Haustferð með MS

Já góðan daginn hér !!!

Við hjónakornin skelltum okkur í ferð með MS í gær. Það var hin árlega haustferð og að þessu sinni fórum við á villibráðarhlaðborð á Stöng í Mývatnssveit. Þetta var fín ferð og maturinn góður. Ég setti inn nokkrar myndir af fólkinu sem mætti, en það hefur nú kannski ekki tekist að ná mynd af öllum. Ég veit heldur ekki hvað allir heita, þannig að þið megið hjálpa mér við það.

Við kláruðum að moka út úr fjárhúsunum á föstudaginn og núna er verið að smíða á fullu, til að geta tekið á hús.

Guðrún Helga kom á fimmtudagskvöld hingað, og hún lenti í því að moka skít á föstudag. Hún söng allan tímann: I love it, I love it.  Ég set inn nokkrar myndir af þeim söng, he he he.

Jæja sveitin kallar.

Molinn kveður.