Þetta er síðan hennar Birgittu Lúðvíks.


Flettingar í dag: 820
Gestir í dag: 5
Flettingar í gær: 1212
Gestir í gær: 15
Samtals flettingar: 873874
Samtals gestir: 46917
Tölur uppfærðar: 29.3.2024 12:15:13

Færslur: 2017 Nóvember

30.11.2017 18:24

14/45

Mynd dagsins


Nú er þessi hætta farin, en önnur hætta tekin við


Já nú er svell og það þarf að fara varlega


Og þá er nú gott að vera vel skóaður emoticon


Ef það verður svona hláka eins og er búin að vera í dag, þá fer þetta áður en það frystir á ný. Simmi mokaði allt svo vel, um daginn, að það tekur ekki langan tíma að þetta svell fari


Þessa mynd tók ég í morgun, meðan það var ennþá myrkur. Það sést þarna ljós á flugvél í loftinu


Félagshrútarnir eru enn að störfum. Þetta er 16-152 Hrókur, að afgreiða 15-204 Fleytu

Þeir afgreiddu fimm ær hvor, í dag. Þá eru komnar 18 ær sem hafa fengið við þeim


Já, já veðrið í dag emoticon


Molinn kveður



29.11.2017 21:47

13/45

Mynd dagsins


17-103 Drangi er hér að afgreiða 16-274 Broddu.

Við fengum tvo félagshrúta í dag og verðum með þá til 2. desember. Það gekk vel að halda undir þá. Þeir afgreiddu fjórar ær, hvor


Þetta er 17-103 Drangi félagshrútur. Þessi mynd er af Neistasíðunni. Hann er frá Skriðu.

Stigunin á honum er svona:

58-106-32-5,1-4-8-8,5-9,5-9-9-18,5-9-8-8,5=88 stig

Blup er 118-102-99-103



Og þetta er 16-152 Hrókur félagshrútur. Þessi mynd er líka af Neistasíðunni. Hann er frá Þórði, Árbæ, Reykhólasveit

Stigunin á honum er svona:

50-108-33-2,8-5 / 8-9-8,5-9-9,5-19,5-8,5-8-8 alls 88 stig

Kynbótamat 115-97-100-105        


Drangi og Brodda. Drangi búinn að afgreiða fjórar


Hrókur búinn að afgreiða fjórar


Veðrið á Möðruvöllum í dag


Molinn kveður



28.11.2017 20:35

12/45

Mynd dagsins


Varúð, hætta!!!!  Maður þarf að taka tilhlaup inn í fjárhús, svo að maður fái þetta ekki í hausinn. Að vísu getur maður fengið þetta í hausinn þótt maður taki tilhlaup, en minni líkur á því. Það er ekki hægt að brjóta þetta niður, því þetta er svo hátt. Það á að hlýna í veðri á fimmtudaginn og þá fer þetta


Mæðgur emoticon  14-151 Tætla vinstra megin og 16-307 Trjóna hægra megin. Það eru þessar bjarthvítu ær sem horfa til okkar


Nú fer þessi ljósatími að byrja. Þessi sería er komin í einn gluggann hjá okkur. Ég á eftir að setja seríur í fleiri glugga. Enn er frosinn snjór utan á rúðunni, sem gerir þessi ljós fallegri. Þau lita út frá sér emoticon


Já veðrið á Möðruvöllum í dag. Það er ennþá frekar kalt



Molinn kveður



27.11.2017 20:00

11/45

Mynd dagsins


Þetta eru kindurnar sem hrútarnir fóru í, í gær. Það var ein að ganga í dag, þannig að þá byrjar sauðburður 19. apríl sem er gott emoticon emoticon


Hér eru þær 15 sem 17-588 Varíus er með. Þar var ein að ganga í dag hjá honum


17-588 Varíus


Hér eru þær 15 sem 17-587 Daríus er með


17-587 Daríus


Að gegningum loknum emoticon


Það var fallegt veður á Möðruvöllum í dag, en frekar kalt


Svona var veðrið og hitastigið í dag


Ennþá frosið á öllum gluggum


Molinn kveður




26.11.2017 20:21

10/45

Mynd dagsins




Í dag komu starfsmenn frá Kjarnafæði og framkvæmdastjóri landssamtaka sauðfjárbænda í heimsókn í fjárhúsin til okkar, ásamt nokkrum þjóðverjum. Ástæða heimsóknarinnar er sú að þessir þjóðverjar hafa hugsanlega áhuga á að kaupa íslenskt lambakjöt


Við settum tvo hrúta í þrjátíu kindur núna í kvöld. Annar heitir Daríus og hann er með 15 ær og hinn heitir Varíus og er líka með 15 ær emoticon Það var því miður engin að ganga emoticon Sjáum til á morgun. Ef einhver verður að ganga þá, þá byrjar sauðburður 19. apríl sem er gott emoticon
Ástæðan fyrir því að við setjum hrútana í svona snemma, er sú, að við eigum þessa tvo hrúta með Ogga og Áslaugu á Myrká, og þá getum við notað báða hrútana á báðum stöðum.
Þessir hrútar eru frá Dísu í Mávahlíð og eru undan 15-990 Máv, sem er kominn á sæðingastöð



Fyrir og eftir mynd




Já og fyrir og eftir mynd. Ég mokaði þetta



Já og ég mokaði þetta líka




Simmi kom og mokaði bílastæðið og líka stéttina. Hann er sá flinkasti tækjamaður sem ég veit um. Mjög vel gert hjá honum




Simmi er búinn að moka þetta allt. Mjög vel gert hjá honum


Það var frekar kalt í dag. Fór í rétt tæplega -16 gráður á tímabili, eða þegar hitinn var lægstur


Molinn kveður


25.11.2017 20:58

9/45

Mynd dagsins


Simmi er búinn að moka og blása snjó í allan dag


Á veginum upp í fjárhús. Hjólför eftir dráttavélina


Simmi búinn að moka upp að fjárhúsum og það eru komin þessi svakalegu göng


Það var erfitt að komast uppeftir með guttana, í morgun. Mikill snjór og erfitt að labba. Svo þurfti að moka frá hurðinni til að komast inn


Skodinn var fastur á stæðinu


Þarna er bíllinn undir snjónum


Ég mokaði hann upp


Allstaðar mikill snjór


Maður verður að moka snjó næstu daga held ég


Vestan við húsið


Þetta er líka vestan við húsið


Týra fannst gaman að leika sér í snjónum



Vestan við húsið


Einar Breki var duglegur að sópa garðana, já og hjálpa okkur í fjárhúsunum


Haukur Nói var líka duglegur að hjálpa til


Damian þreif vatnsdallana


Molinn kveður



24.11.2017 17:44

8/45

Mynd dagsins


Þessir hressu ninja strákar eru klárir út að leika í vondu veðri


Það er kominn mikill snjór


Þeir voru duglegir að moka snjóinn af stéttinni


Einar Breki


Haukur Nói


Damian


Það er búinn að vera skafrenningur í allan dag, og rjúka vel upp. Ég var að mynda strákana og var orðin hálf köld á höndunum, þegar ég missti annan vettlinginn. Hann fauk og ég fór að elta hann. Týri tók á rás með mér og ég sagði honum að sækja. Hann elti vettlinginn, náði honum og lét mig hafa hann. Ég held að ég hefði ekki náð honum fyrr en ja ég veit ekki hvar. Týri er sko ekki vitlaus


Allir sællegir og með rauðar kinnar eftir útiveruna


Svo var að ganga frá öllu emoticon


Molinn kveður



23.11.2017 13:37

7/45

Mynd dagsins


Myndin er af afmælisbarni dagsins, Þórði. Sextíuogsjö??? Nei það getur ekki verið. Hann lítur ekki út fyrir að vera orðinn löggilt gamalmenni, ALLSEKKI!!!!!! Til hamingju elsku ungi strákurinn minn emoticon . Hér er hann með afastubbana sína. Þeir heimsóttu hann í vinnuna og fengu kökur emoticon


Verið að borða kökur emoticon


Hér bíðum við eftir skólarútunni. Veðrið ekki gott. Allir með endurskinsljós


Veðrið hefur versnað. Við Týri erum að bíða eftir Damian, úr skólanum. Týra finnst ekkert leiðinlegt í svona veðri.
Það skefur og snjórinn festist í feldinum á honum. Þegar hann kemur inn, þá fer allt á flot þegar snjórinn bráðnar emoticon


Molinn kveður


22.11.2017 18:14

6/45

Mynd dagsins


Ömmu og afa gullin komin í gistingu, og þá eru þeir fjórir emoticon


Við fórum út að leika í snjónum



Einar Breki



Haukur Nói



Damian

Hér er fjörið emoticon


Molinn kveður



21.11.2017 21:04

5/45

Mynd dagsins


Þessi brúni kassi á veggnum er nú loksins farinn. Hann hefur hindrað okkur í að fara með heyvagninn inn garðann hjá lömbunum. Við höfum þurft að ýta heyinu inn garðann. Nú er það úr sögunni


Þvílíkur munur að vera laus við hann


Núna kemst heyvagninn inn garðann emoticon


Sumar eru óþolinmóðari en aðrar. Sombý er að teygja sig í tuggu. Þetta gerir mamma hennar, hún Viktoría líka. Þetta hlýtur að vera ættgengt


Molinn kveður



20.11.2017 12:07

4/45

Mynd dagsins


Nú munaði litlu. Þegar ég kom í fjárhúsin í morgun, þá var opið inn til eldri hrútanna. Þeir voru bara rólegir og voru ekki búnir að fatta hvað þeir hefðu getað gert emoticon


Það snjóaði þónokkuð í nótt


Kviðdráttur á leiðinni í fjárhúsin


Það var fallegt veður þegar ég fór í fjárhúsin, en svo fór að snjóa


Já það snjóar emoticon


Það er nú meira hvað það er mikill músagangur þetta haust og byrjun vetrar. Við höfum ekki undan að koma fyrir músaeitri. Það er alltaf að sjást ummerki eftir mýs, samt naga þær eitrið


Þessi er undir tröppunum inn í íbúðarhús. Ég sá að hún hefur komið við í eitrinu svo kannski sést hún ekki meira


Molinn kveður


19.11.2017 18:27

3/45

Mynd dagsins kemur hér


Þessi mynd var tekin 16. september 2016, en hún er af afmælisbarni gærdagsins, Helgu Steingrímsdóttur. Við fórum í afmæliskaffi til hennar, og þar svignaði borðið undan kræsingunum emoticon Takk fyrir okkur Helga


Vinnumaðurinn okkar, sem er svo duglegur að hjálpa okkur í fjárhúsunum emoticon


Molinn kveður



18.11.2017 13:18

Önnur af fjörutíuogfimm

Mynd dagsins kemur hér


Þetta eru þrír vinir emoticon Bjössi, Þórður og Týri.
Annar þessara á tveimur jafnfljótum, var hörkuduglegur að hjálpa til við að gefa morgungjöfina, en hinn var eins og óþekkur krakki, vildi, já og reyndi að hjálpa til en var bara skammaður og látinn sitja á stól


Loksins lét hann sig, og settist niður


Veisla hjá Filmu. Hún kemur hlaupandi til mín til að fá smá brauðbita emoticon


Molinn kveður



17.11.2017 12:21

Fyrsta af fjörutíuogfimm

Nú ætla ég að skora á sjálfan mig.
Ég ætla að setja hér inn eina mynd á dag fram að áramótum. Ég er ekki alveg búin að ákveða hvort myndin verði tekin, daginn sem ég set hana inn eða hvort hún verði gömul.
En ein mynd á dag, það er ætlunin


Hér kemur fyrsta myndinemoticon

Ég er búin að setja inn link á hrútaskrána 2017-2018
Það eru þá komnar 14 skrár hér til hliðar

Það ætti að koma mynd á morgun emoticon


Molinn kveður



16.11.2017 17:53

Lömbin bólusett

Gestur Júlíusson, dýralæknir,  sprautaði lömbin gegn garnaveiki, í dag, 16. nóvember.


Þórður fór í aðgerð á öxl, 13. nóvember, í Orkuhúsinu. Það þurfti að saga ca. einn cm. af viðbeinsliðnum, eitthvað af herðablaðsendanum og svo þurfti að fræsa fyrir sinar. Þetta var dágóð aðgerð. Hún gekk vel, en það blæddi mikið. Þórður fór í vinnu daginn eftir og er búinn að vera í vinnunni alla vikuna. Algjör jaxl þessi elska.



Við Damian og Týri fórum með honum. Þarna erum við að bíða eftir Þórði.
Við lögðum af stað suður kl. 7 á mánudagsmorgunn. Við vorum komin suður um kl. 12:30. (Hann átti að mæta kl. 13). Við fórum beint í Orkuhúsið og Þórður var drifinn inn á stofu, til að bíða eftir aðgerð. Við Damian fórum gangandi (ég keyri ekki í Reykjavík) í búðir í Skeifunni og eyddum eitthvað af tímanum þar. Við fórum svo að athuga með Þórð um hálf þrjú, en þá var hann enn að bíða eftir að komast í aðgerð. Hann fór í aðgerðina korter fyrir þrjú og var í klukkutíma. Var vaknaður tæplega fjögur. Hann kom svo galvaskur fram og við lögðum af stað heim, 16:30. Við vorum svo komin heim 21:45. Þessi dagur gekk alveg þrusuvel emoticon


Týri fór í göngutúra með okkur Damian, í Reykjavík. Hér er hann að bíða eftir okkur fyrir utan apotek. Við þurftum að ná í lyf fyrir Þórð áður en við fórum heim. Týra fannst þetta gaman, en pínu skrítið


Þessi mynd var tekin af okkur 6. mars 2013, þegar við fórum bæði í aðgerð, ég á vinstri og Þórður á hægri. Þá var gert nokkuð það sama og var gert við Þórð núna. Held samt að aðgerðin hjá Þórði núna, hafi verið meiri


Svona var aðkoman einn morguninn þegar ég kom í fjárhúsin. Ein kollótt, 17-347 Pytla, var búin að koma sér vel fyrir í heyvagninum og var hin rólegasta þegar ég kom


Bara jórtrar hin rólegasta


Ég keyrði hana fram í fjárhús í vagninum. Hún var ekkert að æsa sig yfir því. Var bara hissa á þessari afskiptasemi í mér


Damian er nú stundum duglegur að hjálpa okkur. Hér er hann að sópa garðann emoticon


Molinn kveður





clockhere

Nafn:

Birgitta Lúðvíksdóttir

Farsími:

820-7756

Afmælisdagur:

23. júlí, 1962

Heimilisfang:

Möðruvellir 3

Staðsetning:

Hörgársveit

Um:

Áhugamanneskja um sauðfjárrækt. Er með kindur á Möðruvöllum í Hörgársveit

Einar Breki, kom í heiminn

atburður liðinn í

12 ár

6 mánuði

15 daga

Haukur Nói, kom í heiminn

atburður liðinn í

9 ár

8 mánuði

17 daga

Birgitta Ósk, kom í heiminn

atburður liðinn í

2 ár

2 mánuði

15 daga

Tenglar