Jæja nú er vígslan búin á pottinum. Hún fór fram í gær. Það var alveg æðislegt að fara í hann. Og núna getur maður bara farið í hann þegar maður vill. SNILLD. Ég held að hann Júlli verði líka ánægður með það. Ég setti inn nokkrar myndir frá því í gær í albúm 27-29.
Ég er komin í 5 vikna sumarfrí. Fer ekki aftur að vinna fyrr en eftir versló.
Jæja þá er það enn og aftur Lyngbrekka. Við vorum þar í dag. Þórður er búinn að tengja sturtuna, og við vorum að láta renna í pottinn. Það er svo spurning hvort hann virkar rétt og hvort vatnið hitnar. Það er nú lengi að hitna er mér sagt. Ég ætla samt að vona að við getum vígt hann á morgun. Guðrún Björg, Tristan Máni og Róbert ætla að koma og vera í vígslupartýi með okkur. Ef þetta gengur upp þá er allt tilbúið sem við kemur pottinum og þá er alltaf hægt að hoppa í hann ef maður vill. FRÁBÆRT.
Siggi Tumi er BARA góður strákur. Hann sofnar kl. átta til hálf níu á kvöldin og hann vaknar kl. níu og rúmlega það á morgnana. Hann er líka góður í Lyngbrekku. Dundar sér inni og úti.
Jæja nú er allt að verða klárt í Lyngbrekku fyrir pottinn. Þórður ætlar að láta renna í hann á morgun, og þá er hægt að vígja hann á sunnudaginn. Þórður er búinn að vera að vinna þar nær alla vikuna, já og líka í Goðanesi. Oggi kom í rafmagnslögn. Það verður að vera rafmagn fyrir pottinn. Ég sótti Sigga Tuma í leikskólann kl. 16. Hann verður hjá okkur um helgina. Við fórum svo í Lyngbrekku til Þórðar sem var búinn að vera þar í allan dag. Ég tók myndir af framkvæmdunum og þið getið skoðað þær í möppu sem heitir 27-29 júní. Ég set nú líklegast vígslu myndir inn í það albúm á sunnudaginn. Þið getið fylgst með hér. Hverjir ætla að mæta í vígslupartýið, eru það einhverjir. Vinsamlegast látið mig vita hér í commenti.
Vorum í Lyngbrekku frá kl. 10 til 22 í gær. Setti inn nokkrar myndir af deginum í gær í albúm 21-22 júní. Við erum aðeins farin að dunda okkur þar. Þórður er byrjaður að gera skjólvegg við pottinn. Hann ætlar að byrja á því að útbúa allt við pottinn svo við getum farið að nota hann. Við elduðum okkur holusteik og namm hvað það var góður matur. Fanney og Guðmundur borðuðu með okkur. Það er alveg æðislegt að vera með Júlla þarna. Við spurðum hann núna hvort við ættum að fara í Lyngbrekku og hann rauk inn í herbergi klæddi sig og tók til dót, þannig að hann bíður tilbúinn til að fara. Aldrei ósáttur með það. Jæja erum að fara í sæluna.
Verð að deila þessu með ykkur. Við Þórður fórum með báða bílana í skoðun í mars eða apríl sl. Númerið hjá Þórði endar á 0, og minn á 4. Ég var á réttum tíma að láta skoða, en Þórður kominn yfir tímann, eða hann hefði átt að vera búinn að láta skoða í febrúar samkvæmt öllu. Jæja Þórður fer inn og borgar, ég bíð á meðan. Það var löng röð, og mikil bið. Þórður kemur svo út frá því að borga og segir voða rogginn : ha ha ha ég þarf ekki að láta skoða bílinn minn fyrr en á næsta ári. Ég fékk bara miða 09 til að setja á númerin hjá mér. Á ÉG EKKI AÐ BÍÐA MEÐ ÞÉR ELSKAN MÍN SVO ÞÉR LEIÐIST EKKI sagði Þórður rogginn og settist í bílinn minn. Jú jú ég þáði það. Svo kom að bílnum mínum og hann komst í gegnum skoðun með eina athugasemd. Það vantaði eina peru. En nóg um það. Ég fékk miða á bílinn minn 09. HA HA HA í gærmorgun var búið að líma miða (ekki einn heldur þrjá) á bílinn hans um það að hann eigi að koma með bílinn í skoðun og það strax í gær. Hann semsagt límdi aldrei 09 á númerin og hann var sko heppinn að það var ekki klippt á númerin. Miðarnir með 09 eru nú komnir á.
Júlli er einn hjá okkur þessa helgi. Við verðum í Lyngbrekku í allan dag. Fórum meirisegja eftir að Júlli kom í gær, til að vökva plönturnar sem við gróðursettum 17 og 18 júní. Erum að fara.
Ég hef nú ekki verið dugleg núna að skrifa eitthvað hér inn. Það er búið að vera svo mikið að gera hjá mér að ég hef ekki haft mikinn tíma í þetta.
Ég er búin að vera í fríi í vinnunni alla síðustu viku, en það hefur nú ekki verið frí hjá mér hér heima. Ég er búin að vera að þrífa hér íbúðina, eða eitthvað af henni en ég náði ekki að klára.
Guðrún Helga og Nonni komu á föstudaginn og voru hér þangað til í gær þriðjudag 17. júní. Það var mjög gaman að fá þau í heimsókn :-)
Á síðasta föstudag var haldið heljarinnar partý í Hríseyjargötu í tilefni af útskrift Helgu Dóru. Og það var líka útskrift Jóns Birkis og Nonna kærasta Guðrúnar Helgu. Þar hittumst við öll systkinin og eitthvað af mökum og krökkum. Ása og Palla systur mömmu komu líka og það var alveg yndislegt að hitta þær.
Ég er búin að setja inn myndir úr því partýi, sem heitir 11. júní. Ég var líka að setja inn 6 myndir í albúmið Lyngbrekka. Þar sést tjaldsvæðið okkar. Við vorum í gær og í dag að setja niður birki meðfram tjaldstæðinu, þannig að vonandi verði skjól þar þegar plönturnar vaxa.
Nú er stóra spurningin ::: HVER VERÐUR FYRSTUR TIL AÐ TJALDA, EÐA HJÓLHÝSAST ÞAR . Það má að vísu ekki strax, því við erum ný búin að sá.
Jæja nú er þessi helgi liðin, og mánudagur á morgun. He he he ég er í fríi þessa viku. Já ég er í sumarfríi þessa viku og vinn svo tvær vikur og fer svo aftur í frí í fimm vikur. Ég verð í fríi allan júlí mánuð. Ekki slæmt það.
Já þessi helgi er liðin og það gekk vel með guttana. Við fórum í dag í dýragarðinn á Krossum og svo í sund á Þeló á eftir. Ég setti inn myndir af þeirri ferð, í albúm 07-08 júní.
Ég er búin að komast að því að það voru Hetjurnar sem buðu krökkunum á hestbak í gær. Það leiðréttist hér með.
Kindurnar voru settar á fjall í dag. Semsagt búið að sleppa á fjall. Ég held að Guðrún verði ekki ánægð með það, því það átti ekki að gera það fyrr en næstu helgi og þá verður Guðrún hér. Hún semsagt missti af því. Mig er farið að hlakka strax til haustsins þegar þær koma aftur af fjalli.
Nú eru hér tveir guttar hjá okkur, þeir Júlli og Siggi Tumi. Sesselía og Viktor eru hætt, þannig að þeir verða bara tveir hjá okkur í sumar. Þeim semur mjög vel og þeir eru þægir og góðir.
Ég fór í vinnu í gær kl. 6, til kl. 15. Þórður og Þórhallur sáu um guttana á meðan. Þessar elskur Þórður og Þórhallur fóru með Júlla og Sigga Tuma á hestbak. Það var verið að leyfa krökkunum að fara á hestbak hjá félagi einstakra barna. Eða ég held að það heiti það. Þið leiðréttið mig bara ef það er ekki rétt hjá mér. Þegar ég var svo búin að vinna, fórum við í Lyngbrekku og vorum þar fram að kvöldmat.
Ég setti inn nokkrar myndir í albúm 7-8 júní af gærdeginum. Það koma svo kannski myndir af deginum í dag í kvöld.
Já Sif mín. Þetta kom mér alveg á óvart með Sigga Tuma. Hann er svoooo æðislegur þessi drengur sem þú átt.
Nú er ég loksins búin að setja inn myndir síðan um síðustu helgi. Ég setti inn tvö albúm, annað er 25. maí og hitt er 1. júní.
Við Þórður erum búin að vera í Lyngbrekku í dag. Það var verið að setja rör í gegnum veginn til þess að vatnið sem rennur alltaf yfir veginn fari undir hann. Vatnið hefur alltaf á vorin runnið yfir veginn og heim að húsi, en vonandi erum við búin að stoppa það. Það allavegana rennur núna í gegnum rörið og niður brekkuna. Arnar Friðriks gerði þessa aðgerð.
Við skruppum í Rauðalæk á heimleiðinni. Það voru nokkrar kindur rétt neðan við húsið. Við fórum með brauð til að gefa þeim. Þær eru svo gæfar og líka lömbin. Þá sérstaklega hún Tabbý hennar Guðrúnar. Hún vill sko láta klappa sér. Þetta er alveg æðislegt.
Róbert Smári á afmæli í dag. Hann er eins árs. Elsku frændi til hamingju með það.
Nú er Þórhallur búinn í skólanum og hann fer að vinna á morgun í samlaginu. Við vorum bæði að vinna í gær. Eitthvað verður meira að gera hjá okkur út af jarðskjálftanum, því samlagið á Selfossi varð fyrir tjóni.
