Hæ !

Jæja nú er góð helgi að verða búin. Við fórum ekkert á Dalvík, en vorum þess í stað hér í Lyngbrekku. Oooohhhh bara gott.
Guðrún og Nonni komu í heimsókn. Þau komu í gær og fóru í dag aftur suður.
Við tókum okkur rúnt í gær, til að athuga um kindurnar í fjallinu. Við sáum Gilitrutt með gimbrina sína, Frostrós og Hélu, Þulu og Flekka, Hnyðju, og Bryðju og gimbrina hennar. Þær voru langt frá, en við sáum þær í kíki. Við fórum svo aftur í dag, og sáum Hnyðju, Bryðju og lambið hennar, Þulu og Flekka, og Frostrós og Hélu. Þau voru svo nálægt að ég gat tekið myndir af þeim. Ég setti inn myndir.
Helgi minn, takk fyrir að opna hliðið. Erum búin að keyra tvisvar sinnum veginn á enda, og eigum eftir að fara nokkrar ferðir í viðbót.
Það verður gaman í haust þegar féð kemur af fjalli.

Molinn kveður.  

Jæja gott fólk !

Fyrsti vinnudagurinn að baki. Það gekk nú bara nokkuð vel. Við fórum í Lyngbrekku eftir vinnu um kl. 17:30. Ég sauð siginn fisk í kvöldmatinn. Þórður er búinn að sparsla og pússa veggina í skúrnum. og þá á ég eftir að bletta með grunni. Og svo er það að mála, setja eitthvað á gólfið og setja upp hillur. Þá er hann tilbúinn fyrir að geyma dót.

Molinn kveður.

Hæ !
Jæja allt gott hér. Júlli fór í gær, þannig að við hjónin erum aftur orðin ein. Við erum í Lyngbrekku, og erum að vinna í skúrnum. Ég var að elda hrefnukjöt í raspi. Við borðuðum grillað hrefnukjöt í gær og það var algjör snilld. Það var grillpartý hjá Hafsteini og Fanneyju. Það áttu allir að koma saman, en það var bara 50% mæting. En það var nú gaman. Það duttu inn myndir frá því partýi. Jæja nú er það að fara að athuga hvernig kjötið smakkast. Svo er nú vinna á morgun, og öll sælan búin. Sé bara vinnu framundan. Þórður er líka að fara að vinna.

Molinn kveður.