Forystuhrútur sem mun sinna forystuánum okkar í vetur,

ættaður af Ströndum

Við Þórður erum búin að vera fósturforeldrar í nær 29 ár. Við fórum á námskeið fyrir fósturforeldra þá. Nú hinsvegar  þurfum við að taka þetta námskeið aftur. Við erum búin  að vera í allan dag fyrir framan tölvuna og þurfum þess líka á morgun og þrjá daga í nóvember. Það er þó gott að geta tekið þetta í gegnum netið og þurfa ekki suður Þessar teknar í fyrradag   Þegar ég var að fljúga drónanum, þá komu þessar gæsir og voru að kveðja okkur fyrir flugið langa         Molinn kveður

Þessi fæddist í september í fyrra, í seinni göngum

Gimbur sem fékk nafnið Flís. Hún fór svo á fjall í vor Ég sá hana í ágúst upp í fjalli Hún kom heim í dag með þennan hrút September lamb 2021 með september lamb 2022   Þetta er sjötta ærin sem ber í sumar/haust   Sauðburður hefur verið í apríl, maí, júní, júlí, ágúst og september     Molinn kveður

Hrútur undan 18-416 Aníku og 18-591 Vita

Gimbur undan 20-519 Syllu og 20-607 Dúa. Hugsanlegur  ásetningur. Hún var 49 kg.  Gimbur undan 17-316 Geyl og 21-705 Kalda. Hún var 54 kg. og hrúturinn á móti var 53 kg. Svakalega flott ær Hrútur undan 16-277 Völu og 20-607 Dúa. Hann var 56 kg. Gimbur undan 14-254 Skoppu og 21-703 Jalla. Hún var 50 kg. Líklegur ásetningur undan Skoppu Gimbur undan 15-618 Viðbót og 20-607 Dúa         Molinn kveður

Ég náði að taka mynd af þessum norðurljósum í gærkvöld. 

Ég hef alltaf misst af þeim, því ég fer það snemma að sofa 

Þau voru flott  Við fórum með bílana, þessa tvo, í alþrif hjá RB Bílaþrif Akureyri. Nú glansa þeir bæði að utan og innan. Þvílíkt flottir    Mjög vandvirk. Ég mæli með þeim Þessar eru teknar í morgun Nú er kominn haustlitur á trén   Það fóru 94 fullorðið í sláturhús í dag. Þeim verður lógað á  morgun. Nú erum við að fækka fénu         Molinn kveður

Fallegt veður í dag

Tignarleg hún Elíza Prins og Elíza Þessir kollóttu hrútar eru undan 18-408 Elínu og 20-603 Sagosen. Þeir voru 52 og 53 kg. af fjalli Hrútur undan 19-469 Litlu-Æðey og 20-605 Bæron. Hann var 57 kg. 20. september 15-207 Þökk. Hún vildi fá brauð hjá mér   Við rákum sláturærnar inn í dag. Það fara um 90 á morgun         Molinn kveður

Hér á þessari mynd er byrjað að snjóa í fjöllin

Þessa mynd tók ég fjórum tímum seinna og fjöllin orðin hvít Veturinn farinn að minna á sig Kindurnar eru samt mjög afslappaðar Og taka veðrinu vel         Molinn kveður

Það er búið að vera rok í dag og það á að bæta í það í nótt

og morgun

Þessa mynd tók ég 15. september. Trén græn og ekki kominn haustlitur á þau Þessa mynd tók ég í gær, 8 dögum seinna. Trén komin með haustlitinn. Svo í rokinu í dag, eru þau næstum orðin lauflaus. Ég tek mynd þegar lægir Möðruvellir 3, 4 og 5 Það eru nú bara nokkur tré þarna sem eru komin með haustlit. Myndina tók ég í gær   Okkur vantar rétt um 40 hausa af fjalli   Þessi kom ekki, en fannst dauð inn á dal. Þetta er hún 21-003 Vera. Mig grunaði að hún væri ekki á lífi, þegar ég sá að lömbin hennar voru móðurlaus í sumar Þau voru 42 og 37 kg. þegar þau komu af fjalli. Það er eftirsjá af henni         Molinn kveður

Seinni göngur voru í dag. Nú var tæknin tekin í notkun.

Það kom þyrla til að ferja mannskapinn inn á dal og líka

upp á fjall. Walter Ehrat var flugmaður. Algjör snilld.

Mynd Áslaug

Farin í loftið. Það tók ekki nema 15 mín. að fljúga með þá og koma til baka og taka þá sem fóru upp á fjall Mynd Áslaug Kindurnar voru komnar í réttina um kl. eitt í dag. Göngurnar gengu svakalega vel, enda úrvals lið að ganga. Þetta er safnið sem kom   Litlu göngumennirnir         Molinn kveður

Gimbur undan 19-466 Katnis og 20-603 Sagosen

Gimbur undan 17-355 Þín og 19-597 Ótta Gimbur undan 15-191 Óttu og 18-593 Hamri Hrútur undan 16-277 Völu og 20-607 Dúa Elíza er orðin svo róleg. Hún sprettur ekki á fætur og æðir  í burtu, þótt maður labbi nokkrum metrum frá henni. Hún er mjög afslöppuð   Þessi fékk hlaupabóluna 13. september. Hann fékk margar bólur, en slapp við að verða veikur. Hraustur og duglegur drengur         Molinn kveður

Lömb sem koma til skoðunar til ásetnings. Við tókum þau 

frá í dag. 

Við sendum 64 lömb og 8 fullorðið frá okkur í dag. Þeim 

verður slátrað á morgun

Lömbin dýrka þennan hól. Hann er orðinn að moldarhaug Og þessi hóll er alltaf vinsæll Gimbur undan 19-483 Blökk og 18-591 Vita Gimbur undan 15-249 Lufsu og 20-605 Bæron 15-249 Lufsa Gimbrar undan 14-143 Kiðu og 21-703 Jalla Gimbur undan 19-460 Larisu og 20-607 Dúa. Hún var vigtuð í gær og var 47 kg. Hrútur undan 19-460 Larisu og 20-607 Dúa. Hann var vigtaður í gær og var 51 kg.  Svakalega flott kind hún Larisa Hrútur undan 20-496 Fnjósk og 20-706 Hnikari         Molinn kveður

Í morgun

20-519 Sylla kom með tvær flottar gimbrar í dag Önnur var 37 kg. og hin 49 kg. Vel gert hjá tvævetlu. Hún var þrílembd og þriðja lambið, hrútur var vaninn undir 20-498 Hriflu. Hann var 44 kg. 11. september og var slátrað 15. sept. Fallþungi 20 kg. og fór í U3   Við vigtuðum rúmlega 80 lömb í dag. Meðalvigtin á þeim  var 46,4 kg. Við erum að senda í slátur á morgun         Molinn kveður

Útsýnið út um eldhúsgluggann

Molinn kveður

Ég flaug drónanum niður á engi og tók þessa mynd þar

Og þessa líka Möðruvellir     Við fórum yfir ærnar í dag. Okkur vantar um 20 sett, þá ær  með lömb. Það eru þrjár ær sem vantar þar sem lömbin þeirra eru komin. Þær eru líklegast dauðar. Það vantar líka mörg stök lömb

Jæja loksins bar Galía. Hún bar í gær. Hún varð ekki þrílembd

eins og ég giskaði á. Hún varð einlembd og með stórt lamb.

Gimbur sem lifði ekki burðinn af

Flottur himinn Og þessa tók ég í kvöld

Í dag kveðjum við þessa fallegu stúlku í hinsta sinn. 

Aðeins 29 ára gömul. Lífið getur verið svo ósanngjarnt. 

Hvíldu í friði og blessuð sé minning þín

elsku María mín

Elsku María með fallega brosið. Nú ert þú komin til ömmu Siggu. Ég veit að hún hefur tekið vel  á móti þér