Hæ öll !!!

Jæja við Þórður vorum að skreyta í Lyngbrekku. Við settum jólaseríu á skúrinn, húsið og flaggstöngina og svo settum við upp jólatré í brekkuna. Þegar þið keyrið framhjá Lyngbrekku þá sjáið þið bæði tréð og flaggstöngina. Þetta er voða flott. Eeeennnn kuldinn úti. Það var svo kalt að ég held að ég sé ekki með neinar tær eftir þetta, en ég er að reyna að hita þær upp og vona að þær haldist á mér. En horfið þið uppeftir þegar þið keyrið framhjá.

Molinn kveður.

Já góða kvöldið hér!!!

Jæja það er afmæli hér á þessu heimili. Elskan mín hann Þórður á afmæli í dag. Við erum búin að vera í sveitini bæði í gær og í dag.

Ég setti inn nokkrar myndir frá helginni.

Molinn kveður.

Hæ, hæ !!!

Jæja ég var að skanna gamlar myndir, og setti inn nokkrar.

Nú koma strákarnir, Júlli og Siggi  á morgun. Það er svo langt síðan þeir voru síðast hjá okkur, eða þrjár vikur. Það verður gaman að fá þá.

Molinn kveður.

Já komið þið sæl og blessuð  !!!!!!!

Langt er síðan síðast.

Jæja nú er orðin minni vinna hjá mér. Bara alltaf búin kl. 15. Allavegana í bili.

Ég kom heim úr vinnunni í dag kl. þrjú og byrjaði þá á fullu að steikja bollur, gerði semsagt bollur í sósu. Svo setti ég þær í fötu og arkaði af stað út í sveit. Þórður var þar að hjálpa til við að steypa gólfið í hesthúsið sem þeir eru að gera þar. Ég  var búin að reyna að hringja í Þórð, en síminn var ekki inni, þannig að ég náði ekki á honum. Ég semsagt arkaði af stað og reyndi annaðslagið að hringja í símann í Rauðalæk, en án árangurs. Svo hringdi ég í símann hans Þórðar og viti menn hann svaraði. Hann sagðist þá vera á leiðinni í bæinn með Sumarliða og Sigga, og ég á leiðinni í sveitina með bollurnar. Ég hafði þá mætt þeim. ÞANNIG að ég þurfti að snúa við, því ekki ætlaði ég að gefa svínunum bollurnar mínar. Hafsteinn, Fanney, Jón, Guðrún og mamma nutu góðs af þessari fílu ferð minni í sveitina, því ég bauð þeim í mat. ÉG VEIT EKKI HVENÆR ÉG GERI AÐRA TILRAUN.

Ég ákvað í dag að fara og gefa blóð. Ég fór og skráði mig, og það var tekin blóðprufa, þannig að eftir tvær vikur ef allt er í lagi þá má ég gefa blóð.

Molinn kveður.

Já halló!!!

Ég fór í vinnu í dag eins og alla aðra laugardaga. Ég var búin að vinna kl. 13:30.   Þá lá nú leiðin í kirkju. Það var verið að skíra yngsta molann. Hann fékk nafnið Ríkharð Pétur og er Hafsteinsson. Ég setti inn myndir.

Molinn kveður.

já halló!!!

Jæja kindanördinn er búinn að setja inn myndir af rúningnum. Það var verið að rýja í dag.

Siggi og Júlli voru hjá okkur um helgina. Ég var að vinna í gær til kl. 17:30 .   Þórður þessi elska var með strákana á meðan. Hann fór með þá í sveitina og þeir voru svo ánægðir með það. Við vorum svo í sveitinni í allan dag. Við vorum ekki komin heim fyrr en rétt fyrir kl 19.

Molinn kveður.