Ég er búin að vera að vakta þessa úti, í nokkra daga (sónuð með 0). Hún er búin að vera á svipuðum stað í nokkurn tíma. Hún var svo horfin í morgun. Ég var búin að skima eftir henni annað slagið í dag. Ég sá hana svo um þrjú leitið
Það var ekki beint fögur sjón að sjá. Það var bara haus á þriðja lambinu. Ég stökk af stað og náði að fara inn með hálsinum og ná í aðra löppina. Ég dró það þannig úr og það voru ekki mikil átök. Hausinn var orðinn smá þrútinn
Hann var fljótur að jafna sig
Flott lömb hjá "geldu" kindinni. Það eru þá komin 5 lömb úr tveim kindum sem sónuðust geldar. Ég held að þriðja kindin sé borin einhversstaðar. Ég sá hana í gær og þá var komið meira undir hana frá því í fyrradag. Hún hefur farið eitthvað í felur til að bera, því hún er búin að halda sig á svipuðum slóðum og þessi sem bar í dag. Ég ætla að fara um allt á morgun og finna hana 
26. maí var ég með blogg um samrýmdar systur. Ég talaði um í því bloggi að þær hefðu borið á sama tíma og væru alltaf saman. Þær fóru saman út með lömbin sín og þær eru enn saman úti. Þær verða að fá að fara saman á fjall
Ég verð að bæta við einni mynd núna kl. 22 (eftir að ég bloggaði þetta hér fyrir ofan)
Ég fann kindina sem ég er búin að vera að leita að síðan í gær. Hér er hún með tvö lömb, hrút og gimbur. Hún var komin á staðinn, þar sem hún var á í gær áður en hún fór í felur. Við erum þá búin að fá 7 lömb úr geldu ánum, og von er á fleiri lömbum
Molinn kveður
