Við fórum í smá bíltúr í dag. Við keyrðum suður á þessum bíl okkar, til að skoða kaup á Bens strumpastrætó. Þessi átti að fara uppí kaupin. Þegar við vorum búin að skoða Bensinn, þá leist okkur ekki alveg á þetta. Við hættum við, enda ekki knýjandi þörf á að skipta, því sá hvíti er mjög góður. Við vorum tíu og hálfan tíma í ferðinni, suður og heim. Þetta var góður miðvikudagsrúntur 
Skoðum skipti á bíl seinna
Himininn um kl. 6 í morgun
Hafnarfjall
Þarna sést til Reykjavíkur. Gosstrókurinn sést þarna líka
Ég tek það fram að við fórum EKKI að gosinu. Sáum bara þennan reykmökk 
Ég er ekki að skilja þennan fjölda sem fer að gosinu á hverjum degi, þegar Hlíðarfjall og sundstaðir eru lokaðir vegna covid. Ég væri alveg til í að fara á skíði og sund með strákana þessa daga sem skólinn er lokaður. En það er ekki hægt 
Furðulegt skýjafar á himni, á leiðinni heim
Minnismerkið (um skáldið Stephan G. Stephansson) á Vatnsskarðinu. Strákarnir aðeins að teygja úr sér á leiðinni heim
Ekki oft sem við förum að heiman, en þegar við gerum það, þá gerum við það með stæl 
Við tókum með okkur nesti fyrir báðar ferðirnar svo við þyrftum ekki að koma við á leiðinni. Eini staðurinn sem við komum á í Reykjavík var bílasala. Við notuðum sprittið
Molinn kveður
