Jæja halló !!!

Nú er alvaran að taka við, já já það er sko vinna á morgun. Ég sem er búin að vera í fríi síðan 12. des. þvílík sæla búin að vera á mér.

Jæja aðfangadagur búinn og tilheyrandi jólaboð. Maður er sko bara búinn að vera að borða og borða og liggja í leti. En nú fer hjólið að ganga sinn vana gang.

Við vorum í jólaboði í dag hjá Rikka og Addý í Ólafsfirði. Það var í Höllinni, og þvílíkar kræsingar á borðum þar. Við vorum líka í jólaboði 25. des. hjá Siggu og Hauk í Mýrarvegi og líka voru kræsingar þar á borðum.

Guðrún Helga kom 22. des. og var hjá okkur þangað til á jóladag 25. Við skutluðum henni á Borðeyri þar sem Nonni beið eftir henni. Við lögðum af stað um kl. 18:30 og vorum komin þangað um kl. 21. Það var tekið vel á móti okkur þar af foreldrum Nonna. Við stoppuðum ca. 1 og 1/2 tíma þar og héldum svo heim. Við vorum komin heim um kl. 00:45

Friðrik og Yumiko eru líka hér fyrir norðan. Þau komu 23. des og þau fara 30. aftur suður.

Ég setti inn þrjú ný albúm.

Molinn kveður.

Já sæl og blessuð öll !!!

Já hann Dagur Árni er búinn að vera hér hjá okkur síðan á föstudaginn 12. des. og er að fara á morgun 22. des. Það hefur nú gengið alveg rosalega vel með hann. Hann eignaðist bróður 16. des. og hefur ekki séð hann nema á myndum og myndböndum. Það verður gaman fyrir hann að koma heim eftir þessa löngu dvöl hér hjá okkur.

Elísabet er byrjuð í stuðning hjá okkur tvær helgar í mánuði. Hún var síðustu helgi og svo aftur núna um helgina.

Siggi og Júlli voru líka um helgina, þannig að það voru fjórir krakkar hér. Það gekk nú með ólíkindum vel. Þau voru svo þæg og góð.

Ég setti inn myndir.

Molinn kveður.

Já halló !!!

Hér gengur allt vel. Við Þórður, Dagur, Elísabet og Tristan fórum á Glerártorg í dag til að hitta jólasveinana. Það var nú gaman. Dagur var ekki vitund hræddur við sveinana. Það kom mér mjög á óvart. Við fórum svo í sveitina og Dagur var aðeins smeikur þar. Tristan var hinsvegar ekkert hræddur. Svo fórum við og bónuðum tvo bíla í Goðanesi. Skemmtilegur dagur hjá okkur. Ég setti inn myndir.

Molinn kveður.

Já komið þið sæl og blessuð !!!!

Jæja þá er ég nú komin í jólafrí. He he he. Ég fer ekki aftur að vinna fyrr en 29. des. Þvílíkur lúxus á mér.

Dagur Árni er hjá okkur núna. Hann kom í flugi með Ogga í gær. Það gekk svona líka vel. Hann verður hjá okkur í nokkra daga. Hann er afskaplega góður. Við fórum í sveitina í morgun og hann var nú hálf smeikur við dýrin. En við verðum bara að vera dugleg að fara með hann þangað meðan hann stoppar hjá okkur svo hann fái nú alvöru kjark.

Elísabet er komin í stuðning til okkar og hún verður tvær helgar í mánuði hjá okkur. Hún er hjá okkur núna þessa helgi.

Ég setti inn nokkrar myndir af ferðinni okkar í sveitina í morgun.

Molinn kveður.

Halló !!!!!

Það gekk semsagt allt upp að ég gæti gefið blóð. Nú er ég orðin blóðgjafi. Það má eiginlega segja að draumurinn rættist, því ég hef lengi ætlað að gera þetta.

Ég þreif eldhúsgluggann og skreytti í gær. Ég setti tvö aðventuljós og seríu í hann og svo setti ég upp jólagardínur. Ætla að þrífa einn til tvo glugga núna og skreyta.

Molinn kveður.