Jæja nú er féð farið á fjall. Við slepptum þeim í dag, 6 dögum seinna en í fyrra. Það er eftirsjá í þeim, en verður gaman í haust þegar það kemur aftur. Ég er farin að telja niður dagana. Já það er tvöföld tilhlökkun, því Guðrún Helga er skrifuð inn 7. september. Hún verður að vera búin að eiga, þegar réttirnar verða, og kemur bara með litla strákinn þangað.
Guðrún Helga og Nonni eru hér. Nonni er að vinna við upptöku á Hæ Gosa.
Ég á eftir að vinna eina viku, og er þá farin í fjórar vikur í frí. Siggi og Júlli verða hjá okkur í tvær vikur, og Ómar verður hjá okkur í eina viku. Ég er eiginlega bara í fríi í eina viku. En það verður samt ljúft.
Við vorum með afmæliskaffi 16. júní. Þórhallur átti afmæli. Hann varð 19 ára.
Molinn kveður.
