Jæja, þá er komið að því að skrifa eitthvað hér inn.
Við tókum ærnar á hús 20. október.
Þær voru nú frekar ánægðar með okkur, því veðrið var ekki gott.
Tommi á Syðri-Reistará kom og klippti fyrir okkur ærnar, 23. október. Hann rúði þær allar á einum degi.
Helga Gunnarsdóttir, dýralæknir sprautaði lömbin gegn garnaveiki, 2. nóv.
Ásetningurinn okkar í vetur eru:
10 hrútar, átta lambhrútar og tveir eldri.
50 gimbrar
37 veturgamlar
52 tveggjavetra
84 eldri en tveggjavetra
4 smálömb, hrútar sem við erum búin að láta gelda.
Svo erum við með 6 gimbrar, sem Sr. Oddur Bjarni á
Þannig að það eru 243 hausar.
Við erum líka með 6 kálfa, tvo árs gamla, tvo fædda í júlí og tvo fædda í september. Við erum enn að gefa þessum tveim yngstu mjólk. Þeir verða á mjólk þangað til um miðjan des. Þá verð ég búin að gefa kálfum mjólk kvölds og morgna samfelt í 5 mánuði.
Hænurnar eru 7 og svo eru 9 ungar sem eru alveg að fara að detta í varp. Við erum með 3 hana. Við eigum eftir að sjá hvaða hani er flottastur áður en við fækkum þeim.
Það er búið að vera líf og fjör hjá okkur. Þessir gullmolar komu 12. nóv. og voru í viku, ásamt móður sinni, Guðrúnu Helgu. Þau fóru í gær. Núna er frekar tómlegt á Möðruvöllum 3.
Þeir hjálpuðu mér í gegningum á morgnana. Huginn eins árs, Einar Breki þriggja ára og Haukur Nói fjögurra mánaða.
Hér eru farartækin þeirra. Einar Breki er orðinn svo duglegur að keyra þennan rafmagnsbíl. Hann spændi nokkrar ferðir á dag upp í fjárhús á honum. Hér eru þeir Huginn, Einar Breki og Haukur Nói.
Jæja nú fer að líða að tilhleypingu. Þessi frábæri hrútur er kominn á sæðingastöðina
Þetta er Radix frá okkur. Mikið sem ég sakna hans.
Radix. Mynd sem er tekin 22. september 2012
Molinn kveður
Við fórum með tvær ær, Grímu og Ponsu undir Ebita félagshrút, sem er hjá Önnu Guðrúnu Fornhaga 2, í gær. Við ætlum að nota hann á nokkrar ær. 
