Gríma kom og þáði brauð
Hér eru lömbin hennar Grímu. Hrútur og gimbur, undan Strút
Þrír gemsar, Brók, Zeta og ég sé ekki hver þessi hvíta er. Þær voru mjög langt frá okkur. Brók er þessi sv.fl. og er með hrút undan Andrési og Zeta er þessi mó.fl. og er með gimbur undan Andrési
Kæna með tvær gimbrar undan Gera. Hún var frekar langt frá okkur, þannig að myndin er ekki alveg í fókus
Dagný með tvo hrúta undan Máv
Freydís með hrút undan Máv. Hún átti líka gimbur sem drapst fjögurra daga gömul
Hér eru þau líka. Freydís kom og þáði brauð
Brella með tvo hrúta og eina gimbur. Ég sé að annar hrúturinn er enn minnstur eins og þegar hann fæddist, þá var hann miklu minni en hin lömbin. Þau eru undan Eitli
Hrísla með tvo hrúta undan Máv
Della með tvær gimbrar undan Strút
Rist með gimbur undan Andrési. Hún var allra minnsta lamb sem fæddist þetta vor. Það hefur aðeins tognað úr henni. Ég sé ekki hver er með henni, en það er áreiðanlega geldur gemsi. Ég tek það fram að þær voru mjög langt frá okkur
Svo eru það nokkrar sem eru hér heima. Hér er Zelda með tvær gimbrar undan Eitli
Drífa með hrút og tvær gimbrar undan Þyrli
Flaska gemmsi með tvær gimbrar undan Gera. Eitthvað fóðraðist hún illa í vor og hefur ekki náð sér á strik
Bíbí þessi hvíta hyrnda. Hún var geld. Þessi hvíta kollótta er Ör gemmsi. Hún er með tvær gimbrar undan Gera. Hún fékk júgurbólgu í vor og lömbin eru frekar lítil. Svo er það Depla, þessi gráflekkótta. Hún er með hrút undan Strút
Hér er Depla með hrútinn. Hún var einlembd en hefur farið á stað með tvö
Þetta eru móðurlaus lömb. Þau eru undan Fjöður og Þyrli. Þau voru rétt um mánaðargömul þegar þau misstu móður sína
Tveir hrútar undan Gentu og Laxa
Melta með tvo hrúta undan Ára
Gulbrá með hrút og tvær gimbrar undan Þyrli
Læt þetta duga í bili
Ég á eftir að láta það eftir mér að labba inn á Myrkárdal áður en göngur verða. Hef lengi ætlað mér að gera það 
Molinn kveður
