Aðeins þrjár myndir eftir og þá er ég komin með myndir af öllum þeim 436 lömbum sem eru á lífi. Eða ég held að það séu bara tvær eftir, því ég hef grun um að eitt lamb sé dautt. Ég hef ekki séð það í langan tíma. Móðirin er alltaf bara með annað lambið. Og þá eru ekki 436 á lífi heldur 435.
En þessi tvö sem eftir eru, eru undan Hexíu forystugemling sem er undan Súlu. Hún er ekkert á því að leyfa mér að taka mynd af lömbunum hennar. Ég næ þeim á mynd þegar við rekum inn og sleppum á fjall 
Þetta er svo falleg gimbur. Hún er þrílembingur undan Zeldu og Eitli. Líklegast lífgimbur 
Gaman að fylgjast með lömbunum stækka. Þetta eru tvílembingar undan Rannsý og Mökk
Þrílembingar undan Slenju og Mökk
Dudda gemlingur með hrútinn sinn. Hann verður áreiðanlega stærri en hún í haust
Draumey með hrútinn sinn (hægra megin við hana) og hrút sem hún fékk að láni frá Þökk gemling
Golma með tvær gimbrar
Molinn kveður
