Ánægð, ég

Jæja stóri dagurinn, hann var í dag. Það var talið í kindunum, og það kom mér á óvart. Við erum með 20 fullorðnar, og af þeim eru 4 þrílembdar, 15 tvílembdar og 1 einlembd. Svo erum við með 20 gimbrar (gemlinga), og af þeim eru 1 þrílembd, 3 tvílembdar, 14 einlembdar, 1 með dautt og 1 geld. Glæsilegt það maður. Það fæðast þá 66 lömb, að öllu óbreyttu.
Guðrún Helga gerði sér ferð norður til þess að vera viðstödd og hún fer aftur suður í fyrramálið. En það munaði nú ekki miklu, að við kæmum of seint í sveitina, til þess að fylgjast með. Guðrún var komin rétt fyrir kl. tvö, og ég var að vinna til kl. hálf þrjú, og við vorum komin úteftir rétt um kl. þrjú. Alveg stress ferð, til þess að ná, EN NÁÐUM.
Guðrún kemur svo aftur á fimmtudaginn, og verður fram á sunnudag.
Það koma svona 1-3 egg á dag.

Molinn kveður sæll og ánægður.