal og athuga um kindahóp sem hann var búinn að frétta af, að væru þar. Hann fór einn með Týra. Já hann fór einn. Hann var búinn að banna bræðrum sínum að fara einir inn á dal, en honum fannst allt í lagi að hann færi einn. Hann tók talstöð með sér, en þegar hann setti talstöðina í vasann, þá hefur hann óvart slökkt á henni, þannig að það var ekkert hægt að ná á honum (það er ekkert símasamband á dalnum). Hann gerði mig og fleiri hrædda. Hann kom þó með þessi 9 stk. Þegar hann var að koma með þær af dalnum, kom á móti honum góður vinur, Þorri. Hann hjálpaði honum með þær niður í rétt. Þeir rétt sluppu áður en það varð svarta myrkur
Við áttum 4 stk. af þessum hóp. Tveir gemsar með sitthvora gimbrina
Hér er hópurinn komin inn í fjárhúsin á Myrká 
En elskan mín þú stóðst þig vel í dag Ég er ánægð að björgunarsveitin fékk ekki útkall Ég elska þig
Molinn kveður
